كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

9 قازان. قازاقپارات كۇنتىزبەسى


ءتۇرى: قازاقپارات جاڭالىقتارى

ۋاقىتى: 07:03 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
9 قازان. قازاقپارات كۇنتىزبەسى

نۇر-سۇلتان. قازاقپارات - قازاقپارات وقىرماندارىنا 2019 جىلعى 9 قازانعا ارنالعان كۇنتىزبەسىن ۇسىنادى.

اتاۋلى كۇندەر

دۇنيەجۇزىلىك پوشتا كۇنى

1957 جىلى بولعان بۇكىلدۇنيەجۇزىلىك پوشتا وداعىنىڭ ء14-شى كونگرەسىنىڭ شەشىمى بويىنشا، 1874 جىلى پوشتا وداعىنىڭ قۇرىلعان كۇنىنە وراي اتالىپ وتەدى.

ۇلتتىق نانوتەحنولوگيالار كۇنى

اقش نانوتەحنولوگيالىق جوبالاردى دامىتۋعا باعىتتالعان فەدەرالدىق ۇكىمەتتىك باعدارلاماسى -ۇلتتىق نانوتەحنولوگيالار (National Nanotechnology Initiative) باستاماسى بەكىتكەن.

ەستە قالار وقيعالار

1992 جىلى تاريحشى حاليفا التايعا «اتا جۇرتتان انادولىعا دەيىن» اتتى كىتابى ءۇشىن قازاقستان جازۋشىلار وداعىنىڭ «الاش» سىيلىعى بەرىلدى.

1996 جىلى قازاقستان رەسپۋبليكاسى پرەزيدەنتى جارلىعىمەن وڭتۇستىك قازاقستان وبلىسىنداعى كيروۆ اۋدانى - اسىقاتا اۋدانى ء(قازىر ماقتاارال اۋدانىنا قاراستى كەنت)، العاباس اۋدانى - بايدىبەك اۋدانى بولىپ وزگەردى.

2006 جىلى قىزىلوردا وبلىسى جالاعاش اۋدانىنىڭ ورتالىعى - جالاعاش كەنتىندەگى الاڭعا كەنەسارىنىڭ ازاتتىق كۇرەسىندەگى باستى باتىرلاردىڭ ءبىرى - بۇقاربايعا ەسكەرتكىش ورناتىلدى. ەسكەرتكىش اۆتورى، بەلگىلى ءمۇسىنشى مۇراتباي ۇمبەتوۆتىڭ ايتۋىنشا، ونىڭ اياعىنىڭ جانىندا جاتقان جولبارىس باتىردىڭ جاس كەزىندەگى قايمىقپايتىن جۇرەكتىلىگى تۋرالى اڭىزعا وراي الىنعان. ەل اڭىزىنا قاراعاندا، جولبارىس ۇلتجاندى باتىردىڭ تۇسىنەن شىقپايتىن ارۋاقتى سەرىگى بولعانعا ۇقسايدى.

2008 جىلى قازاقستان رەسپۋبليكاسىندا العاش رەت «قازپوشتا» اكتسيونەرلىك قوعامىنىڭ ۇيىمداستىرۋىمەن ء«بىرىنشى رەسپۋبليكالىق پوشتا ماركالارىنىڭ كوللەكتسياسىن جيناۋشىلار سەزى» بولىپ ءوتتى. سەزد بارىسىندا «قازاقستاننىڭ پوشتا ماركالارىنىڭ كوللەكتسياسىن جيناۋشىلار وداعى» قوعامدىق بىرلەستىگىن قۇرۋ ۇيعارىلدى.

2010 جىلى قازاقستاندىق مۋزىكانت مارات بيسەنعاليەۆ ءوزى قۇرعان باتىس قازاقستان فيلارمونيالىق (WKPO) جانە ءۇندىستان سيمفونيالىق (SOI) وركەسترلەرىنىڭ جەتىستىكتەرى ءۇشىن ازيا جانە تىنىق مۇحيت ايماعىنىڭ سيمفونيالىق وركەسترلەر (AAPRO) اليانسىنىڭ باسشىلىق قۇرامىنا سايلاندى.

2012 جىلى دۇنيەجۇزى قازاقتارى قاۋىمداستىعىنىڭ قۇرىلعانىنا 20 جىل تولۋىنا وراي 14 اتالىممەن باسىلىمدار جارىققا شىقتى.

