كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-171048339039 %61 %

I حالىقارالىق جاستار فورۋمى وتەدى – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 07:10 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.I حالىقارالىق جاستار فورۋمى وتەدى – Sunna.kz

قازاقستان مۇسىلماندارى ءدىني باسقارماسى جاستار ءىسى سەكتورى «جاستار جىلىنا» وراي ء11-ساۋىر كۇنى «JASTAR JÁNE RÝHANIAT» اتتى جاستار فورۋمىن  وتكىزۋدى جوسپارلاپ وتىر. فورۋمعا ەلىمىزدىڭ بەلسەندى زيالى قاۋىم وكىلدەرى، جاستار ۇيىمدارىنىڭ باسشىلارى، مەدرەسە شاكىرتتەرى جانە نۇر-سۇلتان قالاسىنداعى جوو-نىڭ 300-دەي ستۋدەنت قاتىسادى.

فورۋمنىڭ جۇمىس تارتىبىندە جاستار ماسەلەسىنە قاتىستى وزەكتى سۇراقتار بويىنشا تاجىريبە الماسۋلار، وسى باعىتتا ىنتىماقتاستىقتى نىعايتۋ، جاس بۋىننىڭ الەۋەتىن ارتتىرۋ، ءدىني ەكسترەميزم مەن راديكاليزمنىڭ الدىن الۋدىڭ تاجىريبەلىك مەحانيزمدەرىن قالىپتاستىرۋ، ت.ب. ماسەلەلەر تالقىلاۋ جوسپارلانعان.

«JASTAR JÁNE RÝHANIAT» اتتى جاستار فورۋمى قر تۇڭعىش پرەزيدەنتى، نۇرسۇلتان ءابىشۇلى نازارباەۆتىڭ «2019 – جاستار جىلى» دەپ جاريالاعان يگى باستاماسىن بەلسەندى قولداپ، «الەمدىك جانە ءداستۇرلى دىندەر كوشباسشىلارىنىڭ سەزى»، «بولاشاققا باعدار: رۋحاني جاڭعىرۋ»، «ۇلى دالانىڭ جەتى قىرى» يدەيالارىن ءرۋحاني-دىني تۇرعىدان ناسيحاتتاۋدى كوزدەيدى.

فورۋم ماقساتى:

«جاستار جىلى» اياسىندا قازاقستان مۇسىلماندارى ءدىني باسقارماسى مەن ەلىمىزدىڭ بەلسەندى جاستارى اراسىندا ءوزارا بايلانىس قۇرۋ جانە ءار ءتۇرلى جاستار ۇيىمدارىمەن بىرلەسە وتىرىپ، قازىرگى كەزدەگى جاستار اراسىنداعى تۇيىتكىلدى ماسەلەلەردى شەشىمىن تابۋعا اتسالىسۋ.

مىندەتتەرى:

  • دىني ەكسترەميزم مەن تەرروريزمنىڭ الدىن الۋعا قاتىستى ءىس-شارالاردى ۇيىمداستىرا وتىرىپ، قازاقستان مۇسىلماندارىنىڭ ءبىرتۇتاستىعىن قالىپتاستىرۋ;
  • دىني راديكالدى يدەولوگيا جانە ولاردان كەلەتىن قاۋىپ-قاتەرمەن جاستار بولىپ كۇرەسۋدىڭ ادىس-تاسىلدەرىن مەڭگەرۋ;
  • رۋحاني قۇندىلىقتارىمىزدى ارتتىرۋ;
  • جاستاردىڭ جان-جاقتى ءبىلىم الىپ ولاردىڭ ورتاعا ساي دايىن بولىپ كەلۋىن تالقىلاۋ;
  • جاستار اراسىندا الەۋمەتتىك پروبلەمالاردىڭ شەشۋ جولدارىن تابۋ;
  • الدىڭعى تولقىن مەن كەيىنگى تولقىننىڭ اراسىندا كوپىر قالىپتاستىرۋ جانە ت.ب.

جاستاردىڭ دۇرىس ءبىلىم الىپ، باعىت-باعدارىن دۇرىستاۋى قاي ەل بولماسىن تىنىشتىعى مەن تۇرعىندارىنىڭ قاۋىپسىزدىگى قوعامنىڭ باستى تالابى. وسى ورايدا بولاشاعىنىڭ باياندى بولۋىن، ەلدىڭ تىنىشتىعىن ويلاعان جاس ۇيىمدارعا اتالمىش ءىس-شاراعا اتسالىسۋ نەگىزگى مىندەتتەرىنىڭ ءبىرى بولىپ تابىلادى.

