كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-221435476533 %67 %
2019-10-231391591239 %61 %
2019-10-2417572533 %67 %

كەرەمەتتى كورگىڭ كەلسە تاۋعا شىق... ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەم


ءتۇرى: ماسساگەت ماقالالارى

ۋاقىتى: 00:05 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version. كەرەمەتتى كورگىڭ كەلسە تاۋعا شىق... ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


كەرەمەتتى كورگىڭ كەلسە تاۋعا شىق...

قازاننىڭ 4-5 كۇندەرى ارالىعىندا تۇركىستان وبلىسىندا «بۇل – ءبىزدىڭ تاۋلار» تاۋ فەستيۆالى ءوتتى. اتالعان ءىس-شارا ءوزى باستاۋ العان 2000 جىلداردان بەرى العاش رەت «سايرام-وگەم» ۇلتتىق تابيعي پاركى اۋماعىنان تىس جەردە ءوتىپ وتىر. بۇل ەرەكشەلىك ۇيىمداستىرۋشىلاردىڭ وبلىستاعى وزگە دە وڭىرلەردە تاۋ ءتۋريزمىن دامىتۋدى كوزدەگەنىن بىلدىرسە كەرەك. بايدىبەك اۋدانىنداعى قاراتاۋدىڭ قاراعاي شاتقالىندا، «سىرداريا-تۇركىستان» وڭىرلىك تابيعي پاركىنىڭ بورالداي فيليالى اۋماعىندا دۇركىرەي وتكەن ءداستۇرلى فەستيۆال نەسىمەن ەستە قالدى؟

فەستيۆالدىڭ نەگىزگى ماقساتى – ءوڭىردىڭ تاۋ ءتۋريزمىن ناسيحاتتاۋ ارقىلى ىشكى ءتۋريزمدى دامىتۋ، تۋريستىك مادەنيەت قالىپتاستىرۋ. بۇل تۇرعىدا بيىلعى ءىس-شارانىڭ نەگىزگى قاتىسۋشىلارى – تاۋ ءتۋريزمىن سەرىك ەتكەن ساياحاتشىلاردىڭ قاتارىنا جاستار مەن ستۋدەنتتەردىڭ كوپتەپ قوسىلۋى بىردەن كوزگە ءتۇستى. جاستاردىڭ قاتارىندا شەتەلدىك ستۋدەنتتەر دە بوي كورسەتتى.

شارانى تاماشالاۋعا كەلگەن تۇركىستان وبلىسى اكىمىنىڭ ورىنباسارى م.مىرزاليەۆ فەستيۆالدى اشىپ بەرىپ، ىشكى ءتۋريزمدى دامىتۋ تۋرالى ويلارىمەن ءبولىستى. سكايراننينگ جارىسىنا قاتىسۋشىلارعا ساتتىلىك تىلەپ، ستارت بەردى. جاڭا تۋريستىك مارشرۋتتار تانىستىرىلىمىنا قاتىسقان مەيىرجان يابايۇلى «وسى ءتۋريزمدى مەكتەپتەرگە بارىپ، وقۋشىلارعا دا ناسيحاتتاساق دەيمىن. وبلىس بويىنشا تۋريستىك نىساندارعا دۇرىس جۇيە قۇرىپ، جاستارىمىزعا ءتۇسىندىرۋىمىز كەرەك. سەبەبى، قازىرگى جاستار ءموبيلدى. وسىنداي مارشرۋتتاردى ءوزارا تەز تاراتادى، باسقا وبلىستىڭ جاستارىنا دا جىلدام جەتكىزە الادى. وسىلايشا ىشكى ءتۋريزمدى ناسيحاتتاي وتىرىپ، سىرتقى تۋريستەردى دە تارتۋعا بولادى» دەي كەلە، تانىستىرىلعان مارشرۋتتارمەن جاستاردى دا ءجۇرىپ وتۋگە شاقىردى.

فەستيۆال بارىسىندا دومبىرا مەن گيتارانىڭ سۇيەمەلدەۋىمەن كوشە اندەرى شىرقالىپ، تاۋ پەيزاجىن اشاتىن فوتوگرافتاردىڭ فوتوكورمەسى، جاڭا تۋريستىك مارشرۋتتاردىڭ جانە جاڭا تۋريستىك كومپانيا «OPENKAZAKHSTAN» ءجشس-نىڭ ونىمدەرى، اقپاراتتىق اگەنتتىك، ءموبيلدى قوسىمشاسىنىڭ تانىستىرىلىمى ءوتتى.

