كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-161489390735 %65 %
2019-10-171587416432 %68 %
2019-10-1810222926 %74 %

ەكۆادور پرەزيدەنتى ەل ۇكىمەتىن باسقا قالاعا كوشىرىپ الدى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 00:00 - 2019/10/09

: PDF Download - Жұктеұ - Скачать - ءتۇسىرۋ

elarna.net Printed Version.



ەكۆادور پرەزيدەنتى لەنين مورەنا ەل ۇكىمەتىن كيتودان گۋاياكيل قالاسىنا كوشىرىپ الدى.

ەلدە نارازىلىق شاراسى بەلەڭ الىپ، باس كوتەرگەن ەل استاناسىنا بەت العان سوڭ مەملەكەت باسشىسى وسىنداي قادامعا بارعان. ەكۆادور حالقى جانارماي باعاسىنىڭ قىمباتتاۋىنا نارازى. ولار جول-جونەكەي بارلىعىن ورتەپ، ءتارتىپ ساقشىلارىمەن اشىق قاقتىعىسقا ءتۇستى. الدىن الا اقپار بويىنشا كيتوعا قاراي 20 مىڭ حالىق جولعا شىققان.

لەنين مورەنا باسقا قالاعا قاشىپ كەتكەننەن بولەك، ەلدە 60 كۇندىك توتەنشە جاعداي رەجيمىن ەنگىزدى. ال بۇل زاڭ جوباسىنان باس تارتپايتىنىن العا تارتىپ وتىر.

ەكۆادوردى جانارماي ەرەۋىلدەرى جايلاعانىنا بۇگىن التىنشى كۇن. جاپپاي نارازىلىق شارالارىنان قوعامدىق كولىك قاتىناستارى توقتاتىلدى. ءتارتىپ ساقشىلارىمەن قاقتىعىستان ءبىر ادام كوز جۇمدى. 77 ادام جارالانعان. ولاردىڭ باسىم بولىگى – ەكۆادوردىڭ قورعانىس كۇشتەرى قىزمەتكەرلەرى. تاعى 477 نارازى تۇرعىن تەمىر تورعا قامالدى. بۇل ورايدا مەملەكەت باسشىسى لەنين مورەنا ماسەلەنى شەشۋدى ەمەس، ءوز ءومىرىن امان الىپ قالۋدى ويلاسا كەرەك. ەلدىڭ تۇكپىر-تۇكپىرىنەن كوتەرىلگەن جۇرت ەل استاناسى كيتوعا باعىت العانىن ەستىپ، ونداعى ۇكىمەتتى گۋاياكيلگە كوشىرىپ الدى. ودان بولەك، بەينەۇندەۋ جاريالادى. ونىڭ سوزىنشە، ەلدەگى ەرەۋىلدەردىڭ ارتىندا ەكس-پرەزيدەنت راففاەل كوررەا مەن ۆەنەسۋەلا پرەزيدەنتى نيكولاس مادۋرو تۇر. 

لەنين مورەنو، ەكۆادور پرەزيدەنتى:

– وتانداستار، مەن گۋاياكيل قالاسىنا كوشتىم. ءوزىمنىڭ كونستيتۋتسيالىق وكىلەتتىلىگىمە ساي ۇكىمەت رەزيدەنتسياسى دا وسىندا اۋىستى. مەن ءۇشىن ەكۆادورلىقتاردىڭ بەيبىت ءومىرى مەن تىنىشتىعى ءبىرىنشى ورىندا. سوڭعى كۇندەرى ەرەۋىلگە شىققان حالىق ۇكمەتتىڭ شەشىمىنە قارسى شىعىپ وتىر. دەگەنمەن نارازىلىق اكتسيالارى كەزىندەگى توناۋ، ۇرىپ-سوعۋ، ءۆانداليزمدى كورىپ، ەرەۋىلدەردە ساياسي ماقسات بارىن تۇسىندىك. كوررەا مەن مادۋرو جاعدايدى پايدالانىپ، مەملەكەتتە توڭكەرىس ۇيىمداستىرماق. بوگدە بىرەۋدىڭ جەتەگىندە كەتىپ، ەل تۇتاستىعىنا زيان كەلتىرمەۋدى ويلاۋ كەرەك.

