كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-22850323838 %62 %

ۇلى تۇلعالاردى لايىقتى ۇلىقتايىق – استانا اقشامى


ءتۇرى: اقجول تور ماقالالارى

ۋاقىتى: 01:00 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.ۇلى تۇلعالاردى لايىقتى ۇلىقتايىق – استانا اقشامى

اقوردادا قر مەملەكەتتىك حاتشىسى مارات ءتاجيننىڭ توراعالىعىمەن اباي قۇنانبايۇلىنىڭ 175 جىلدىق جانە ءابۋ ناسىر ءال-فارابيدىڭ 1150 جىلدىق مەرەي­تويىن دايىنداۋ جانە وتكىزۋ جونىندەگى مەملەكەتتىك كوميسسيالاردىڭ وتىرىسى ءوتتى.

اۋەلى اباي قۇنانبايۇلىنىڭ 175 جىلدىق مەرەي­تويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ وتىرىسىن اشقان مارات ءتاجين «رۋحاني جاڭعىرۋ» باعدارلاماسىنىڭ ماڭىز­دى باعىتى ۇلتتىڭ «مادەني كودىن» ساقتاۋ بولىپ تابىلاتىنىن، بۇل ورايدا، مەرەيتويلىق ءىس-شارالار ابايدىڭ رۋحاني مۇراسىن ساقتاۋعا، زەردەلەۋگە جانە ناسيحاتتاۋعا باعىتتالۋى تيىستىگىن اتاپ ايتتى.
وتىرىستا ءسوز سويلەگەن مادەنيەت جانە سپورت ءمينيسترى اقتوتى رايىم­قۇلوۆا، ءبىلىم جانە عىلىم ءمينيسترى اسحات ايماعامبەتوۆ، اقپارات جانە قوعامدىق دامۋ ءمينيسترى داۋرەن ايماعامبەتوۆ، ل.ن گۋميلەۆ اتىنداعى ەۇۋ رەكتورى ەرلان سىدىقوۆ، شىعىس قازاقستان وبلىسىنىڭ اكىمى دانيال احمەتوۆ، ۇلتتىق اۋدارما بيۋروسىنىڭ اتقارۋشى ديرەكتورى راۋان كەنجەحانۇلى جوسپارلانعان ءىس-شارالار مەن جوبالار تۋرالى باياندادى.
القالى جيىن جونىندە مەملەكەتتىك كوميسسيانىڭ مۇشەسى، نۇر-سۇلتان قالالىق ءماسليحاتىنىڭ دەپۋتاتى،
ل.ن گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ جيىندا جوسپارلاعان شارالار جونىندە بىلايشا وي ءبولىستى: اباي شىعارمالارى شەتەلدەردىڭ ىرگەلى تىلدەرىنە جانە تۇركى حالىقتارىنىڭ تىلدەرىنە اۋدارىلىپ، جارىققا شىعارىلادى. ۇلى اقىننىڭ ءومىرى مەن شىعارماشىلىعى تۋرالى دەرەكتى فيلمدەر تۇسىرىلەدى. يۋنەسكو-نىڭ شتاب-پاتەرىندە قازاقستاننىڭ ۇزدىك شىعارماشىلىق ۇجىمدارىنىڭ گالا-­كونتسەرتى جانە تانىمال ابايتانۋشى عالىمداردىڭ قاتىسۋىمەن حالىق­ارالىق عىلىمي-پراكتيكالىق كونفەرەنتسيا وتەدى. مەرەيتويعا ارنالعان حالىقارالىق كونفەرەنتسيا ەلوردادا وتەدى. مادەنيەت جانە سپورت مينيسترلىگى جانە اكىمدىكتەر ۇلى ويشىلدىڭ مۇرالارىن ناسيحاتتاۋ بويىنشا تەاتر­لاندىرىلعان قويىلىمدار، مۋزەيلىك ەكسپوناتتار مەن فەستيۆالدەر، ايتىستار، ەكسپەديتسيالار، چەللەندجدەر، فلەش-موبتار جانە باسقا دا كوپتەگەن ءىس-شارالار وتكىزۋدى جوسپارلاپ وتىر. اباي اتىنداعى مەملەكەتتىك اكەدەميا­لىق وپەرا جانە بالەت تەاترى تۇركيا، رەسەي جانە قىتايدا «اباي» وپەراسى قويىلىمىن ساحنالايدى.

