كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211248424449 %51 %

رومان سكليار فرانتسيادا وتكەن بىرلەسكەن ينۆەستيتسيالىق فورۋمعا قاتىستى


ءتۇرى: قازاقپارات جاڭالىقتارى

ۋاقىتى: 10:54 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
رومان سكليار فرانتسيادا وتكەن بىرلەسكەن ينۆەستيتسيالىق فورۋمعا قاتىستى

پاريج. قازاقپارات – قر پرەمەر-مينيسترىنىڭ ورىنباسارى رومان سكليار پاريجدە وتكەن ينۆەستيتسيالىق فورۋمعا قاتىستى، دەپ حابارلايدى قازاقپارات primeminister.kz سايتىنا سىلتەمە جاساپ.

«فرانتسيانىڭ ىسكەرلىك ورتالارىنىڭ 150-دەن استام وكىلى قاتىسقان ماڭىزدى حالىقارالىق ءىس-شارانىڭ بارىسىندا قازاقستان-فرانتسيا سەرىكتەستىگىن مەملەكەتتىك دەڭگەيدە عانا ەمەس، ەكى ەلدىڭ ىسكەرلىك ورتالارى مەن ازاماتتارىنىڭ ىنتىماقتاستىعىن كەڭەيتۋ الەۋەتى تالقىلاندى. فورۋمعا قاتىسۋشىلار قازاقستاننىڭ ينۆەستيتسيالىق مۇمكىندىكتەرىن، بىرلەسكەن جوبالاردى ىسكە اسىرۋ پەرسپەكتيۆالارىن تالقىلاپ، ەلىمىزدىڭ ينۆەستيتسيالىق احۋالىنا باعا بەردى»، - دەلىنگەن حابارلامادا.

پرەمەر-مينيستردىڭ ورىنباسارى اتاپ وتكەندەي، قازىرگى تاڭدا قازاقستان-فرانتسيا قاتىناستارىن «ستراتەگيالىق سەرىكتەستىك» رەتىندە سيپاتتاۋعا بولادى. ول دوستىق پەن ءوزارا قولداۋ داستۇرلەرىنە سۇيەنگەن ءتيىمدى جانە ءوزارا تولىقتىراتىن ىنتىماقتاستىقتىڭ ۇلگىسى. ماسەلەن، بۇگىنگى كۇندە كەڭ شارتتىق-قۇقىقتىق بازا قۇرىلعان، وندا 2008 جىلى قول قويىلعان ستراتەگيالىق سەرىكتەستىك تۋرالى شارت ەرەكشە ورىن الادى.

بۇدان وزگە، قازاقستان فرانتسۋز بيزنەسى ءۇشىن ورتالىق ازيا وڭىرىندەگى سەنىمدى سەرىكتەس بولىپ تابىلادى. قازاقستان ەۋروپا ەلدەرىنىڭ وڭىردەگى ەكونوميكالىق مۇددەلەرىنىڭ تاراتۋشىسى بولا الادى. ماشينا جاساۋ، جەر قويناۋىن پايدالانۋ، مۇناي وڭدەۋ، ەنەرگيا ۇنەمدەۋ، كولىكتىك-لوگيستيكالىق ينفراقۇرىلىمدى دامىتۋ، فارماتسەۆتيكا جانە باسقا دا سالالاردا ءوزارا ءتيىمدى ىنتىماقتاستىقتىڭ ءداستۇرلى تاجىريبەسى قالىپتاستى.

فورۋمعا قاتىسۋشىلار اتاپ وتكەندەي، فرانتسۋز كومپانيالارى قازاقستانعا كاپيتال سالۋ ماسەلەسىنە جوعارى قىزىعۋشىلىق تانىتۋدا. بۇل – ەۋرازيا كونتينەنتى ەلدەرىن بايلانىستىراتىن ستراتەگيالىق ءدالىز. فرانتسۋز ىسكەرلىك ورتالارىنىڭ وكىلدەرى بەرگەن باعاعا سايكەس، قازاقستان فرانتسيانىڭ ورتالىق ازياداعى سەنىمدى سەرىكتەسى، ەكى ەل اراسىندا ءوزارا ءتيىمدى ىنتىماقتاستىق تاجىريبەسى قالىپتاسقان.

