كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-102001851947 %53 %
2019-12-111970784544 %56 %
2019-12-1225248442 %58 %

يرانعا سالىنعان سانكتسيا قازاقستاندىق استىق تاسىمالداۋشى كومپانيالارعا كەدەرگى كەلتىرۋى مۇمكىن - قازاقستان جان


ءتۇرى: 24.kz اقپاراتتارى

ۋاقىتى: 01:00 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.



اقش-تىڭ يرانعا سالعان سانكتسياسى قازاقستاندىق استىق تاسىمالداۋشى كومپانيالارىنىڭ جۇمىسىنا كەدەرگى كەلتىرۋى مۇمكىن.

سەبەبى پارسى ەلى قارجىلىق قۇرساۋعا بايلانىستى تولەم جاساي المايدى.

استىق تاسىمالىنا قاتىستى وسى جانە وزگە دە وزەكتى ماسەلەلەر بۇگىن ەلوردادا تالقىعا ءتۇستى. «استىق ترانس» كومپانياسى ۇيىمداستىرىعان قوعامدىق كەڭەسكە وتاندىق كاسىپورىنداردان بولەك، وزبەكستان مەن تۇرىكمەنستاننىڭ دا تەمىر جول وكىلدەرى قاتىستى.

«استىق ترانس» – قازاقستان نارىعىندا استىق تاسىمالدايتىن ەڭ ءىرى كومپانيا. ىشكى نارىقتاعى تاسىمالدىڭ 93 پروتسەنتى وسى ۇجىمعا تيەسىلى. التى جىلدان بەرى تابىستى جۇمىس ىستەپ كەلە جاتقان كومپانيا وسى ۋاقىتقا دەيىن 30 ملن توننا ءونىمدى مەجەلى مەكەنىنە جەتكىزىپتى. وتاندىق استىق تاسىمالىندا وزىندىك ورنى بار مەكەمە وسى سالاداعى مامانداردىڭ باسىن قوسىپ، قوعامدىق كەڭەس وتكىزدى. 

داۋرەن قالياسقاروۆ، «استىق ترانس» اق ماركەتينگ جانە جوسپارلاۋ باسقارماسىنىڭ باسشىسى:

– وراق ناۋقانى باستالىپ كەتتى. سول وراق ناۋقانىنىڭ ءجۇرۋ بارىسى جانە ءار داقىلدىڭ شىعىمى جانە وسىعان بايلانىستى ءبىزدىڭ ەلدىڭ ىشكى تۇتىنۋى مەن ەكسپورتتىق الەۋەتىمىزدىڭ مولشەرىن تالقىلادىق جانە قانداي جاڭا نارىقتار اشىلىپ جاتىر. مىسالى، قىتاي نارىعىندا قازاقستانمەن ۇلكەن شارۋالار ىستەلىپ جاتىر.

بيىل التىنشى مارتە ۇيىمداستىرىلعان قوعامدىق كەڭەسكە 200-گە تارتا كومپانيا وكىلدەرى كەلدى. جيىندا استىق تاسىمالدايتىن ۆاگونداردىڭ دا جاي-كۇيى ءسوز بولدى.

داۋرەن قالياسقاروۆ، «استىق ترانس» اق ماركەتينگ جانە جوسپارلاۋ باسقارماسىنىڭ باسشىسى:

– قازاقستاندا استىق تاسىمالدايتىن ۆاگوندار جەتكىلىكتى. ءبىراق ونى ءتيىمدى دە ۇتىمدى پايدالانۋ ماسەلەنىڭ استارى وسىندا. بار ۆاگونمەن ءبىز قازاقستاننىڭ بارلىق استىعىن دەر كەزىندە بارار جەرىنە جەتكىزەمىز. 

بيىل ەلىمىزدە 19 ملن توننا استىق ورۋ جوسپاردا بار. ساراپشىلار سونىڭ 7 ملن سىرتقى نارىققا شىعارىلاتىنىن ايتادى. ال ءبىر «استىق ترانس» كومپانياسىنىڭ الەۋەتى 4 ملن توننا استىق ەكسپورتتاۋعا جەتەدى.

اۆتورلارى: قانات بازىلحان، جاندوس بيتاباروۆ


كەلۋ قاينارى: http://www.elarna.net/koru.php?tur=38&id=1046880

پىكىرلەر:

juz dep sifirmen jazingiz.