مەملەكەتتىك حاتشى مارات ءتاجين مەمكوميسسياعا مەملەكەت باسشىسىنا ءۇش باستامامەن شىعۋدى ۇسىندى: سەمەي قالاسىنداعى اۋەجايعا اباي ەسىمىن بەرۋ; ادەبيەت جانە ونەر سالاسىنداعى مەملەكەتتىك سىيلىقتى اباي اتىنداعى مەملەكەتتىك سىيلىق دەپ وزگەرتۋ; قازاقستاننىڭ ەلشىلىكتەرىنىڭ بازاسىندا «اباي ورتالىقتارىن» قۇرۋ. ۇكىمەت اباي قۇنانبايۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردىڭ جوباسىن مەملەكەتتىك كوميسسيانىڭ قاراۋىنا 2019 جىلدىڭ 1 قازانىنا دەيىن ەنگىزۋى ءتيىس.

سونىمەن قاتار ەلىمىزدىڭ بارلىق مەكتەپتەرىندە اشىق ساباقتار، شىعارما جازۋدان، اقىن ولەڭدەرى مەن قارا سوزدەرىن مانەرلەپ وقۋدان بايقايلار وتەدى. اباي شىعارماشىلىعىن ۇزدىك بىلۋگە ارنالعان وقۋشىلار اراسىنداعى جالپىرەسپۋبليكالىق وليمپيادانىڭ جەڭىمپازدارى مەن لاۋرەاتتارىنا گۋميلەۆ اتىنداعى ەۇۋ مەن ءال-فارابي اتىنداعى قازۇۋ-دا وقۋ ءۇشىن 50 ءبىلىم گرانتى تاعايىندالاتىن بولادى.
سونداي-اق مەملەكەتتىك حاتشى ءابۋ ناسىر ءال-فارابيدىڭ 1150 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيانىڭ وتىرىسىن وتكىزدى. «ەلباسىنىڭ «ۇلى دالانىڭ جەتى قىرى» ماقالاسىندا اتالعان ۇلى ەسىمدەر ىشىندە ءال-فارابيدىڭ اتى ءبىرىنشى تۇر. ونىڭ مۇراسى الەمدىك وركەنيەتتىڭ يگىلىگى بولىپ تابىلادى» دەدى مارات ءتاجين وتىرىستىڭ اشىلۋىندا سويلەگەن سوزىندە. ودان كەيىن ءبىلىم جانە عىلىم ءمينيسترى اسحات ايماعامبەتوۆ، ءال-فارابي اتىنداعى قازۇۋ رەكتورى عالىمقايىر مۇتانوۆ، سىرتقى ىستەر ءمينيسترىنىڭ ءبىرىنشى ورىنباسارى مۇحتار تىلەۋبەردى، اقپارات جانە قوعامدىق دامۋ ءمينيسترى داۋرەن اباەۆ مەرەيتوي اياسىندا جوسپارلانعان جوبالار تۋرالى باياندادى.
مەرەيتوي شەڭبەرىندە ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا ونلاين جۋرنال شىعارۋ ارقىلى فارابيتانۋشىلاردىڭ حالىقارالىق ورتالىعىن قۇرۋ جوسپارلانۋدا. ء«ال-فارابي جانە الەمدىك وركەنيەت» اتتى حالىقارالىق عىلىمي سيمپوزيۋمگە دايىندىق باستالدى. ۇلى ۇستازدىڭ ەڭبەكتەرى اۋدارىلىپ، جارىققا شىعارىلادى، دەرەكتى فيلم­دەر مەن تەلەراديو باعدارلامالار تۇسىرىلەدى. ەلىمىزدىڭ بارلىق جوعارى وقۋ ورىندارىندا، عىلىمي جانە مادەني ۇيىمدارىندا حالقىمىزدىڭ داڭقتى تۇلعاسىنىڭ مۇرالارىن ناسيحاتتاۋعا باعىتتالعان كونفەرەنتسيالار، سيمپوزيۋمدەر جانە باسقا دا كوپتەگەن ءبىلىم، مادەني شارالار وتەدى.


كەلۋ قاينارى: http://www.elarna.net/koru.php?tur=7&id=1046881

پىكىرلەر:

juz dep sifirmen jazingiz.