كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

ريتوريكالىق ساۋال: اقش يادرولىق باعدارلاماسى ءۇشىن يرانعا قىسىم كورسەتەدى دە يادرولىق قارۋعا يە پاكىستانعا كەل


ءتۇرى: Islam.kz رۋحاني اقپاراتتارى

ۋاقىتى: 11:30 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
ريتوريكالىق ساۋال: اقش يادرولىق باعدارلاماسى ءۇشىن يرانعا قىسىم كورسەتەدى دە يادرولىق قارۋعا يە پاكىستانعا كەلگەندە نەگە «جۇمعان اۋزىن اشپايدى»؟

البەتتە، بۇل ساۋال ءبىرىڭعايدا بىرەۋلەرگە قيسىنسىز كورىنەر؟ دەسە دە جاپپاي قىرىپ-جوياتىن قارۋ يزرايلدە دە بار. الايدا، يزرايل اقش-تىڭ تاياۋ شىعىستاعى ءنومىرى ءبىرىنشى وداقتاسى. ءارى تاياۋ شىعىستاعى مۇسىلمان ەلدەرى اراسىنداعى جالعىز سيونيستىك ەل. مۇسىلماندارعا قىرىن قارايتىن باتىس ەلدەرى ءۇشىن ءيزرايلدىڭ يادرولىق قارۋعا يە بولعانى ءتيىمدى دە. ال پاكىستان دا مۇسىلمان ەلى ەمەس پە؟ نەگە پاكىستاننان جاپپاي قىرىپ-جوياتىن قارۋدان باس تارتۋدى تالاپ ەتپەيدى؟ يرانعا يادرولىق باعدارلاماسى ءۇشىن قىسىم كورسەتكەنى سەكىلدى. ونىڭ ۇستىنە، پاكىستان امەريكالىقتار تەرروريست سانايتىن تالىپتەر قوزعالىسى بەلسەندى ارەكەت ەتەتىن اۋعانستانعا كورشى ەل ءارى ءوز اۋماعىندا دا استىرتىن نەمەسە اشىق ارەكەت ەتەتىن  تەرروريستىك ۇيىمدار كوپ مەملەكەت. ياعني، يادرولىق قارۋ تەحنولوگياسى قولدى بولۋ قاتەرى جوعارى ەل ەكەنىن ەسكەرىڭىز. وندا نەگە پاكىستانعا يادرولىق قارۋدى يەمدەنۋگە تىيىم سالمايدى؟ يرانعا ەكونوميكالىق شەكتەۋ قويعانى سەكىلدى. پاكىستان دا يران سەكىلدى مۇسىلمەن ەلى ەمەس پە؟ وسى تۇستا جاقشا ىشىنە الىپ ەسكەرتە كەتەرىمىز: باتىس جۇرتى ءۇشىن يران دا پاكىستان سەكىلدى مۇسىلمان ەلى سانالادى. ولار ءۇشىن شيعالار مەن سۇننيتتەر اراسىنداعى ايىرماشىلىقتىڭ ماڭىزى شامالى. ەسەسىنە، باتىس مەنتاليتەتى ناسىلدىك ايىرماشىلىققا ءمان بەرەدى. بۇل ەندى ءوز الدىنا بولەك، باسقا تاقىرىپ. دەسە دە يران مەن پاكىستاننىڭ اراسىندا يادرولىق ماسەلەدەگى ۇستانىمدارىندا ەلەۋلى ايىرماشىلىق بار. يرانعا قاراعاندا پاكىستان، ءتىپتى، كاشمير ماسەلەسى بويىنشا ۇندىستانمەن تەكەتىرەسسە دە ەشبىر ەلگە يادرولىق قوقان-لوققى كورسەتكەن ەمەس. يران ەڭ الدىمەن يزرايلگە، سودان سوڭ ساۋدياعا ءقاۋىپ ءتوندىرىپ تۇرعان مەملەكەت. جوعارىدا ايتىپ كەتتىك، پاكىستان يادرولىق قارۋعا يە بولعانىنا تابانى كۇرەكتەي 45 جىلدان اسسا دا جەر داۋى بار ءۇندىستانعا يادرولىق ۇستامدىلىق تانىتىپ كەلە جاتقان ەل. ال يرانعا ەشبىر ەل اسكەري ءقاۋىپ ءتوندىرىپ تۇرعان جوق. پاكىستان يادرولىق قارۋىن 1975 جىلى قۇراستىردى. ال ءۇندىستان 1974 جىلى جاپپاي قىرىپ-جوياتىن قارۋعا يە بولعانىن ايتا كەتكەن ءجون. ياعني، ىلە-شالا پاكىستان دا يادرولىق قارۋدى يە بولدى. كاشمير فاكتورىنا بايلانىستى. پاكىستانمەن كورشى جاتقا تاعى ءبىر ەل - قىتاي 1964 جىلى يادرولىق قارۋىن جاسادى. ەڭ باستىسى، يادرولىق قارۋدى تاراتپاۋ جونىندەگى كەلىسىمدەر وتكەن عاسىردىڭ ء80-شى جىلدارى عانا قابىلدانعاندىقتان پاكىستان دا، قىتاي دا، ءۇندىستان دا جاپپاي قىرىپ-جوياتىن قارۋعا تىيىم سالاتىن حالىقارالىق نورمالار قابىلدانباي تۇرىپ يادرولىق ارسەنالعا يە بولىپ ۇلگەرگەن ەدى. 


كەلۋ قاينارى: http://www.elarna.net/koru.php?tur=52&id=1057526

پىكىرلەر:

juz dep sifirmen jazingiz.