كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-22850323838 %62 %

وزەندەردى لاستاۋ قاشانعى جالعاسا بەرەدى؟ – استانا اقشامى


ءتۇرى: اقجول تور ماقالالارى

ۋاقىتى: 01:15 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.وزەندەردى لاستاۋ قاشانعى جالعاسا بەرەدى؟ – استانا اقشامى

تاياۋدا نۇر-سۇلتان قالاسىنىڭ اكىمى التاي كولگىنوۆ سارىبۇلاق وزەنىنىڭ جاعدايىمەن تانىسىپ، سۋ ايدىنى ەكولوگيالىق اپات الدىندا تۇرعانىن اتاپ ءوتتى. وزەندى قايتا قۇرۋ جۇمىستارى تىم سوزىلىپ كەتكەنىن ايتىپ، شۇعىل تاپسىرمالاردى بەردى.

نۇر-سۇلتان قالاسى بويىنشا ەكولوگيا دەپارتامەنتى باسشىسىنىڭ مىندەتىن اتقارۋشى جانبولات قايرانبەكوۆتىڭ ايتۋىنشا، سارىبۇلاق وزەنىنىڭ جاعدايى كۇردەلى. وسى وزەنگە ءتورت تازارتۋ قۇرىلعىسىنان سارقىندى سۋلار توگىلەدى. سونىڭ ءبىرىن 3-جەو اۋماعىندا سالۋىن سالىپ، يەسىز قالدىر­عان. پمك-6 اۋماعىنداعى وسىنداي قۇرىلعى جاڭعىرتىلعان. ءبىراق وعان قىزمەت كورسەتەتىن كاسىپورىنعا ءالى تاپسىرىلماعان. قۇرىلعىنىڭ ەميسسياعا رۇقساتى جوق بولسا دا، ودان سارىبۇلاققا زيان كەلىپ جاتىر.
تايبۋرىل مەن اعادىر كوشەسىندەگى سۋ ايدىنى قاتتى لاستانعان. جەر ۇيلەردەن شىعاتىن بارلىق سارقىندىلار وعان كەلىپ توگىلەدى. «جەكە سەكتورداعى شارۋاشىلىق-تۇرمىستىق سارقىندىلارمەن قوسا، زاڭسىز قوقىس ۇيىندىلەرى سارىبۇلاقتى لاستاۋدا. اكىمدىك بۇل اۋماقتى اي سايىن تازالاپ وتىرسا دا، ارادا از ۋاقىت وتكەندە قايتادان قوقىسقا تولىپ كەتەدى. ەكى تازارتۋ قۇرىلعىسىنان سارقىندى سۋلار كىشى تالدىكولگە توگىلەتىنىن انىقتادىق. بۇل قۇرىلعىلار جاڭادان سالىندى. ولاردىڭ جۇمىس ىستەپ جاتقانىنا ەكى جىل بولدى. ءبىراق ءتيىستى جۇمىستارعا رۇقسات بەرەتىن قۇجاتتارى ءالى جوق» دەيدى ەكولوگ.
«قازگيدرومەت» كاسىپورنىنىڭ مالىمەتىنشە، ەلورداداعى ەسىل جانە سارىبۇلاق وزەندەرىندەگى سۋ ساپاسىنىڭ دەڭگەيى ساپانىڭ ءتورتىنشى ساناتىنا جاتادى. ەسىلگە قالاداعى جەتى تازارتۋ قۇرىلعىسىنان سارقىندى سۋلار توگىلەدى. بۇل ءتورت قۇرىلعى «استانا سۋ ارناسى» كاسىپورنىنا، ۇشەۋى «استانا تازالىق» جاۋاپكەرشىلىگى شەكتەۋ­لى سەرىكتەستىگىنە تيەسىلى. بۇعان قوسا، كەنەسارى كوشەسى مەن «كوكتال» تۇرعىن الابىندا قورشاعان ورتاعا ەميسسياعا رۇقساتى جوق ەكى تازارتۋ قۇرىلعىسىنان دا ەسىلگە سارقىندى سۋلار توگىلىپ جاتىر.
ج.قايرانبەكوۆتىڭ مالىمدەۋىنشە، تاعى بەس تازارتۋ قۇرىلعىسى اقبۇلاق وزەنىن لاستاپ جاتىر.
– سونداي قۇرىلعىلاردىڭ ءبىرى 2-جەو اۋماعىندا ورنالاسقان. قۇرىلعىنىڭ يەسى دە، ەشقانداي رۇقسات قاعازدارى دا جوق. «استانا تازالىق» جشس يەلىگىندەگى №1 جانە №2 تازارتۋ قۇرىلعىلارى ش.قۇدايبەردىۇلى كوشەسى بويىندا ورنالاسقان. وسى قۇرىلعىلار مەن «استانا سۋ ارناسىنا» تيەسىلى سور­عى-سۇزگى ستانساسىنان دا اقبۇلاق وزەنىنە سارقىندى سۋلار توگىلۋدە. ج.تاشەنوۆ كوشەسىنىڭ باسىنداعى جيناقتاۋشى توعاننان سۋ تازارتىلماي، وزەنگە توگىلەدى. نەشە جىلدان بەرى وسى كەلەڭسىزدىكتى جويۋ تۋرالى توعانعا جاۋاپتى قالانىڭ وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسىنا حات جازىپ، جىبەرىپ جاتىرمىز. ءبىراق باسقارما تاراپىنان ەش ارەكەت بولماي تۇر، – دەيدى ج.قايرانبەكوۆ.
جالپى، ەلوردانىڭ ەكولوگيا دەپارتامەنتى بىلتىر سۋ ايدىندارىنا قاتىس­تى بەس تەكسەرۋ وتكىزگەن. سونىڭ قورىتىندىسىندا انىقتالعان زاڭسىزدىقتاردى جويۋعا بايلانىستى بەس ەسكەرتۋ قۇجاتى تولتىرىلعان. الايدا ونىڭ بىرەۋى عانا ورىندالعان. تورتەۋى بويىنشا ماتەريال­دار سوتقا جونەلتىلگەن. سوتتىڭ قاراۋىنان سوڭ زاڭسىز­دىققا جول بەرگەندەرگە 3،5 ملن تەڭگە سوماسىنا ايىپ­پۇل سالىندى. بيىل دا «استانا تازالىق» جشس – 17 ملن تەڭگە، ال «استانا سۋ ارناسى» كاسىپورنى 70 ملن تەڭگە كولەمىندەگى ايىپ­پۇلعا ىلىككەن.


كەلۋ قاينارى: http://www.elarna.net/koru.php?tur=7&id=1046885

پىكىرلەر:

juz dep sifirmen jazingiz.