كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

جامبىل وبلىسىندا مەديتسينا ماماندارى تاپشى


ءتۇرى: قازاقپارات جاڭالىقتارى

ۋاقىتى: 23:45 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
جامبىل وبلىسىندا مەديتسينا ماماندارى تاپشى

تاراز. قازاقپارات – جامبىل وبلىسىندا دەنساۋلىق ساقتاۋ سالاسىنىڭ ماماندارى تاپشى، دەپ حابارلايدى قازاقپارات ءتىلشىسى.

وڭىرلىك دەنساۋلىق ساقتاۋ باسقارماسىنىڭ باسشىسى مارات جۇمانقۇلوۆ دەنساۋلىق ساقتاۋ سالاسىنداعى مەديتسينالىق قىزمەتتىڭ ساپاسىنا كادر تاپشىلىعى تىكەلەي اسەر ەتەتىنىن جەتكىزدى.

«مەكەمەلەردىڭ تاپسىرىسى بويىنشا 322 بوس ورىن جاريالانعان بولاتىن. ونى تولتىرۋ ماقساتىندا رەسپۋبليكادان 185 جاس مامان جولدانعانىمەن، ءالى دە 130-دان استام مامان قاجەت. باسقارما مۇنى ءوز بەتىمەن كەلەتىن وقۋ ورىندارىنىڭ تۇلەكتەرىمەن تولىقتىرۋدى جوسپارلاپ وتىر»، - دەيدى م.جامانقۇلوۆ.

باسقارما تاراپىنان وبلىسقا قانداي ماماندار قاجەتتىگى زەردەلەنىپ، ناتيجەسىندە اكۋشەر-گينەكولوگ، انەستەزيولوگ-رەانيماتولوگ، نەوناتولوگ ماماندارىنىڭ تاپشىلىعى انىقتالعان. وسى ورايدا وبلىستىق بيۋدجەتتەن 8،7 ميلليون تەڭگە ءبولىنىپ، 9 ماماندى وقىتۋ جوسپارلانۋدا.

ماماندار تارتۋ ءۇشىن الەۋمەتتىك جاعدايدىڭ جاسالۋ ماڭىزى دا زور. بۇل ماقساتتا بيىل جاس ماماندارعا 100مىڭ - 800مىڭ تەڭگەگە دەيىن الەۋمەتتىك كومەك ءتۇرىن كورسەتۋ جوسپارلانعان. سونداي-اق، تۇرعىن ءۇي ساتىپ الۋ نەمەسە سالۋ ءۇشىن 1500 اەك اسپايتىن نەسيە، 100 اەك-كە تەڭ سومادا كوتەرمە جاردەماقى كوزدەلگەن.

سونداي-اق، ايتا كەتۋ كەرەك، بىلتىر وڭىردەگى مەديتسينالىق نىسانداردى جابدىقتاۋعا بيۋدجەتتەن 2،3 ميلليارد تەڭگە ءبولىنىپ، 900-دەن استام اپپارات ساتىپ الىنعان. ال بيىل 1،7 ميلليارد تەڭگەگە 300-دەن اسا مەديتسينالىق تەحنيكا الىنسا، الداعى ەكى جىلدا 1،1 ميلليارد تەڭگەدەن اسا سوماعا 321 بىرلىك تەحنيكا الۋ جوسپارلانعان. وسىلايشا، مەملەكەت باسشىسىنىڭ جەرگىلىكتى جەرلەردەگى ەمحانالاردى 100 پايىز مەديتسينالىق قۇرال-جابدىقتارمەن قامتۋ تاپسىرماسىن ورىنداۋ كوزدەلىپ وتىر.


كەلۋ قاينارى: http://www.elarna.net/koru.php?tur=3&id=1046869

پىكىرلەر:

juz dep sifirmen jazingiz.