كۇتىلەتىن ناتيجەلەر:

– ءدىني ەكسترەميزم يدەولوگيالارىنىڭ الدىن الۋ جۇمىستارىن جۇرگىزۋ بارىسىندا ءتيىمدى ناتيجەلەرگە قول جەتكىزەتىن ءتۇرلى ادىس-تاسىلدەر ايقىندالىپ، كوپشىلىككە ۇسىنىلادى;
– ءار ءتۇرلى سالالارداعى ستۋدەنتتەر مەن فورۋمعا قاتىسۋشىلار مەملەكەت پەن ءدىني باسقارمالاردىڭ ءدىن تۋرالى ۇستىنىمدارىن جان-جاقتى مەڭگەرۋىنە ىقپال ەتەدى;
– جاستاردىڭ كاسىبيلىگى شىڭدالىپ، وز-وزدەرىن دامىتۋعا قاتىستى جاڭا ماقساتتاردى العا قويىپ، جان-جاقتى ءبىلىم الۋعا وڭ اسەرىن تيگىزەدى;
– جوو-لاردا وقىپ جاتقان جاستاردىڭ باسىن قوسىپ ءبىر ءدىني باسقارمانىڭ جانىنا جينالۋعا سەپتىگىن تيگىزەدى;
 – فورۋم جۇمىسىنىڭ قورتىندىسى بويىنشا ۇندەۋ  قابىلدانادى.

بايانداماشى رەتىندە شاقىرىلعان قوناقتار:

  1. رەسەي فەدەراتسياسىنىڭ باس ءمۇفتيى، رەسەي مۇسىلماندارى ءدىني باسقارماسىنىڭ ءتوراعاسى راۆيل گاينۋتدين
  2. قر ءماجىلىس دەپۋتاتى، اۋعان سوعىسىنىڭ ارداگەرى باقىتبەك سماعۇل
  3. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ الەۋمەتتىك-مادەني دامۋ جونىندەگى پرورەكتورى، قر ۇعا اكادەميگى ديحان قامزابەكۇلى
  4. رەسەي قوعام قايراتكەرى، رف قوعامدىق پالاتاسىنىڭ مۇشەسى، «سالاۋاتتى رەسەي» فەدەرالدى جوبانىڭ جەتەكشىسى سۋلتان حامزاەۆ
  5. نۇر-سۇلتان قالاسىنىڭ قوعامدىق دامۋ ىستەرى باسقارماسىنىڭ باسشىسى
    دانيار ەسين
  6. قر اقپارات جانە قوعامدىق دامۋ مينيسترلىگى جانىنداعى جاستار جانە وتباسى ىستەر كوميتەتىنىڭ ءتوراعاسى اسحات ورالوۆ
  7. «Astana Arlans» كاسىپقوي بوكس كلۋبىنىڭ باس مەنەدجەرى باقتيار ارتاەۆ
  8. «CASCADIACONSUMER ELECTRONICS CORP.» جاۋاپكەرشىلىگى شەكتەۋلى قوعامىنىڭ نۇر-سۇلتان قالاسىنداعى فيليالىنىڭ ديرەكتورى تىلەكتەس ادامبەكوۆ
  9. نۇر-سۇلتان قالاسى قوعامدىق ىستەر باسقارماسىنىڭ باس مامانى ادىلەت تولەۋتاەۆ
  10. «قازاقستان ستۋدەنتتەرى اليانسى» قوعامدىق بىرلەستىگىنىڭ مۇشەسى انۋار جۇمابەكوۆ
  11. «نۇر مۇباراك» ەگيپەت يسلام مادەنيەتى ۋنيۆەرسيتەتىنىڭ ءۇشىنشى كۋرس ستۋدەنتى شىڭعىس سادۋەۆ
  12. نۇر-سۇلتان قالاسى بويىنشا جاستار ءىسى سەكتورىنىڭ مەڭگەرۋشىسى ماحامبەت يسكاندەروۆ

وتكىزۋ ورنى جانە ۋاقىتى: نۇر-سۇلتان قالاسى، قازاقستان مۇسىلماندارى ءدىني باسقارماسىنىڭ اكت زالى، 2019 جىلدىڭ 11 ءساۋىرى، ساع. 15.00-دە.


كەلۋ قاينارى: http://www.elarna.net/koru.php?tur=18&id=1046933

پىكىرلەر:

juz dep sifirmen jazingiz.