كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

اسقار مامين ارىستى قالپىنا كەلتىرۋ جۇمىستارىمەن تانىستى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 23:20 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



ارىستاعى جارىلىستان زاقىمدانعان ۇيلەردىڭ 99 پروتسەنتى قالپىنا كەلتىرىلدى.

اپات كەزىندە بۇلىنگەن 7 163 ءۇي تولىق جوندەلدى. 470 ءۇي قايتا سالىنىپ جاتىر. بۇگىن تۇركىستان وبلىسىنا جاساعان جۇمىس ساپارى بارىسىندا پرەمەر-مينيستر اسقار مامين ارىس قالاسىن قالپىنا كەلتىرۋ جۇمىستارىمەن تانىستى. سونداي-اق تۇركىستانداعى اكىمشىلىك ىسكەرلىك الاڭىنداعى قۇرىلىس ساپاسىن تەكسەرىپ، تاريحي-مادەني جانە الەۋمەتتىك نىسانداردىڭ قۇرىلىسىن كوردى.

ارىس قالىپتى ءومىر كوشىنە ىلەستى. ءقازىر ماۋسىم ايىنداعى اپاتتى ەسكە تۇسىرەتىن بەلگىلەر كۇننەن كۇنگە ازايىپ بارادى. تەك كەيبىر كوشەلەردە عانا قۇرىلىسشىلار سوڭعى ارلەۋ جۇمىستارىمەن اينالىسىپ جاتىر. جارىلىس قالاداعى 7 مىڭنان استام عيماراتقا اسەر ەتتى. 470 ءۇيدى قايتا باسىنان باستاپ سالۋعا تۋرا كەلدى.

نۇرلان ەگىزباەۆ، ارىس قالاسىنىڭ تۇرعىنى:

– وتكەن جىلى عانا تولىق جوندەۋدەن وتكىزىپ، وزىمىزگە جايلى ەتىپ جاساعان ەدىم. ءبىراق اپات كەزىندە ورتەنىپ كەتتى. ەرتەڭىنە كەلگەن كەزدە اكت جازدى قالپىنا كەلتىرۋگە كەلمەيدى دەپ. سودان وسىنداي ءۇي سالدى. مەن وسىندا ءجۇرمىن. بىرەۋى جاتىن بولمەسى، ەكىنشىسى بالالار بولمەسى، ءبىزدى تولىق قاناعاتتاندىرادى. 

ارىسقا ساپارى بارىسىندا اسقار مامين ءبىرقاتار الەۋمەتتىك نىساندى ارالاپ كوردى. قازىرگى ۋاقىتتا 62 الەۋمەتتىك نىسان كۇردەلى جوندەۋدەن ءوتتى. ونىڭ ىشىندە مەكتەپ، اۋرۋحانا جانە سپورت الاڭدارى بار. سونداي-اق 1904 جىلى نيكولاي II جارلىعىمەن سالىنعان تەمىر جول ۆوكزالى دا قالپىنا كەلتىرىلدى. 

ايتكۇل سەيسەنباەۆا، «ارىس-1» ۆوكزالى باسشىسىنىڭ كەزەكشى كومەكشىسى:

– ۆوكزال عيماراتىنداعى تاريحي قۇندىلىقتار تولىعىمەن ساقتالدى. ۇكىمەت باسشىلىعىنىڭ ۆوكزالدى قالپىنا كەلتىرىپ بەرۋ مىندەتتەرىن تولىعىمەن ورىنداپ شىقتى. ۆوكزال ايماعىنداعى اباتتاندىرۋ جۇمىستارى جاقسى اياقتالدى. ۇكىمەت باسشىلىعىنا تەمىرجولشىلار اتىنان، ارىس حالقىنىڭ اتىنان العىسىمىزدى بىلدىرەمىز.

ودان كەيىن ۇكىمەت باسشىسى تۇرىكستان قالاسىندا سالىنىپ جاتقان بىرنەشە نىساندى ارالادى. سونىڭ ءبىرى – حالىقارالىق اۋەجەي. جوبا تۇرىك كومپانياسىمەن بىرلەسىپ جۇزەگە اسىرىلىپ جاتىر. تارتىلعان ينۆەستيتسيا كولەمى 70 ملن اقش دوللارى. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايدى. نىساننىڭ قۇرىلىسى كەلەر جىلى اياقتالادى. ايتا كەتەيىك، جاقىندا اۋەندى سۋ بۇرقاق پايدالانۋعا بەرىلەدى. تۇركىستاندى جاسىل قالاعا اينالدىرۋ جوباسى دا قولعا الىنعان.

سارسەنبەك ءجۇنىسوۆ، «استانا باس جوسپار» جوبالاۋ ينستيتۋتىنىڭ ديرەكتورى:

– سىرداريا مەن تۇركىستاننىڭ ورتاسىن تابيعي پارك جاساساق دەگەن وي بار. سولتۇستىك جاعى قالانىڭ كەنتاۋ قالاسى مەن ماڭايىنداعى تاۋلاردان جاسىل پاركتەر سالساق دەگەن جوسپار بار. سوندا تاۋدان جەل كەلەدى، ال سىرداريا جاقتان دا سالقىن اۋا كەلىپ، قالانىڭ ميكروكليماتى وزگەرەدى دەگەن ويمىز بار.

جىل سوڭىنا قاراي تۇركىستاندا 11 جاڭا نىسان پايدالانۋعا بەرىلەدى. ولاردىڭ ىشىندە وبلىستىق اكىمشىلىك عيماراتى، امفيتەاتر جانە مەدياورتالىق بار. 

اۆتورلارى: جاندوس جۇمابەك، سامات ناعاشىبەكۇلى


كەلۋ قاينارى: http://www.elarna.net/koru.php?tur=38&id=1046864

پىكىرلەر:

juz dep sifirmen jazingiz.