كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-211248424449 %51 %

قۇربان ايت قۇتتى بولسىن! – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 07:50 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.قۇربان ايت قۇتتى بولسىن! – Sunna.kz

2017 جىلدىڭ 1 قىركۇيەگى – قۇربان ايتتىڭ ءبىرىنشى كۇنى!

 ەرجان قاجى مالعاجىۇلى،

قازاقستان مۇسىلماندارى ءدىني

باسقارماسىنىڭ ءتوراعاسى، باس ءمۇفتي

قۇربان ايت قۇتتى بولسىن!

اسا قامقور، ەرەكشە مەيىرىمدى اللانىڭ اتىمەن باستايمىن!

قۇرمەتتى باۋىرلار!

بارشامىزدى ايتقا امان-ەسەن جەتكىزگەن اللا تاعالاعا سانسىز شۇكىرلەر مەن ماقتاۋلار بولسىن!

بارشاڭىزدى كۇللى مۇسىلمان قاۋىمى اسىعا كۇتكەن قاسيەتتى، ۇلىق مەرەكە – قۇربان ايت مەيرامىمەن قۇتتىقتايمىن! وتباسىلارىڭىزعا اماندىق، مىقتى دەنساۋلىق، جۇمىستارىڭىزعا بەرەكە تىلەيمىن.

قۇربان ايت – جاراتۋشى يەمىز بەلگىلەپ بەرگەن ەكى مەيرامنىڭ ۇلىعى، ايتۋلى مەرەكە. حالقىمىز بۇل مەيرامعا ايرىقشا دايىندالىپ، كوپشىلىكپەن ەرەكشە اتاپ وتەدى. بەرەكەگە باستاعان قۇربان ايت بىرلىك پەن يگىلىككە، مەيىرىم مەن كەشىرىمگە ۇندەيدى.

ايت – اعايىننىڭ اۋىزبىرشىلىگىن ارتتىرا تۇسەتىن، مۇسىلمان قاۋىمىن يماندىلىققا ۇيىتىپ، بارشا ادامدى قاناعات پەن تاۋبەگە شاقىراتىن ۇلىق مەيرام. ايت كۇنى ادامدار قۇربان شالۋمەن عانا ەمەس، ساۋاپتى، ىزگى، قايىرلى امالدارىمەن راببىسىنىڭ رازىلىعىنا، راقىمىنا جاقىنداي تۇسەدى. ويتكەنى، اراب تىلىندەگى «قۇربان» ءسوزى «جاقىن بولۋ»، «جاقىنداۋ» دەگەن ۇعىمداردى بىلدىرەدى.

قاسيەتتى قۇراندا: «ۇمىتپاڭدار، ولاردىڭ ەتى دە، قانى دا ەشقاشان اللاعا جەتپەيدى. وعان جەتەتىن نارسە – جۇرەكتەرىڭىزگە ۇيالاعان تاقۋالىقتارىڭ (شىنايى نيەتتەرىڭ)» («حاج» سۇرەسى، 37-ايات)، – دەپ باياندالعان.

ايت كۇندەرى قاجىلىق پارىزىن وتەيتىن كۇللى مۇسىلمان بالاسى جاراتۋشىعا جالبارىنا دۇعا جاساپ، قۇرباندىق شالادى. قاسيەتتى مەككە قالاسىندا حالقىمىزدىڭ بىرلىگى مەن بەرەكەسىن تىلەپ جاتقان وتانداستىرىمىزدىڭ دا دۇعاسى، قاجىلىعى قابىل بولعاي!

قارجىلىق مۇمكىندىگى جوق ادامعا قۇربان شالۋ – مىندەت ەمەس. قۇرباندىق ەتى اعايىن-تۋىس، كورشى-قولاڭ، تۇرمىسى تومەن وتباسىلارىنا، جەتىم مەن جەسىرلەرگە، مۇگەدەكتەر مەن ناۋقاس جاندارعا تاراتىلادى.

قۇربان ايت كۇنى ەرتە تۇرىپ، عۇسىل قۇيىنىپ، ايت نامازىنا قاتىسۋ – پايعامبارىمىز مۇحاممەدتىڭ (وعان اللانىڭ سالاۋاتى مەن سالەمى بولسىن) سۇننەتى. 

وسى رەتتە ەلىمىزدىڭ بارشا ازاماتىن مۇباراك مەيرامنىڭ قۇرمەتى ءۇشىن مۇگەدەكتەرگە، جەتىمدەر مەن جەسىرلەرگە، قاراۋسىز قالعان قارتتارعا قايىرىمدىلىق جاساۋعا شاقىرامىن.

اللا تاعالا دۇعا-تىلەكتەرىمىز بەن ساۋاپتى ىستەرىمىزدى جانە شالعان قۇرباندىقتارىمىزدى قابىل ەتكەي! ءامين!


كەلۋ قاينارى: http://www.elarna.net/koru.php?tur=18&id=1057447

پىكىرلەر:

juz dep sifirmen jazingiz.