كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-2010832600477 %23 %
2019-09-21812349637 %63 %
2019-09-22850323838 %62 %

قاراعاندى وبلىسىندا كومىر ونلاين-تاپسىرىسپەن ساتىلا باستادى


ءتۇرى: قازاقپارات جاڭالىقتارى

ۋاقىتى: 00:51 - 2019/09/12

: PDF Download - Жұктеұ - Скачать - ءتۇسىرۋ

elarna.net Printed Version.
قاراعاندى وبلىسىندا كومىر ونلاين-تاپسىرىسپەن ساتىلا باستادى

قاراعاندى. قازاقپارات – قاراعاندى وبلىسىندا كومىردى ونلاين-تاپسىرىسپەن ساتۋ باستالدى، دەپ حابارلايدى قازاقپارات.

«قاراعاندى وبلىسىندا كومىر نارىعىنداعى دۇرلىگۋگە جول بەرمەۋ ءۇشىن بارلىق قاجەتتى شارالار جاسالۋدا. بيلىك كۇندەلىكتى رەجيمدە جاعدايدى قاداعالاپ وتىر. ساتىپ الۋشىلاردىڭ ىڭعايلىلىعى ءۇشىن وڭىردە كومىر جەتكىزۋ جونىندەگى call-ورتالىق اشىلدى جانە سايتتا وتىنىمدەردى الىستان قابىلداۋ ۇيىمداستىرىلدى»، - دەدى وبلىس اكىمدىگىنەن.

وسى ورايدا، ايماق باسشىسىنىڭ ورىنباسارى الماس ايداروۆ كومىر ساتۋ بەكەتتەرىنىڭ جۇمىسىن تەكسەرىپ قايتتى.
ء«قازىر كومىر ماۋسىمىنىڭ قىزۋ كەزەڭى باستالدى. ءبىز جازدان باستاپ حالىقتى وتىندى الدىن الا ساتىپ الۋعا شاقىردىق. ۇسىنىستار جەتكىلىكتى بولۋى ءۇشىن جەتكىزۋشىلەرمەن جۇمىس ىستەدىك. وتكەن جىلى بۇل تاجىريبە ءساتتى جۇزەگە اسىرىلدى. الايدا، شىلدە مەن تامىز ايلارىندا وتكەن جىلعا قاراعاندا كومىر از ساتىپ الىنعانىن كوردىك. مۇمكىن، بۇل جازدىڭ ىستىق بولۋىمەن بايلاستى بولار»، - دەپ اتاپ ءوتتى ول.



كومىر الۋعا ۇزىن-سونار كەزەكتى بولدىرماۋ ءۇشىن ونلاين-جەتكىزۋ قىزمەتى ارقىلى كومىردى ساتىپ الۋ بويىنشا پيلوتتىق جوبا ىسكە قوسىلدى. اكىم ورىنباسارى جاڭا قىزمەت تۋرالى ايتىپ بەردى.
7543.kz سايتىندا شۇباركول كومىرىن ساتىپ الۋعا ونلاين-تاپسىرىس جاساۋعا بولادى. سونداي-اق، 7543 نومىرىمەن وبلىستىڭ بارلىق تۇرعىندارى ءۇشىن قولجەتىمدى call-ورتالىق جۇمىس ىستەيدى.
ونلاين-تاپسىرىس بويىنشا كومىردىڭ ءبىر تونناسى 10 100 تەڭگەنى قۇرايدى. جەتكىزۋ تولەمى مەكەنجايعا بايلانىستى 5 000 تەڭگەدەن باستالادى.
ء«بىز كورىپ وتىرعانىمىزداي، بۇگىنگى تاڭدا بۇل ەڭ ارزان باعا. بۇعان قوسا، كومىردىڭ ساپالى بولۋىنىڭ كەپىلى بولىپ تابىلادى. جەتكىزۋ كەزىندە بانك كارتاسى ارقىلى نەمەسە قولما-قول اقشامەن تولەۋگە بولادى»، - دەپ اتاپ ءوتتى الماس ايداروۆ.
اكىمدىك اقپاراتىنشا، بيىلعى جىلى وبلىستا 37 ملن توننا كومىر ءوندىرۋ جوسپارلانىپ وتىر، بۇل وتكەن جىلدىڭ ناتيجەسىنەن 2 ملن تونناعا ارتىق. جالپى كولەمنىڭ 4،5 ملن تونناسى – كوممۋنالدىق-تۇرمىستىق كومىر، ال 1،3 ملن توننانى قاراعاندىلىقتار تۇتىنادى. ياعني، كومىر جەتكىلىكتى. مونيتورينگ مالىمەتتەرى بويىنشا، جەتكىزۋ نەگىزىنەن كۇنبە-كۇن، كەيبىر جاعدايلاردا ەكى تاۋلىككە سوزىلادى. ساتىپ الۋشىلاردىڭ قالاۋى بويىنشا ناقتى ءبىر بەلگىلەنگەن كۇنى جەتكىزۋگە تاپسىرىس بەرۋگە بولادى.



وبلىس اكىمىنىڭ ورىنباسارى تۇرعىنداردى جاڭا سەرۆيستى پايدالانۋعا شاقىردى. ونىڭ ايتۋىنشا، قاراعاندىنىڭ ەڭ ءىرى پۋنكتىندە كۇنىنە 120-130 ماشينا جونەلتىلەدى. قاراعاندى قالاسىندا قوسىمشا پريشاحتينسك شاعىناۋدانىندا، ۆەرەششاگين كوشەسى، 1/1 مەكەنجايى بويىنشا كومىر ساتۋ نۇكتەسى اشىلدى.

ەستەرىڭىزگە سالا كەتەيىك، قاراعاندى وبلىسى اكىمدىگىنىڭ سايتىندا كومىر ساتۋ نۇكتەلەرىنىڭ ينتەراكتيۆتى كارتاسى بار. ونىڭ كومەگىمەن پايدالانۋشىلار ەڭ جاقىن نۇكتەنى وڭاي انىقتاي الادى، سونىمەن قاتار تۇتىنۋشىلار قاتتى وتىننىڭ ساتىلىمدا بولۋى مەن قۇنى تۋرالى ايتىپ بەرەتىن تەلەفون نومىرلەرىن بىلە الادى.
كومىرمەن بايلانىستى سۇراقتار مەن شاعىمدار بويىنشا وبلىستىق call-ورتالىققا +7(7212) 42-10-88 ءنومىرى بويىنشا حابارلاسۋعا بولادى.




كەلۋ قاينارى: http://www.elarna.net/koru.php?tur=3&id=1046877

پىكىرلەر:

juz dep sifirmen jazingiz.