كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2415668332 %68 %

بەرليندە 700 ملن. ەۋرونىڭ ينۆەستيتسيالىق جوباسىن جۇزەگە اسىرۋ كەلىسىمىنە قول قويىلدى


ءتۇرى: قازاقپارات جاڭالىقتارى

ۋاقىتى: 05:33 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.
بەرليندە 700 ملن. ەۋرونىڭ ينۆەستيتسيالىق جوباسىن جۇزەگە اسىرۋ كەلىسىمىنە قول قويىلدى

بەرلين. قازاقپارات – Linde Gas، SMS Group، CLAAS Group، Barit Gmbh جانە تاعى باسقا كومپانيالارمەن ىنتىماقتاستىق پەرسپەكتيۆالارى تالقىلانعان قازاقستان-گەرمانيا بيزنەس-فورۋمى الاڭىنداعى كەلىسسوزدەر اياسىندا 700 ملن. ەۋرو كولەمىندە ينۆەستيتسيا سالۋ جونىندەگى كەلىسىمدەرگە قول جەتكىزىلدى.

ۇقساس جاڭالىقتار
سىرتقى ىستەر ءمينيسترى اقجارقىن تۇرلىبايدىڭ ىسىنە قاتىستى پىكىر ءبىلدىردى ماڭعىستاۋ وبلىسىنىڭ اكىمى بەلگيانىڭ قازاقستانداعى ەلشىسىمەن كەزدەستى فرانتسيا پرەزيدەنتى ەممانيۋەل ماكرون قازاقستانعا كەلەدى

قر سىرتقى ىستەر مينيسترلىگىنىڭ الىمەتتەرىنە قاراعاندا، ءتيىستى جوبالاردى جۇزەگە اسىرۋ تۋرالى قۇجاتتارعا 2019 جىلعى جەلوقساندا قازاقستان پرەزيدەنتى قاسىم-جومارت توقاەۆتىڭ گەرمانيا فەدەراتيۆتىك رەسپۋبليكاسىنا رەسمي ساپارى اياسىندا قول قويىلۋ جوسپارلانۋدا.

فورۋمعا ەكى ەلدىڭ 200-دەن استام ىسكەر توپتار وكىلدەرى قاتىستى. ءىس-شارا بارىسىندا پەرسپەكتيۆاسى بار ساۋدا-ەكونوميكالىق، ينۆەستيتسيالىق جوبالار تالقىلاندى، ءوزارا ءتيىمدى سەرىكتەستىككە ارنالعان جاڭا مۇمكىندىكتەر مەن سالالار تانىستىرىلدى.

پرەمەر-مينيستردىڭ ورىنباسارى رومان سكليار باستاعان قازاقستان دەلەگاتسياسىنىڭ قۇرامىندا قر سىرتقى ىستەر ءمينيسترىنىڭ ورىنباسارى ەرمەك كوشەرباەۆ، ەكولوگيا، گەولوگيا جانە تابيعي رەسۋرستار ۆيتسە-مينيسترى سانجار جاركەشوۆ، ساۋدا جانە ينتەگراتسيا ۆيتسە-مينيسترى ازامات اسقارۇلى، سونداي-اق «بايتەرەك» حولدينگى، «سامۇرىق-قازىنا» قورى، بەيىندىك مەملەكەتتىك ورگاندار، وبلىس اكىمشىلىكتەرى، ۇلتتىق كومپانيالار مەن بيزنەس وكىلدەرى بولدى.

