كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-151110375335 %65 %
2019-09-161515454335 %65 %
2019-09-17973305940 %60 %

يسرا جانە ميعراج وقيعاسى – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 04:00 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.يسرا جانە ميعراج وقيعاسى – Sunna.kz

بۇگىن ەلىمىزدىڭ بارلىق مەشىتتەرىندە «يسرا جانە ميعراج وقيعاسى» تاقىرىبىندا ۋاعىز-ناسيحات ايتىلادى.

بۇگىن ياعني، ەرەجەپ ايىنىڭ (گريگوريان كالەندارىمەن) 2-ساۋىردەن 3-نە قاراعان ءتۇن يسرا جانە ميعراج كەشى. ياعني، ادامزات سۇلتانى مۇحاممەد (س.ع.س.) حارام مەشىتىنەن اقسا مەشىتىنە تۇنگى ساپار جاساعان جانە جەتى قات كوككە كوتەرىلگەن كەش. اتالمىش وقيعا پايعامبارىمىز (س.ع.س.) مادينا قالاسىنا ھيجرات ەتۋدەن ون سەگىز اي بۇرىن بولدى. 

مۇحاممەد ءعازاليدىڭ «فيقھۋ سيراسىندا» بۇل جونىندە: «يسرا حارام مەشىتىنەن قۇدىستاعى اقسا مەشىتىنە بولعان عاجايىپ ساپار. ال، ميعراج يسرانىڭ ارتىنشا بولعان وقيعا. ميعراج مۇباراك پايعامبارىمىزدىڭ (س.ع.س.) اسپان قاباتتارىنا كوتەرىلىپ، جاراتىلىستىڭ ءبىلىمى جەتپەيتىن دەڭگەيگە دەيىن بارىپ، قايتادان مەككەدەگى حارام مەشىتىنە ورالۋ ساپارىن ايتامىز»، – دەيدى. 

بۇل كەش پايعامبارىمىزدىڭ (س.ع.س.) جەكە ومىرىنە عانا قاتىستى ەمەس، جالپى مۇسىلمان ۇمبەتى ءۇشىن ايتۋلى وقيعا ورىن العان. ءدىنىمىز تاريحىنداعى مۇنداي ماڭىزدى وقيعا ءاربىر مۇسىلماننىڭ جۇرەگىندەگى يمانىن كۇشەيتىپ، جاراتۋشى يەسىنە، پايعامبارىنا دەگەن ماحابباتى بەكي تۇسەدى. 

ميعراج وقيعاسى ارقىلى اللا تاعالا ەشبىر ادام بالاسى كورمەگەن، شەكسىز، ۇشى-قيىرسىز عارىشتى، كوكتەگى اسپان قاباتتارىن، پەيىش پەن توزاقتى كورۋدى مۇحاممەد (س.ع.س.) پايعامبارعا ءناسىپ ەتتى. وندا اللا تاعالا پايعامبارىمىزعا (س.ع.س.) كوپتەگەن مۇعجيزالار كورسەتتى.

يا، پايعامبارىمىز (س.ع.س.) ميعراج ءتۇنى «ۇمبەتى ءۇشىن كوپ نارسەنى تىلەدى، ۇمبەتىم، ۇمبەتىم» دەپ كوزىنە جاس الدى، وزىنە ىلەسكەن بارلىق مۇسىلماندار ءۇشىن كوپ دۇعا – تىلەكتەر جاسادى، ءبىلىپ، بىلمەي جاساعان كەمشىلىكتەرى ءۇشىن عاپۋ سۇرادى. ءتىپتى، اللادان ءاربىر ۇمبەتى ءۇشىن، ءاربىر مۇسىلمان ءۇشىن  ءوزى كورگەن ميعراجدى ءناسىپ ەتۋىن سۇرادى. “ەي، ءتاڭىرىم، ميعراج مۇعجيزاسىمەن مەنى نىعمەتتەندىردىڭ. ۇممەتىم ءۇشىن دە وسىنداي ءبىر نىعمەت تىلەيمىن”، -دەگەنىندە، حاق تاعالا:

«ناماز – مومىنداردىڭ ميعراجى»، – دەپ مۇحاممەد پايعامباردىڭ (س.ع.س.) ۇمبەتىنە  ميعراج دارەجەسىندە جۇرەتىن ناماز عيباداتىن سىيلادى. 

اللا تاعالا بۇگىنگى قاسيەتتى ءتۇن ارقىلى بارشامىزدىڭ يمانىمىز كۇشەيۋىنە جانە مۇسىلمانداردىڭ ناماز قۇلشىلىعىنا دەگەن قۇلشىنىسى ارتۋىنا سەبەپكەر بولسىن. بارشامىزدىڭ ناماز عيباداتىمىز قابىل بولعان، قابىلدىعى ءبىزدىڭ امالىمىزدىڭ تۇزەلگەنىنەن كورىنۋىن ءناسىپ ەتسىن. 


كەلۋ قاينارى: http://www.elarna.net/koru.php?tur=18&id=1046920

پىكىرلەر:

juz dep sifirmen jazingiz.