كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

الماتى حايۋاناتتار باعىندا «جاس ناتۋراليستەر» ۇيىرمەسىنىڭ قازاق توبى اشىلدى | قازاق گازەتتەرى


ءتۇرى: قازاق گازەتتەرى

ۋاقىتى: 11:54 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.


الماتى حايۋاناتتار باعىنىڭ نەگىزگى قىزمەتى – جابايى تابيعاتتاعى جانۋارلاردىڭ تۇرلەرىن قالىڭ كوپشىلىككە تانىستىرىپ، كورسەتۋ، جاراتىلىستانۋ ءبىلىمىن ناسيحاتتاۋ جانە جابايى فاۋنانى قورعاۋ يدەيالارىن تاراتۋ، سيرەك كەزدەسەتىن، جويىلىپ بارا جاتقان اڭ-قۇستاردىڭ گەندىك قورىن ساقتاۋ. الماتى حايۋاناتتار باعى كەلۋشىلەر ءۇشىن تانىمدىق ءىس-شارالار جۇرگىزىپ تۇرادى. بۇگىنگى كۇنى مۇندا جوعارى وقۋ ورىندارىنىڭ ستۋدەنتتەرىنىڭ تاجىريبەلىك ساباقتارى ءوتىپ، مەكتەپ وقۋشىلارىنا ارنالعان «جاس ناتۋراليستەر» ۇيىرمەسى جۇمىس ىستەيدى، دەپ حابارلادى الماتى حايۋاناتتار باعىنىڭ ءباسپاسوز قىزمەتى.

بيىلعى جىلدىڭ قازان ايىنىڭ باسىندا الماتى حايۋاناتتار باعىندا «جاس ناتۋراليستەر» ۇيىرمەسىنىڭ قازاق توبى ءوز جۇمىسىن باستاعان بولاتىن. 2019 جىلدىڭ 8-قازان كۇنى تالىمگەرلەر مەن بالالاردىڭ جانە ولاردىڭ اتا-انالارىنىڭ قاتىسۋىمەن ۇيىرمەنىڭ سالتاناتتى اشىلۋى ءوتتى.

وسىنىڭ الدىندا عانا ۇيىرمە تالىمگەرى – الماتى حايۋاناتتار باعىنىڭ عىلىمي ءبولىمىنىڭ مامانى ۇلجانار اديلاەۆا الەۋمەتتىك جەلىلەر مەن اقپارات قۇرالدارى ارقىلى حايۋاناتتار باعىنداعى زوومەكتەپكە جانۋارلارعا دەگەن ەرەكشە قىزىعۋشىلىعى بار بالالاردى قابىلداپ جاتقانىن حابارلاعان بولاتىن.

بۇل ۇيىرمەدە بالالار ەكولوگيالىق ءبىلىم مەن قوسىمشا تالىم-تاربيە الىپ، سالاۋاتتى ءومىر سالتىنا بەيىمدەلىپ، تابيعاتقا، قورشاعان ورتاعا دەگەن سۇيىسپەنشىلىكتەرىن ارتتىرىپ، تانىمدىق قاسيەتتەرىن قالىپتاستىرىپ، جەتىلدىرە الادى.

«جاس ناتۋراليستەر» ۇيىرمەسىنە قاتىسۋ ارقىلى ءار بالا ساباقتان تىس ۋاقىتىن پايدالى وتكىزىپ، ءوزىنىڭ دۇنيەتانىمىن كەڭەيتىپ، قورشاعان ورتا مەن جانۋارلار الەمىنىڭ قورعاۋشىسىنا اينالادى.

الماتى حايۋاناتتار باعىنداعى «جاس ناتۋراليستەر» ۇيىرمەسىنىڭ قازاق توبى 5 جاستان 12 جاسقا دەيىنگى بالالاردى ءالى دە قابىلداي بەرمەك. ۇيىرمە ساباقتارى اپتاسىنا ەكى رەت وتەتىن بولادى. وقۋشىلار ىڭعايىنا قاراي تۇسكە دەيىن نەمەسە تۇستەن كەيىن ەكى ساعاتتان ءدارىس الادى. قازاق توبىندا ءقازىر 20-دان استام بالا بار.

جانۋارلار الەمىمەن جاقىن تانىسۋ ءۇشىن، «جاس ناتۋراليستەر» ۇيىرمەسىنىڭ قازاق توبىنا جازىلعىسى كەلەتىندەر – الماتى حايۋاناتتار باعىنىڭ عىلىمي بولىمىنە (بايلانىس تەل: +7 747 173 72 88) حابارلاسۋىنا بولادى.

ۇيىرمنىڭ العاشقى دارىسىندە بالالار زووباقتىڭ تاريحىمەن تانىسىپ، اڭ-قۇستار تۋرالى قىزىقتى مالىمەتتەر الدى. الداعى ۋاقىتتا جاس ناتۋراليستەر تالىمگەرلەردىڭ كومەگىمەن جانۋارلاردىڭ مىنەز-قۇلقىن سارالاپ، جويىلىپ بارا جاتقان اڭ-قۇس تۇرلەرىن ساقتاپ، ولاردى قالاي كوبەيتۋگە بولاتىنى تۋرالى زەرتتەۋ جۇمىستارىمەن تانىساتىن بولادى.

سۋرەتتى تۇسىرگەن ميحايل سوروكوۋموۆ



كەلۋ قاينارى: http://www.elarna.net/koru.php?tur=6&id=1057539

پىكىرلەر:

juz dep sifirmen jazingiz.