كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211248424449 %51 %

قازاقستان جاھاندىق باسەكەگە قابىلەتتىلىك يندەكسىندە پوزيتسياسىن جاقسارتتى


ءتۇرى: قازاقپارات جاڭالىقتارى

ۋاقىتى: 10:57 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
قازاقستان جاھاندىق باسەكەگە قابىلەتتىلىك يندەكسىندە پوزيتسياسىن جاقسارتتى

نۇر-سۇلتان. قازاقپارات – دۇنيەجۇزىلىك ەكونوميكالىق فورۋم جاھاندىق باسەكەگە قابىلەتتىلىك يندەكسىنىڭ رەيتينگىن جاريا ەتتى، دەپ حابارلايدى قازاقپارات ءتىلشىسى.

اتالعان رەيتينگكە سايكەس، قازاقستان 141 ەلدىڭ ىشىندە 55-ورىنعا تۇراقتادى. 2018 جىلمەن سالىستىرعاندا ەلىمىز 4 پوزيتسياعا جوعارى كوتەرىلدى. قازاقستاننىڭ مۇنداي جوعارى پوزيتسياعا ىلگەرىلەۋىنە «جەرگىلىكتى ەڭبەك نارىعىن دامىتۋ» بولىمىندە 25-ورىنعا تۇراقتاۋىمىز سەپتىگىن تيگىزىپ وتىر.

سونىمەن قاتار ەلىمىز «بيزنەس قارقىندىلىعىن باعالاۋدا» 25-ورىنعا ورنالاستى.

دەگەنمەن، شەتەلدىك ساراپشىلار قازاقستاننىڭ قارجى جۇيەسىن وتە تومەن باعالاعان. بۇل رەيتينگتە 104-ورىندا تۇرمىز.

ال «دەنساۋلىق» پەن «يننوۆاتسيالىق الەۋەت» بويىنشا 95-ورىنعا ىلىكتىك.

رەيتينگتى سينگاپۋر باستاسا، ودان كەيىنگى پوزيتسيالار اقش پەن گونكونگقا تيەسىلى. ال بۇرىنعى كەڭەس وداعىنىڭ قۇرامىنان شىققان وزگە ەلدەردىڭ ىشىندە رەسەي - 43، ازەربايجان - 58، قىرعىزستان 96-ورىندا تۇر.

جاھاندىق باسەكەگە قابىلەتتىلىك يندەكسى – جاھاندىق زەرتتەۋلەر جانە الەم ەلدەرىنىڭ ەكونوميكالىق باسەكەگە قابىلەتتىلىك كورسەتكىشى بويىنشا ونىمەن قوسا جۇرەتىن رەيتينگى. الەم ەلدەرىنىڭ جاھاندىق باسەكەگە قابىلەتتىلىك يندەكستەرىن بۇكىلالەمدىك ەكونوميكالىق فورۋم ءوزىنىڭ جىل سايىنعى قورىتىندىلارىندا شىعارىپ وتىرادى. بۇل زەرتتەۋلەر 2004 جىلدان بەرى جۇرگىزىلەدى جانە قازىرگى كەزدە الەمنىڭ ءتۇرلى ەلدەرى بويىنشا باسەكەگە قابىلەتتىلىك كورسەتكىشىنىڭ نەعۇرلىم تولىق كەشەنىن بەينەلەيدى.

جاھاندىق باسەكەگە قابىلەتتىلىك يندەكسى ءارتۇرلى ەكونوميكالىق دامۋ دەڭگەيىندە دامىعان الەم مەملەكەتتەرىنىڭ ۇلتتىق باسەكەگە قابىلەتتىلىكتى ايقىندايتىن 119 كورسەتكىش ىشىنەن 12 باقىلاۋ كورسەتكىشتەرىنە بىرىكتىرىلگەن. ولار: «ينستيتۋتتار ساپاسى»، «ينفراقۇرىلىم»، «ماكروەكونوميكالىق تۇراقتىلىق»، «دەنساۋلىق جانە باستاۋىش ءبىلىم بەرۋ»، «جوعارى ءبىلىم جانە كاسىپتىك دايارلىق»، «تاۋارلار مەن قىزمەتتەر رىنوگىنىڭ تيىمدىلىگى»، «ەڭبەك رىنوگىنىڭ تيىمدىلىگى»، «قارجى رىنوگىنىڭ ارتۇرلىلىگى»، «تەحنولوگيالىق دامۋ دەڭگەيى»، «ىشكى رىنوكتىڭ مولشەرى»، «كومپانيالاردىڭ باسەكەگە قابىلەتتىلىگى»، «يننوۆاتسيالىق الەۋەت».


كەلۋ قاينارى: http://www.elarna.net/koru.php?tur=3&id=1057499

پىكىرلەر:

juz dep sifirmen jazingiz.