«ەكونوميكالىق دامۋدىڭ شيكىزاتتىق ۆەكتورىنان الىستاۋ ءۇشىن قازاقستان وتاندىق ەكونوميكانى جاڭعىرتۋ مەن يندۋستريالاندىرۋدى قولعا الدى. جاڭا ساياساتتىڭ ىرگەتاسى يندۋستريالدى-يننوۆاتسيالىق جانە «جاسىل» ەكونوميكا نەگىزدەرىن قۇرۋ بولىپ تابىلادى. بۇل تۇرعىدا قازاقستاندىق كاسىپكەرلەردىڭ ماقساتى جاڭا تەحنولوگيالار مەن يننوۆاتسيالار سالاسىنداعى كوشباسشى رەتىندە گەرمانيا كومپانيالارىمەن سەرىكتەستىك ورناتۋ بولۋى ءتيىس. تسيفرلىق تەحنولوگيانى، سونداي-اق يندۋستريا 4.0 ەلەمەنتتەرىن ەنگىزە وتىرىپ قۇرىلاتىن جاڭا سالالاردى دامىتۋ اسا وزەكتى»، - دەدى قر ۇكىمەتى باسشىسىنىڭ ورىنباسارى ر.سكليار.

بۇگىنگى تاڭدا گەرمانيا – قازاقستاننىڭ الدىڭعى قاتارلى سىرتقى ەكونوميكالىق سەرىكتەستەرىنىڭ ءبىرى. سوڭعى 14 جىلدا نەمىس كومپانيالارى قازاقستان ەكونوميكاسىنا 5 ملرد. اقش دوللارى شاماسىندا ينۆەستيتسيا سالدى. نەمىس ستاتيستيكالىق ۆەدومستۆوسىنىڭ مالىمەتىنە سايكەس، 2018 جىلدىڭ قورىتىندىسى بويىنشا ساۋدا اينالىمى 8،6 ملرد. ەۋرونى قۇراپ، تاريحي جوعارى كورسەتكىشكە جەتكەن.

ودان باسقا قازىرگى ۋاقىتتا قازاقستاندا گەرمانيا كاپيتالىنىڭ قاتىستۋىمەن 900-دەن استام كومپانيا قىزمەت ەتۋدە. سونداي كومپانيالاردىڭ ءبىرى – تەحنيكالىق گاز وندىرۋمەن اينالىساتىن Linde Group كومپانياسى تولىعىمەن ءوز ەسەبىنەن 300 ملن. دوللار كولەمىندە كاپيتال سالۋدى قامتاماسىز ەتۋ ارقىلى تىكەلەي ينۆەستيتسيالاردى جۇزەگە اسىرىپ جاتقاندىقتان، ۇلگىلى ينۆەستور بولىپ سانالادى.

«بۇگىنگى قازاقستان – ءتيىمدى بيزنەس جۇرگىزۋ ءۇشىن جاڭا مۇمكىندىك. قازاقستانعا ارنالعان ءوسۋ بولجامى تاڭقالارلىق. مىسالى، ەادب بولجامى بويىنشا 2019 جىلى ءجىو 3،5%-عا ءوسۋى مۇمكىن. 2020 جىلعا ارنالعان بولجامدار دا قازاقستاننىڭ ەۋرازيالىق ەكونوميكالىق وداقتاعى ءوسۋ قوزعالتقىشى ەكەنىن كورسەتەدى. وڭ باعىتتاعى دامۋ قازاقستان-گەرمانيا ەكونوميكالىق قاتىناستارىنا جاعىمدى ىقپال ەتكەنىنە ءبىز قۋانىشتىمىز. جىلدىڭ ءبىرىنشى جارتىسىندا تاۋار اينالىمى 2،7 ملرد ەۋرونى قۇرادى. گەرمانيانىڭ ورتالىق ازيا ايماعىنداعى ساۋداسىنىڭ 80%-ى بۇرىنعىداي قازاقستانعا تيەسىلى»، - دەدى گەرمان ەكونوميكاسى شىعىس كوميتەتىنىڭ باسقارما مۇشەسى، «كناۋف» كومپانياسىنىڭ باس سەرىكتەسى مانفرەد گرۋندكە.

سونىمەن قاتار قازاقستان تاراپى گەرمان ەكونوميكاسىنىڭ شىعىس كوميتەتىمەن بىرلەسىپ، «ساۋدا-ەكونوميكالىق ىنتىماقتاستىقتىڭ جول كارتاسى» جوباسىن ازىرلەدى. ينۆەستيتسيالىق جوبالار ءتىزىمىن قامتيتىن بۇل قۇجاتقا مەملەكەت باسشىسىنىڭ الداعى ساپارى اياسىندا قول قويۋ جوسپارلانۋدا.

