كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

شقو-دا براكونەرلەرگە قارسى رەيد باستالدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 09:40 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.



شىعىس قازاقستان وبلىسىندا زاڭسىز بالىق اۋلاۋ تىيىلماي تۇر، دەپ حابارلايدى «حابار 24».

سوندىقتان وڭىردە قازاننىڭ 5-31 ارالاعىندا براكونەرلەرگە قارسى رەيد باستالدى. ايماقتاعى بىرنەشە قۇزىرلى ورگان بىرىگىپ، اۋەدەن باقىلاۋ جۇرگىزدى. ناتيجەسىندە ەكى تاۋلىك ىشىندە مارقاكول قورىعىندا رۇقساتسىز اڭ مەن بالىق اۋلاپ جۇرگەن بىرنەشە توپ ۇستالدى. ولاردان قارۋ-جاراق جانە مايقان، قاراۋىز، تايمەن سەكىلدى باعالى بالىقتار تاركىلدەندى.

مارقاكول. سۋىنا نۋى سايكەس بۇل قورىق جىل ون ەكى اي مەملەكەتتىڭ قورعاۋىندا. سوندىقتان بەيسۋات ادامدار تەك ارنايى رۇقساتپەن عانا ارالايدى. ءبىراق كوكتەم مەن كۇزدە كەيبىر قارۋ مەن قارماققا اۋەستىلەر وسى قورىقتى توراۋىلدايدى. كوبىسى مايقان مەن بەلدىكشە، ياعني تايمەن بالىعىن اۋلاۋ ءۇشىن الىستان كەلەدى.

قورىقتىڭ باسىم بولىگى نۋ ورمان بولعانىمەن، تىكۇشاقتان ءبارى الاقانداعىداي كورىنەدى. زاڭسىز اڭ مەن بالىق اۋلاپ جۇرگەندەر تىكۇشاقتىڭ داۋىسىن ەستىگەن بويدا تەك قۇتىلۋدى ويلايدى. قارۋ-جاراق، اۋلاعان بالىعىن تاستاپ، بوي تاسالاۋاعا تىرىسادى. ال زاڭ بويىنشا قورىق اۋماعىنا شاتىر قۇرىپ، وت جاعۋا مۇلدە بولمايدى.

قورىقتىڭ كەلەسى ءبىر اۋماعىندا وزەنگە قاپەرسىز قارماق سالىپ جۇرگەن بىرنەشە ادام ۇستالدى. ولاردىڭ كولىكتەرىن ءتىنتۋ كەزىندە قۇجاتسىز جانە ەش تىركەۋسىز قارۋ تاركىلەندى. پوليتسيا قزىمەتكەرلەرى ارنايى حاتتاما تولتىردى. ءبىر ايعا سوزىلاتىن رەيدتىڭ العاشى ەكى كۇنىندە-اق زاڭسىز اڭشىلىققا قاتىستى ءبىرقاتار ءىس قوزعالعان.

اسەت قيزاتوۆ، تابيعات قورعاۋ پوليتسياسىنىڭ اعا ينسپەكتورى:

- ەكى تاۋلىك اۋماعىندا 71 اكىمشىلىك قۇقىقبۇزۋشىلىق انىقتالىپ جانە دە 3 قىلمىستىق ءىس قوزعالىپ وتىر. وسىعان سايكەس ساراپتامالارعا جولدانىپ، بۇگىنگى تاڭدا سوتقا دەيىنگى تەرگەۋ امالدارى جۇرگىزىلۋدە.

تەك بيىل عانا مارقاكول اۋماعىنان بىرنەشە براكونەرلىك توپ ۇستالعان. ولاردان ءبىر تونناعا جۋىق مايقان، تايمەن،قاراۋىز سياقتى بالىق پەن 100 كەلىدەي ۋىلدىرىق تاركىلەنگەن. ءبىراق قورىقتى  جىل ون ەكى اي، كۇندىز-تۇنى كۇزەتۋ مۇمكىن مەس.

ۆلاديمير ساناروۆ، «قازاۆيا ورمان قورعاۋ» رمك ينسپەكتورى:

- تۇراقتى تۇردە ۇنەمى باقىلاۋ ورناتۋ مۇمكىن ەمەس. ءبىز تەك وسىنداي جوسپارلى رەيدتەر كەزىندە عانا براكونەرلەردى اشكەرەلەيمىز. ۇنەمى كۇزەتىپ، باقىلاۋ ءۇشىن ارنايى پوست كەرەك. ءبىراق تابيعي جاعدايعا بايلانىستى تىرەك پوستىن اشۋ ول وتە كوپ شىعىن. ال تىكۇشاقپەن ۇنەمى رەيد جاساۋعا دا وتە كوپ قاراجات كەرەك.

وبلىستا 3،5 ميلليون گەكتار مەملەكەتتىك ورمان القابى مەن 885 وزەن بار. وسىنشاما اۋماقتى تولىق قاداعالاۋ مۇمكىن ەمەس. سوندىقتان تابيعات قورعاۋ ماماندارى تەك جوسپارلى رەيدكە شىعۋمەن عانا شەكتەلەدى.

اۆتورلارى: ولجاس كەرەيحان. دميتري پىحتين


كەلۋ قاينارى: http://www.elarna.net/koru.php?tur=38&id=1057465

پىكىرلەر:

juz dep sifirmen jazingiz.