2012 جىلى استانادا بولون پروتسەسى جانە اكادەميالىق ۇتقىرلىق ورتالىعىنىڭ تانىستىرىلىمى ءوتتى. ورتالىقتىڭ باستى ماقساتى - ەلىمىزدەگى ۇلتتىق جانە جوعارى وقۋ ورىندارىنىڭ دەڭگەيىندە كەلىسىلگەن بولون پروتسەسىنىڭ قاعيداتتارىن تولىق جۇزەگە اسىرۋعا جاردەمدەسۋ.

2013 جىلى الەمدىك ادەبيەتتىڭ كورنەكتى وكىلى، پارسى-تاجىك اقىنى ءفيردوۋسيدىڭ «شاحنامە» داستانىنىڭ كوشىرمەسى استاناداعى ۇلتتىق اكادەميالىق كىتاپحانادا تانىستىرىلدى.

بۇگىندە «شاحنامەنىڭ» قىپشاق تىلىندەگى ءتۇپنۇسقاسى تاجىك ەلىندە ساقتالعان. ال ونىڭ كوشىرمەسىن قازاقستانعا بەلگىلى جازۋشى روللان سەيسەنباەۆ الىپ كەلدى.

2013 جىلى «قازپوشتا» اق «ەستەلىك، مەرەيتويلىق داتالار مەن مەيرامدار» ماركاسىن اينالىمعا ەنگىزدى. ول كومپانيانىڭ 20 جىلدىق مەرەيتويىنا ارنالىپ شىعارىلدى.

2014 جىلى ەلباسى نۇرسۇلتان نازارباەۆتىڭ بريۋسسەلگە جاساعان جۇمىس ساپارى اياسىندا قازاقستان مەن ەۋروپالىق وداق اراسىندا قر-دىڭ دۇنيەجۇزىلىك ساۋدا ۇيىمىنا كىرۋى جونىندەگى ەكىجاقتى كەلىسسوزدەردى اياقتاۋ تۋرالى بىرلەسكەن قۇجاتقا قول قويىلدى.

2015 جىلى شىمكەنتتە قازاقتىڭ باتىرلارى تىلەۋ ايتۇلى مەن ونىڭ ۇلى جولدىاياققا ارنالعان ەسكەرتكىش اشىلدى. تاس ءمۇسىن قاجىمۇقان اتىنداعى ورتالىق ستاديوننىڭ باتىس جاعىنداعى گۇلزارباقتا ورنالاستى. تاريحي ءمۇسىننىڭ اشىلۋ سالتاناتىنا جەرگىلىكتى بيلىك وكىلدەرى مەن شاھار تۇرعىندارى جانە اقتوبەدەن ارنايى كەلگەن باتىردىڭ ۇرپاقتارى قاتىستى. تاريحي كەشەننىڭ اۆتورى - ءمۇسىنشى ابدىكارىم احمەتوۆ. ەسكەرتكىشتىڭ بيىكتىگى - 10 مەتر. تىلەۋ ايتۇلى - التى الاشقا ايگىلى، بي ءارى باتىر قولباسشى. نوعاي ۇلىسىنىڭ بيلەۋشىسى مۇسانىڭ ۇرپاعى. 1681-1684 جىلدارى جوڭعارلارعا قارسى شاپقان، سايرام سوعىسىندا 17 مىڭ قول جيناپ، قاسىنا ۇلى جولدىاياق پەن ءىنىسى قالدىباي باتىرلاردى ەرتىپ، سول دالادا ەرلىكپەن قازا تاپقان.

2017 جىلى شاكەن ايمانوۆ اتىنداعى «قازاقفيلم» كينوستۋدياسىندا تولىق مەتراجدى «بالۋان شولاق» تاريحي كوركەم ءفيلمىنىڭ ءتۇسىرىلىمى اياقتالدى. فيلمدە اتى اڭىزعا اينالعان پالۋان، ءانشى ءارى كومپوزيتور بالۋان شولاقتىڭ تاعدىرى ءسوز بولادى.

2017 جىلى قازاقستاننىڭ ديپلوماتيالىق قىزمەتىنىڭ 25 جىلدىعىنا وراي پوشتا ماركاسى اينالىمعا ەنگىزىلدى.

2018 جىلى سەربيا رەسپۋبليكاسىنىڭ باسشىسى الەكساندر ۆۋچيچ قر پرەزيدەنتى نۇرسۇلتان نازارباەۆتى سەربيا رەسپۋبليكاسى وردەنىمەن ماراپاتتادى.


كەلۋ قاينارى: http://www.elarna.net/koru.php?tur=3&id=1057443

پىكىرلەر:

juz dep sifirmen jazingiz.