«بۇل فورۋم قازاقستان مەن گەرمانيانىڭ ساياسي، ەكونوميكالىق جانە ساراپشى توپ وكىلدەرى ءۇشىن ءتيىمدى الاڭ بولدى. قازاقستان ينۆەستيالىق كليماتتى جاقسارتۋعا باعىتتالعان رەفورمالاردى بىرتىندەپ جاساۋدا. كاسىپكەرلەرمەن اشىق ديالوگ ورناتىلىپ، ينۆەستيتسيا تارتۋ ءۇشىن ينفراقۇرىلىم جەتىلدىرىلۋدە. جاقىن ۋاقىتتا فورۋم الاڭىندا قول جەتكىزىلگەن كەلىسسوزدەر ناتيجەسىندە جاڭا بىرلەسكەن كاسىپورىندار، ءوندىرىس ورىندارى ىسكە قوسىلاتىندىعىنا سەنىمدىمىن»، - دەدى «Kazakh Invest» ۇك» اق تاۋەلسىز ديرەكتورى ۋلف ۆوكۋركا ءىس-شارانىڭ پانەلدى سەسسياسىندا سويلەگەن سوزىندە.

فورۋم بارىسىندا سونداي-اق «قازاقستان جانە گەرمانيا: جاڭا باعىتتار، جاڭا ونەركاسىپ، جاڭا ىنتىماقتاستىق»، «جاڭا ەكونوميكا جانە ءوندىرىستى تسيفرلاندىرۋ»، «ازىق-تۇلىك قاۋىپسىزدىگىن قامتاماسىز ەتۋ سالاسىنداعى قازاقستان-گەرمانيا ىنتىماقتاستىعى»، «گەولوگيالىق بارلاۋ، جاڭا ەنەرگەتيكا جانە ونەركاسىپتى ەكولوگيالاندىرۋ» تاقىرىپتارىندا ءتورت پانەلدىك تالقىلاۋ ءوتىپ، تاراپتار IoT («زاتتار ينتەرنەتى»)، لوگيستيكا، ەنەرگەتيكا، اگروونەركاسىپ كەشەنى، گەولوگيالىق بارلاۋ، ەكونوميكا، ونەركاسىپ پەن قالا ينفراقۇرىلىمىن تسيفرلاندىرۋ مەن ەكولوگيالاندىرۋ، ءبىلىم بەرۋ جانە قازاقستاندىق كادرلاردىڭ بىلىكتىلىگىن ارتتىرۋ سياقتى وزەكتى باعىتتار بويىنشا پىكىر الماستى.

پىكىرتالاس قورىتىندىسى بويىنشا تاراپتار قازاقستان – گەرمانيا بيزنەسىنىڭ ورتالىق ازياداعى سەنىمدى سەرىكتەسى ءارى ءبىزدىڭ ەلىمىز ەو-نىڭ وا-عا ارنالعان جاڭا ستراتەگياسىن جۇزەگە اسىرۋ، ەۋروپا مەن ازيا قارىم-قاتىناسى جونىندەگى ەو ستراتەگياسى اياسىندا، سونداي-اق «بەلدەۋ جانە جول» باستاماسى بويىنشا ەۋروپالىق ەلدەردىڭ ەكونوميكالىق مۇددەسىنە جەتەكشى بولۋى مۇمكىن دەگەن پىكىرگە كەلدى.

قازاقستان-گەرمانيا بيزنەس-فورۋمى قر سىرتقى ىستەر مينيسترىلىگى، «Kazakh Invest» ۇك» اق، گفر-داعى قر ەلشىلىگى جانە گەرمان ەكونوميكاسىنىڭ شىعىس كوميتەتىمەن ۇيىمداستىرىلدى.


كەلۋ قاينارى: http://www.elarna.net/koru.php?tur=3&id=1057431

پىكىرلەر:

juz dep sifirmen jazingiz.