كادەسىيلارعا ارنالعان قولونەر بۇيىمدارى كورمەسى، ولكە جانە تابيعات جاناشىرلارى ت.بەردياروۆ، ك.يسمايلوۆ، ا.گونچاروۆتارعا ارنالىپ مەرزىمدىك باسىلىمداردا جاريالانعان تاقىرىپتىق جانرلار كونكۋرسى مەن كىتاپ كورمەسى، تاۋ سوقپاعىندا جۇگىرۋ سپورتى – سكايراننينگ باعدارلامالارى كەلگەندەر ءۇشىن اسەرلى بولدى. قاتىسۋشىلارعا ماراپاتتار مەن سىيلىقتار تابىستالدى. فوتوسۋرەت كورمەسى بويىنشا ماقسۇت جاريمبەتوۆ، بەيبىت بەرتاەۆ، بەرەكە سەيىتجاپپار، رۋسلان سەمبيەۆتەردىڭ ەڭبەكتەرى ەرەكشە اتالىپ ءوتتى.

جاڭا تۋريستىك مارشرۋت بويىنشا «تالدىبۇلاق» باعىتىن جاساپ تانىستىرعان عاني نازاربەك 1-ورىن، «قارجانتاۋ» جانە «تاڭبالى تاس» باعىتتارىن تانىستىرعان سەيدالى دۇيسەبايۇلى 2-ورىندى، «داستارباسىنى» تۇركىستانننىڭ تۋريزم باعىتىنا قوسقان قايرات كاريباەۆ ء3-شى ورىندى يەلەندى.

ال، شىعارماشىلىق بايقاۋدا ت.بەردياروۆ اتىنداعى «پوەزيا جانرى» اتالىمىنا اقىن داۋرەن ايمانبەتوۆتىڭ ، ك.يسمايلوۆ اتىنداعى «تاريحي-رۋحاني نىساندار» اتالىمىنا «شىمكەنت كەلبەتى» گازەتىنىڭ ءتىلشىسى ءمولدىر كەنجەبايدىڭ، ا.گونچاروۆ اتىنداعى «تابيعي نىساندار» اتالىمىنا ۆلاديمير پريۆالوۆتىڭ ەڭبەكتەرى لايىق دەپ تابىلدى. 3،5 شاقىرىمعا ۇلاسقان سكايراننينگ جارىسىنا جاس ەرەكشەلىگىنە قاراي ەكى توپقا بولىنگەن قاتىسۋشىلار دا ءوزارا مىقتىلارىن انىقتاپ، ولار دا تۋريستىك سىي-سياپاتتان قۇر قالمادى.

شارانىڭ ءبىرىنشى كۇنى-اق جاستار جاعى الاۋ باسىندا كوشە اندەرىنەن شاشۋ شاشىپ، تاۋ قويناۋىن شاتتىققا تولتىرعان ەدى. بۇل دۋمان ەكىنشى كۇنى دە جالعاسىپ، گيتارا اۋەنى تاۋدىڭ تۇنىق اۋاسىمەن الىستارعا جەتىپ جاتتى. قاراعاي شاتقالىنىڭ تامىلجىعان كوركەم تابيعاتى كوپكە دەيىن تالايدىڭ كوڭىل داپتەرىندە ەستە قالاتىنى انىق. ونى الەۋمەتتىك جەلىدەگى جازبالار مەن ءبولىسىلىپ جاتقان فوتوسۋرەتتەردەن بايقاۋعا بولادى. بۇل بەلسەندىلىك كەلەسى جىلى تاۋ تاماشاسىن كورۋگە كەلەتىندەردىڭ سانىن ارتتىراتىنىنا سەنگىمىز كەلەدى.

ايتا كەتسەك، فەستيۆالدىڭ ۇيىمداستىرىلۋىنا تۇركىستان وبلىستىق تۋريزم باسقارماسى جانىنداعى «Turkistan» تۋريستىك-اقپاراتتىق ورتالىعى مۇرىندىق بولسا، «OpenKazakhstan» تۋريستىك-اقپاراتتىق پورتالى جانە «سىرداريا-تۇركىستان» وڭىرلىك تابيعي پاركى ارىپتەستىك تانىتتى.



كەلۋ قاينارى: http://www.elarna.net/koru.php?tur=41&id=1057407

پىكىرلەر:

juz dep sifirmen jazingiz.