كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-22850323838 %62 %

"جاسىڭ الپىسقا كەلمەسىن": بوكەن ءبيدىڭ سىرىم باتىرعا ايتقانى


ءتۇرى: Islam.kz رۋحاني اقپاراتتارى

ۋاقىتى: 02:15 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.
"جاسىڭ الپىسقا كەلمەسىن": بوكەن ءبيدىڭ سىرىم باتىرعا ايتقانى

سىرىم جاس كەزىندە ەسەنتەمىر بوكەن بيگە باتاسىن الايىن دەپ جانە اقىل سۇرايىن دەپ ات، شاپان الىپ بارادى. بارىپ قوناق بولعاننان كەيىن بوكەن سىرىمنان كەلگەن جۇمىسىن سۇرايدى. سوندا سىرىم:
— مەنىڭ سىزگە كەلگەن جۇمىسىم — بىرىنشىدەن، ءسىزدىڭ باتاڭىزدى الايىن دەپ كەلدىم، ەكىنشىدەن، اقىل سۇرايىن دەپ كەلدىم،— دەيدى.
سوندا بوكەن: «ساعان باتامدى بەرەيىن، سەن جاس بولعانمەن ەلگە باس بولعانداي ەكەنسىڭ»،— دەپ باتا بەرەدى:
ارقاڭ قارا نارداي جاۋىر بولسىن،
مىنەزىڭ قارا جەردەي اۋىر بولسىن.
وكپەڭ جوق — باۋىر بولسىن،
قۇلاعىڭنان سىبىر كەتپەسىن،
جاسىڭ الپىسقا جەتپەسىن،— دەيدى. باتاسىن بەرگەننەن كەيىن: «مەن نە دەسەم دە ءبارىنىڭ دە ماعىناسى بار، قالاي ءتۇسىندىڭ، وزىمە ايىرىپ بەر»،— دەيدى بوكەن قارت.
سوندا سىرىم:
— ارقاڭ كوپ مىنگەننەن جاۋىر بولسىن دەگەنىڭ — حالىق ءۇشىن جۇمىس جاسا، حالىقتى وزىڭە ەرتە ءبىل — دەگەنىڭ.
مىنەزىڭ قارا جەردەن اۋىر بولسىن دەگەنىڭ — بەرىدەن ويلاما، ارىدەن ويلا، سالماقتى بول، جەڭىل بولما دەگەنىڭ.
وكپەڭ جوق باۋىر بولسىن دەگەنىڭ — نە بولسا سوعان وكپەلەپ، ينەنى جىپكە ءتىزىپ وكپەشىل بولما — دەگەنىڭ.
قۇلاعىڭنان سىبىر كەتپەسىن دەگەنىڭ — ەل اراسىندا داۋ-جانجال كوپ كەزدەسەدى، سول ماسەلەنى ءوزىڭ شەشىپ، اق-قاراسىن ايىرىپ، دۇرىس تورەسىن بەرە ءبىل — دەگەنىڭ.
جاسىڭ الپىسقا جەتپەسىن دەگەن باتاڭىزعا مەن تۇسىنە المادىم،— دەپتى.
سوندا بوكەن قارت سىرىمعا اقىرعان ەكەن:
— مەن سەنەن قۇدايدىڭ بەرگەن جاسىن قىزعانام با، ءجۇز الپىسقا كەل. مەنىڭ جاسىم سەكسەن تورتكە كەلدى. التى بالەگە تاپ بولدىم. مەن سەنى سول التى بالەدەن اۋلاق بولسىن دەپ ەدىم. ول مىنالار: ۇلكەن ۇيگە كىرە المادىم، كىشى ۇيگە سيا المادىم. قارا ساقالدى اكەم بولدى، قارا شاشتى شەشەم بولدى. اۋرۋ كەلدى، كارىلىك جەڭدى،— مىنە، التى بالە دەگەن وسى. بۇعان قالاي ءتۇسىندىڭ؟ — دەيدى.
سوندا سىرىم باتىر: — ۇلكەن ۇيگە كىرە المادىم دەگەنىڭىز، ادامنىڭ قاتارى كەتەدى، باراتىن ءۇيى تاۋسىلادى. كىشى ۇيگە سيا المادىم دەگەنىڭىز وزىنەن جاسى كىشى ادامداردىڭ ۇيىنە جاسى ۇلكەن ادام شاقىرۋسىز بارا المايدى. قارا ساقالدى اكەم دەگەنىڭىز وزىڭنەن تۋعان كەي بالا، ەسەيگەن سوڭ اكەنىڭ ءتىلىن المايدى، اكەنى دۇرىس باعا بىلمەيدى. ءبىر ءسوز ايتساڭ بەتىڭدى قايىرىپ تاستايدى. قارا شاشتى شەشەم دەگەنىڭىز سول بالانىڭ ايەلى، كەلىنىڭ. «وسى شالعا نە كەرەك ەكەن، بەرگەن استى ءىشىپ جاتا بەرمەي»،— دەيتىن شىعار. اۋرۋ مەن كارىلىك تۇسىنىكتى عوي، اتا»،— دەپتى.
سوندا بوكەن قارت: «باقىتتى بول، بالام، جاقسى شەشتىڭ»،— دەيدى. سىرىمعا قاراپ بوكەن باسىن شەرتكەن ەكەن. سىرىم وعان اۋزىن اشىپ، ءتىلىن كورسەتىپتى. سىرىمنىڭ قاسىنداعى جولداستارى: «بوكەڭ ساعان نەگە باسىن شەرتتى، وعان سەن اۋزىندى اشىپ، ءتىلىڭدى شىعاردىڭ، ول نە ءسوز؟»— دەيدى. سوندا سىرىم: «ول كىسى ماعان باسىن شەرتكەنى — باسقا بالە قايدان كەلەدى»،— دەگەن جۇمباعى ەدى; مەنىڭ وعان ءتىلىمدى كورسەتكەنىم: «باسقا» بالە قىزىل تىلدەن كەلەدى دەگەنىم»،— دەپتى.

كەلۋ قاينارى: http://www.elarna.net/koru.php?tur=52&id=1046903

پىكىرلەر:

juz dep sifirmen jazingiz.