كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-22850323838 %62 %

مىرزاتاي جولداسبەكوۆ جەرلەستەرىمەن جۇزدەستى


ءتۇرى: قازاقپارات جاڭالىقتارى

ۋاقىتى: 02:18 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.
مىرزاتاي جولداسبەكوۆ جەرلەستەرىمەن جۇزدەستى

تاراز. قازاقپارات – مەملەكەت جانە قوعام قايراتكەرى مىرزاتاي جولداسبەكوۆ تۋعان جەرى تاراز وڭىرىنە كەلىپ، جەرلەستەرىمەن جۇزدەستى، دەپ حابارلايدى قازاقپارات.

وبلىستىق مادەنيەت، ارحيۆتەر جانە قۇجاتتاما باسقارماسىنىڭ ۇيىمداستىرۋىمەن ءش.ۋاليحانوۆ اتىنداعى وبلىستىق عىلىمي-امبەباپ كىتاپحاناسىندا مەملەكەت قايراتكەرi، عىلىم دوكتورى، پروفەسسور، بەلگiلi ديپلومات، ادەبيەتشi-عالىم مىرزاتاي جولداسبەكوۆپەن رۋحاني كەزدەسۋ ءوتتى. باسقوسۋدا اڭگىمە ارقاۋىنا اينالعان تاقىرىپ – وبلىستىڭ 80 جىلدىعىنا وراي جارىق كورەتىن كوپتومدىقتىڭ دايىندالۋ بارىسى بولدى.

جامبىل وبلىسىنىڭ 80 جىلدىعى قارساڭىندا كوپتومدىق شىعارۋ قولعا الىنىپ جاتقانى بەلگىلى. وعان ءوڭىرىمىزدىڭ تاريحىنا قاتىستى ماسەلەلەرمەن قاتار، ەل اۋزىندا ساقتالعان دەرەكتەر توپتاستىرىلماقشى. وبلىستىق مەملەكەتتىك ءارحيۆتىڭ مۇراعاتتانۋشىسى ماقۇلبەك رىسداۋلەتتىڭ ايتۋىنشا، وبلىس اكىمى اسقار مىرزاحمەتوۆتىڭ باستاماسىمەن دايىندالىپ جاتقان كوپتومدىقتىڭ العاشقى لەگى دايىندالىپ، باسپاعا جىبەرىلگەن. بۇل، وبلىستىڭ 80 جىلدىق مەرەيتويىنا ارنالعان ايرىقشا تارتۋ بولماق.

باسقوسۋدا ەلدىڭ كەلەشەگى، تاريحى، جاس ۇرپاقتىڭ جارقىن بولاشاعى تۋراسىندا كەلەلى اڭگىمەلەر ايتىلدى. ال مىرزاتاي جولداسبەكوۆ كوپتومدىقتى ازىرلەۋ بارىسىندا اسىعىستىققا جول بەرۋگە بولمايتىنىن، بۇل ىسكە جاۋاپكەرشىلىكپەن قاراۋ كەرەكتىگىن جەتكىزدى.

«جاس ۇرپاق ەلدىڭ، ءوڭىردىڭ تاريحىن، ءوزىنىڭ ءتۇپ تامىرىن ءبىلىپ ءجۇرۋى ءتيىس. سوندىقتان سىزدەردىڭ جاساپ جاتقاندارىڭىز – العىس ايتۋعا، قۇرمەت كورسەتۋگە تۇرارلىق ىزگىلىكتى باستاما. ءبىراق اسىقپاۋ كەرەك. جان-جاقتى سارالاپ، جەتى رەت ولشەپ، ءبىر رەت كەسكەن ءجون. مالىمەتتەردىڭ بۇرمالانباۋىنا نازار اۋدارىڭىزدار. بىلمەگەندى سۇراۋدىڭ ەشقانداي دا سوكەتتىگى جوق. بىلمەگەندەرىڭىز بولسا اقىل-كەڭەس ايتىپ، كورگەن-تۇيگەنىممەن، قولىمدا بار دەرەكتەرمەن بولىسۋگە دايىنمىن»، – دەدى مىرزاتاي جولداسبەكوۆ.


كەزدەسۋدە كەلەلى كەڭەس ايتقان عالىم ءوزىنىڭ ءبىرقاتار قۇندى ەڭبەكتەرىن ءش.ۋاليحانوۆ اتىنداعى وبلىستىق عىلىمي-امبەباپ كىتاپحاناسىنىڭ قورىنا سىيعا تارتتى.

بۇدان كەيىن ول تاراز قالاسىنداعى ء«مولدىر» مەيرامحاناسىندا ءوڭىردىڭ بەلگىلى تۇلعالارىمەن، زيالى قاۋىممەن، مادەنيەت پەن ونەر، ادەبيەت، رۋحانيات سالاسىنىڭ وكىلدەرىمەن جۇزدەستى. جيىندا وبلىس اكىمى اسقار مىرزاحمەتوۆ ءسوز سويلەپ، ەلىمىز تاۋەلسىزدىگىنىڭ قالىپتاسۋ جىلدارىندا ەلباسىنىڭ سەنىمدى سەرىگى بولعان، كورنەكتى عالىم مىرزاتاي جولداسبەكوۆتىڭ مەملەكەتتىڭ دامۋىنا قوسقان زور ۇلەسىنە توقتالىپ، جەرلەستەرى اتىنان دەنىنە ساۋلىق، وتباسىنا اماندىق، جۇمىستارىنا تابىس تىلەدى.

سونداي-اق جيىنعا قاتىسقانداردىڭ بارلىعىنا م.جولداسبەكوۆتىڭ «تاۋەلسىزدىك تاعىلىمى»، «كۇندەرىمنىڭ كۋاسى»، «كىندىگىمدى كەسكەن جۇرت»، «اسىلدارىم»، «شىركىن، داۋرەن!» كىتاپتارى تاراتىلدى.


كەلۋ قاينارى: http://www.elarna.net/koru.php?tur=3&id=1046905

پىكىرلەر:

juz dep sifirmen jazingiz.