كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

«اق قاۋىرسىن» قانات قاقتى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 23:21 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

تىلدەر مەرەكەسىنىڭ سالتاناتتى ­جيى­نىندا الماتى وبلىسىنىڭ اكىمى اماندىق باتالوۆتىڭ قولداۋىمەن جارىق كورگەن «اق قاۋىرسىن» كىتابىنىڭ تۇساۋى كەسىلدى. باسپادان شىققان سۋ جاڭا كىتاپتىڭ لەنتاسىن كەسۋ قۇرمەتى كەش قوناقتارى، الماتى وبلىستىق ءماسليحاتىنىڭ حاتشىسى سۇلتان دۇيسەمبينوۆ، قر مادەنيەت قايراتكەرى، الماتى وبلىسىنىڭ قۇرمەتتى ازاماتى ءالىمعازى رايىمبەكوۆ جانە اتالعان كىتاپقا ءالعىسوز جازعان ارداگەر جۋرناليست ءالي ىسقابايعا بەرىلدى.

كىتاپقا «رۋحاني جاڭعىرۋ» ماقا­لاسىنىڭ ءبىر جىلدىعىنا وراي الماتى­ وبلىسى اكىمىنىڭ «اق قاۋىرسىن» جۇلدەسى ءۇشىن تۇڭعىش رەت وتكىزىلگەن «ماڭگىلىك ەلدىڭ مۇراتى» ادەبي بايقاۋى جانە ەلوردانىڭ 20 جىلدىق مەرەيتويىنا ارنالعان «استانا – بەيبىتشىلىك بەسىگى» ءمۇشايراسىنىڭ جۇلدەگەرلەرىنىڭ تۋىندىلارى ەنگەن. اتاپ ايتار بولساق، ساعىنىش نامازشاموۆا، ەرلان ءجۇنىس، قانات ءابىلقايىر، اينۇر تولەۋ، ­ەسبولات ايدابوسىن سىندى وڭىرلىك جارىستاردا عانا ەمەس، رەسپۋبليكالىق، حالىقارالىق ­دودالاردا توپ جارىپ جۇرگەن جەتىسۋلىق تالانتتار­دىڭ بايگەگە قوسقان ادەبي شىعارمالارى بار.
كىتاپتىڭ العىسوزىندە قازاقستان­نىڭ ەڭبەك سىڭىرگەن قايراتكەرى، مەملەكەتتىك «دارىن» سىيلىعىنىڭ لاۋرەاتى جاناربەك ءاشىمجان: «…تۋادى، تۋادى ءالى ناعىز اقىن» ­دەگەن داڭقتى مۇقاعالي اقىننىڭ ءۇمىت پەن ارمان-اڭسارى تەگىن ەمەس ەكەن. ­راسىندا، جەتىسۋدىڭ جاعاسىندا، جەتى وزەننىڭ ساعاسىندا جەلكىلدەپ وسكەن جاس قۇراق اراعا از ۋاقىت سالىپ ءوز جەمىسىن بەرىپ كەلەدى. وسى ورايدا، ­الماتى وبلىسى اكىمدىگىنىڭ ايماقتاعى جاستاردى شىعارماشىلىق جاعىنان دا، الەۋمەتتىك جاعىنان دا قولداۋى ايقىن سەزىلدى. قانشاما جاس اقىن-جازۋشى، جۋرناليستەر باسپانالى بولدى. سوڭعى كەزدەردەگى جاستارعا ارنالعان جەكەلەگەن ءىرى-ىرى بايقاۋلار، ءمۇشايرالار، ءارتۇرلى جانرلاردا ­جاريالانىپ كەلە جاتقان اشىق جانە جابىق بايگەلەر وسى ويىمىزدىڭ دالەلى. ناتيجەسىندە كەيىنگى جىلدارى وبلىس ورتالىعى – تالدىقورعان قالاسى ادەبي، مادەني ورتاعا اينالدى. ەلباسىنىڭ «بولاشاققا باعدار: رۋحاني جاڭعىرۋ» اتتى كەشەندى ماقالاسى، ودان كەيىنگى وتكەن جىلدىڭ اياعىندا عانا قالىڭ قاۋىمعا ايىرىقشا اسەر ەتكەن «ۇلى دالانىڭ جەتى قىرى» اتتى يدەولوگيالىق كەڭىستىگىمىزدىڭ تامىرىنا قان جۇگىرتكەن تەمىرقازىق ماقالاسى ءبىزدىڭ جاس دوستارىمىزعا جاڭا تىنىس بەردى. وسىنىڭ ايقىن دالەلى، الماتى وبلىسىنىڭ تىلدەردى دامىتۋ جونىندەگى باسقارماسى جاريالاعان «ماڭگىلىك ەلدىڭ مۇراتى» اتتى بايقاۋ شىعارماشىل جاستارعا ارنالعان» دەپ جازدى.
وبلىس اكىمىنىڭ «اق قاۋىرسىن» ادەبي جۇلدەسىن بىلتىرعى جىلى پوەزيا جانرى بويىنشا ساعىنىش نامازشاموۆا، پروزا بويىنشا قانات ءابىلقايىر يەلەنگەنى كوپشىلىكتىڭ ەسىندە.
ءداستۇرلى «اق قاۋىرسىننىڭ» پروزا اتالىمى بويىنشا بيىلعى جۇلدەگەرى ەلدوس توقتارباي: «تىلدەر مەرەكەسىندە، الاش ارداقتىسى ­احمەت بايتۇرسىنۇلىنىڭ تۋعان كۇنىندە جۇلدەلى بولۋ – مەن ءۇشىن ەستەن كەتپەس ءسات بولىپ قالماق. وبلىس اكىمىنىڭ «اق قاۋىرسىن» جۇلدەسى – ادەبيەت سۇيەر جاستارعا قولداۋ بولىپ، ولاردىڭ ­شى­عارماشىلىق قۇلشىنىستارىن ارتتىراتىن، اتى وبلىستىق بولعانىمەن، رەسپۋبليكالىق بايقاۋلارمەن پارا-پار» دەگەن ورامدى ويىن ورتاعا سالسا، پوەزيا اتالىمى بويىنشا باس جۇلدەگەر مۇحتار كۇمىسبەك «جولداعى اۋىل» ولەڭىن وقىپ، جىر سۇيەر تىڭدارماندى ەرەكشە سەزىمگە بولەدى. سول سياقتى، «پەرىشتەنى كورگەن بالا» اڭگىمەسىنىڭ اۆتورى اسەم جۇماقان جۇلدەلى ءىى ورىندى الدى. ءىىى ورىنعا پروزا بويىنشا ماۋلەن انەرباي، پوەزيا بويىنشا اقنيەت تولەندى لايىق دەپ تانىلدى. بارلىق جەڭىمپازدار ديپلوممەن جانە اقشالاي سىيلىقتارمەن ماراپاتتالدى.

ايگەرىم يەبەكوۆا،
الماتى وبلىسىنىڭ تىلدەردى دامىتۋ جونىندەگى باسقارماسىنىڭ
ءباسپاسوز حاتشىسى


كەلۋ قاينارى: http://www.elarna.net/koru.php?tur=9&id=1046865

پىكىرلەر:

juz dep sifirmen jazingiz.