قاۋىپسىز جەرگە كوشىپ، ۇندەۋ جاريالاعان مەملەكەت باسشىسىنىڭ سوزىنە قۇلاق اسقان جان جوق. كيتوعا جول تارتقان ەرەۋىلشىلەر پوليتسيا ۋچاسكەسىن ورتەپ جىبەردى. كونگرەسس عيماراتىن قورشاپ الدى. تاعى بىرنەشە ونداعان ءتارتىپ ساقشىسى مەن اسكەريلەردى كەپىلگە العان. ودان بولەك، Petroamazonas EP مەملەكەتتىك مۇناي كومپانياسىنىڭ ءۇش ءوندىرىس ورنىن باسىپ العان. سالدارىنان زاۋىتتاردىڭ جۇمىسى توقتاپ، مۇناي ءوندىرىسى كۇنىنە 60 مىڭ باررەلگە قىسقاردى.

بليتس:

– ۇكىمەت ويىنا كەلگەنىن جاساپ ءبىتتى. جانارماي مەن ديزەل باعاسىنىڭ قىمباتتاۋى ونسىزدا جاعدايى جوق حالىقتىڭ قالتاسىنا ايتارلىقتاي اۋىر بولادى. بايلاردى قولداپ، كەدەيلەرگە سالماق سالۋدى قويۋ كەرەك.

– وتىن باعاسىنىڭ قىمباتتاۋى تەك جۇرگىزۋشىلەر ءۇشىن ەمەس، بارلىق حالىق ءۇشىن اۋىرپاشىلىق اكەلەدى. جانارماي قىمباتتاسا، ءبارى قىمباتتايدى. اينالىپ كەلگەندە قاراپايىم تۇرعىندار زارداپ شەگەدى.

ەكۆادورداعى جاپپاي ەرەۋىلدەر ۇكىمەتتىڭ شەشىمىنەن سوڭ باستالعان ەدى. لەنين مورەنا باستاعان بيلىك وكىلدەرى جانارماي سۋبسيدياسىن الىپ تاستاۋ تۋرالى قۇجاتقا قول قويادى. ماقسات – ەل ەكونوميكاسىن تۇراقتاندىرۋ ءۇشىن قازىنادان سۋبسيدياعا بولىنەتىن 1،3 ملرد دوللار قارجىنى ۇنەمدەپ قالۋ. ودان بولەك، ەكۆادور حالىقارالىق ۆاليۋتا قورىنان العان 4،2 ملرد دوللار نەسيە الاردا مەملەكەتتىك شىعىندى قىسقارتۋعا ۋادە بەرگەن.

وسىلايشا، ەكۆادوردىڭ بايىرعى تۇرعىندارى مەن فەرمەرلەر دەگەنىنەن قايتار ەمەس. شىنىندا ەلدەگى جانارماي قۇنى بۇل زاڭ جوباسىنان كەيىن بىردەن ەكى ەسەگە قىمباتتاعان. تاسىمالعا تاۋەلدى ازىق-تۇلىك، دارى-دارمەكتەردىڭ باعاسى دا قۇبىلا تۇسكەن. دەسە دە، ۇكىمەت بۇل جوبا ەلدىڭ داعدارىستان شىعىپ، ەكونوميكاسى تۇراقتانۋى ءۇشىن قاجەت دەگەندى العا تارتادى.

حۋان سەباستيان رولدان، پرەزيدەنت اكىمشىلىگىنىڭ حاتشىسى:

ەرەۋىلگە ەلدەگى تۇرعىندار جاۋاپتى. سەبەبى مەملەكەت بۇل قادامعا ەلدەگى جاعدايدى جاقسارتۋ ءۇشىن بارىپ وتىر. بۇل حالىق پەن ۇكىمەت اراسىنداعى تەكەتىرەس ەمەس. اگرەسسياعا جول بەرىپ، ءوز ەلىمىزدىڭ كەلبەتىنە زيان كەلتىرمەيىك.

ەكۆادورداعى بۇگىنگى جاعداي وسىنداي. حالىق بيلىك پەن حالىقارالىق ۆاليۋتا قورى ءوزارا اۋىز جالاسىپ وتىر دەيدى. پرەزيدەنت لەنين مورەنا بولسا كوررەا مەن مادۋرو بىرىگىپ ءوزىن بيلىكتەن كەتىرگىسى كەلەتىنىن ايتادى. ال حالىقارالىق ۇيىمدار ازىرگە ءۇنسىز وتىر. ەرەۋىلشىلەر 9 قازان كۇنى ەل استاناسىندا 20 مىڭ ادامنىڭ قاتىسۋىمەن نارازىلىق شاراسىن وتكىزۋدى جوسپارلاپ وتىر.


كەلۋ قاينارى: http://www.elarna.net/koru.php?tur=38&id=1057405

پىكىرلەر:

juz dep sifirmen jazingiz.