ينۆەستيتسيالىق فورۋم بارىسىندا AirLiquideKarabatanTechGases جانە KazakhstanPetrochemicalIndustries (KPI) اراسىندا تەحنيكالىق گازدى جەتكىزۋگە ۇزاق مەرزىمدى كەلىسىمشارتقا قول قويىلدى. كەلىسىمشارت «ۇلتتىق يندۋستريالىق مۇناي-حيميا تەحنوپاركى» اەا اۋماعىندا قۇرعاق سىعىلعان اۋا مەن ازوتتى وندىرەتىن قوندىرعىنىڭ قۇرىلىسىن جانە ونى بىرىكتىرىلگەن گاز-حيميالىق كەشەنگە جەتكىزۋدى كوزدەيدى. وسىنداي قۇجاتقا قول قويۋ، «قازمۇنايگاز» ۇك» اق قازاقستاندىق مۇناي كومپانياسىمەن بىرلەسكەن كاسىپورىن شەڭبەرىندە AirLiquide كومپانياسىنىڭ قازاقستانداعى قىزمەتىن دامىتۋدا كەزەكتى قادام بولدى.

سونداي-اق، فورۋم شەڭبەرىندە ەنەرگەتيكا، مال شارۋاشىلىعى، مينەرالداردى ءوندىرۋ، مۇناي-گاز ونەركاسىبى، وندىرىستەردى تسيفرلاندىرۋ مەن اۆتوماتتاندىرۋ سالالارىن قامتيتىن كومپانيالارمەن 10-عا جۋىق ەكىجاقتى كەزدەسۋ وتكىزىلدى. ونىڭ ىشىندە: IDEMIA، AIRBUS GROUP، CNCR Group، ORANO MINING، BureauVeritas، IFP EnergiesNouvelles جانە تاعى باسقالارى بار.

بۇگىن فرانتسيا قازاقستاننىڭ نەگىزگى ساۋدا-ينۆەستيتسيالىق سەرىكتەستەرىنىڭ بەستىگىنە كىرەدى. وسى جىلدارى ءوزارا تاۋار اينالىمى $50 ملرد دەيىن جەتتى. سونىمەن قاتار، ۋران، مۇناي-گاز، تيتان ونەركاسىبىندە، كولىكتىك ماشينا جاساۋ، قۇرىلىس ماتەريالدارىن، ازىق-تۇلىك ءونىمىن ءوندىرۋ جانە باسقا دا سالالاردا ءبىرقاتار ءىرى بىرلەسكەن ينۆەستيتسيالىق جوبالار ىسكە اسىرىلدى، بۇل سوڭعى 14 جىلدا $15،6 ملرد كولەمىندە فرانتسۋز ينۆەستيتسيالارىن تارتۋعا مۇمكىندىك بەردى. قازاقستاندا فرانتسۋز كاپيتالىنىڭ قاتىسۋىمەن بارلىعى 130-دان استام كومپانيا جۇمىس جاسايدى.

وسىنداي جاقسى ناتيجەلەرگە قاراماستان، ەكونوميكالىق سالاداعى ەكىجاقتى سەرىكتەستىكتى كەڭەيتىپ تەرەڭدەتۋ ءۇشىن ايتارلىقتاي الەۋەت بار، اسىرەسە قازاقستان مەن فرانتسيا پرەزيدەنتتەرى ايقىنداعان ءۇش باسىم سەكتوردا: بالامالى ەنەرگەتيكا، اۋىل شارۋاشىلىعى جانە تسيفرلاندىرۋ.

رومان سكليار ءسوزىن قورىتىندىلاي كەلە بۇگىنگى قازاقستان — بۇل بيزنەستى ءتيىمدى جۇرگىزۋ ءۇشىن جاڭا مۇمكىندىكتەر مەن زور الەۋەت ەكەنىن اتاپ ءوتتى. ءبىزدىڭ ەل ينۆەستيتسيالىق احۋالدى جاقسارتۋعا باعىتتالعان دايەكتى تۇردە رەفورمالار جۇرگىزۋدە، كاسىپكەرلەرمەن اشىق ديالوگ قامتاماسىز ەتۋدە جانە ينۆەستيتسيالاردى تارتۋ ءۇشىن ينفراقۇرىلىمدى جەتىلدىرۋدە. بۇدان وزگە، قازاقستان بيزنەس جۇرگىزۋ ءۇشىن ەڭ جاقسى شارتتار ۇسىنادى جانە ساۋدا-ساتتىق جاساپ، جوعارعى قوسىلعان قۇنىمەن ەكسپورتقا باعىتتالعان، باسەكەگە قابىلەتتى وندىرىستەردى قۇرۋعا ينۆەستيتسيا سالۋعا دايىن فرانتسۋز سەرىكتەستەرىن تارتۋعا مۇددەلى.


كەلۋ قاينارى: http://www.elarna.net/koru.php?tur=3&id=1057498

پىكىرلەر:

juz dep sifirmen jazingiz.