كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-20937296235 %65 %
2019-10-211409463247 %53 %
2019-10-2218197622 %78 %

مۇحتار تىلەۋبەردى: اۋعانستان ەكونوميكاسىن وا ەلدەرىمەن ينتەگراتسيالاۋدىڭ ماڭىزى زور


ءتۇرى: قازاقپارات جاڭالىقتارى

ۋاقىتى: 10:39 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
مۇحتار تىلەۋبەردى: اۋعانستان ەكونوميكاسىن وا ەلدەرىمەن ينتەگراتسيالاۋدىڭ ماڭىزى زور

نۇر-سۇلتان. قازاقپارات – اۋعانستاننىڭ ەكونوميكاسىن كورشى ەلدەرمەن، سونىمەن بىرگە ورتالىق ازيا مەملەكەتتەرىمەن ينتەگراتسيالاۋدىڭ ماڭىزى زور. قر سىرتقى ىستەر ءمينيسترى مۇحتار تىلەۋبەردى نۇر-سۇلتاندا ءوتىپ جاتقان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) اۋعانستان بويىنشا دوڭگەلەك ۇستەل وتىرىسىندا وسىلاي دەدى، دەپ حابارلايدى قازاقپارات ءتىلشىسى.

«سوڭعى 28 جىلدا قازاقستان ايماقتاعى تاريحى مەن مادەنيەتى ورتاق سەرىكتەستەرىمەن تىعىز بايلانىس ورناتۋدا تىڭ باستامالاردى كوتەرىپ كەلەدى. كەزىندە تاريحي تۇرعىدا زور ماڭىزعا يە بولعان، جىبەك جولى بويىنداعى ورتالىق ازيا ەلدەرىنىڭ گەوگرافيالىق ورنالاسۋى – ءوزارا قارىم-قاتىناستى كۇشەيتۋگە مۇمكىندىك بەرەدى. سونداي-اق، ورتالىق ازيا مەملەكەتتەرى باسشىلارىنىڭ بەيرەسمي وتىرىسىنىڭ ارقاسىندا ىنتىماقتاستىققا جاڭا جول اشىلدى. قازىرگى تاڭدا ءبىزدىڭ كوشباسشىلار ورتاق مىندەتتەردى ورىنداۋدا ورتاق امال-ادىستەردى ويلاپ تابۋعا نىق سەنىممەن كەلە جاتىر. ماسەلەن، 2018 جىلدىڭ تامىزىندا ورتالىق ازيا ەلدەرىنىڭ باسشىلارى تۇرىكمەنستاندا كەزدەسىپ، ارال تەڭىزىن قۇتقارۋ شارالارىن تالقىلادى. الايدا، بۇگىنگى جانە ەرتەڭگى كۇن ءۇشىن دە كۇردەلى ماسەلەلەلەردىڭ ءبىرى – اۋعانستانداعى تۇراقتىلىققا بايلانىستى ەكەنىن ءبارىمىز بىلەمىز»، - دەدى قر سىرتقى ىستەر ءمينيسترى مۇحتار تىلەۋبەردى وتىرىس بارىسىندا.

ء

مينيستردىڭ ايتۋىنشا، اۋعانستاننىڭ تۇراقتى تۇردە دامۋى، ونداعى بەيبىتشىلىك پەن تۇراقتىلىق – ايماقتاعى ىنتىماقتاستىقتىڭ دامۋىنا نىق ۇلەس قوسادى.

«قازاقستان – ايماقتىق ىنتىماقتاستىقتىڭ بەلسەندى ادۆوكاتى رەتىندە ايماقتاعى «ويىنشىلار» اراسىنداعى ءوزارا تۇسىنىستىككە جەتۋ ءۇشىن كۇش بىرىكتىرۋدى كوزدەيدى. اۋعانستان تولىعىمەن بەيبىت پروتسەسكە، ومىرگە ورالىپ، حالىقارالىق الاڭدا قازاقستان ساياساتى ءۇشىن باسىمدىققا يە ەلدەردىڭ ءبىرى بولىپ قالا بەرەدى»، - دەدى ول.

مۇحتار تىلەۋبەردى ءوز سوزىندە ءوزارا ىنتىماقتاستىقتىڭ اياسىن كەڭەيتە وتىرىپ، اۋعانستاننىڭ ەكونوميكاسىن كورشى ەلدەرمەن، سونىمەن بىرگە ورتالىق ازيا مەملەكەتتەرىمەن ينتەگراتسيالاۋدىڭ ماڭىزى زور ەكەنىن اتاپ ءوتتى.

«ەكى اپتا بۇرىن قاسىم-جومارت توقاەۆ نيۋ-يوركتەگى بۇۇ باس اسسامبلەياسىنىڭ ء74-شى سەسسياسىندا ءبىزدىڭ ەلىمىزدىڭ اۋعانستانعا كومەك كورسەتۋدى جالعاستىرۋعا دايىن ەكەنىن بىلدىرگەن بولاتىن. مەملەكەت باسشىسى مىقتى ىنتىماقتاستىق، ۇزاق مەرزىمدى ينۆەستيتسيا، ايماقتىق كەلىسىم – تابىس پەن ەلدەگى بەيبىت پروتسەستەرگە قول جەتكىزۋدى شەشۋشى فاكتور ەكەنىن اتاپ ءوتتى»، - دەدى ول.

ەسكە سالا كەتسەك، نۇر-سۇلتاندا ءوتىپ جاتقان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ەقىۇ) اۋعانستان بويىنشا دوڭگەلەك ۇستەلىندە مۇحتار تىلەۋبەردى «جۋسان» وپەراتسياسىنىڭ ىزىمەن قازاقستان يراكتان 14 بالانى قايتارىپ الۋدى جوسپارلاپ وتىرعانىن مالىم ەتكەن بولاتىن.


كەلۋ قاينارى: http://www.elarna.net/koru.php?tur=3&id=1057487

پىكىرلەر:

juz dep sifirmen jazingiz.