كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

اتىراۋداعى مۇناي تولى التى كولشىك پەن ماي قازاندىقتارى قورشاعان ورتانى لاستاپ جاتىر - قازاقستان جانە الەمدەگى


ءتۇرى: 24.kz اقپاراتتارى

ۋاقىتى: 22:50 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



اتىراۋ قالاسىنداعى ەسكى ۆاگون جۋ دەپوسىنىڭ اۋماعىندا مۇناي تولى التى كولشىك پەن ماي قازاندىقتارى قورشاعان ورتانى لاستاپ جاتىر.

2006 جىلى قالا تۇرعىندارى مەن جەرگىلىكتى بيلىكتىڭ تالابىمەن مۇناي تاسيتىن تسيستەرنالاردى جۋاتىن مەكەمە قالا سىرتىنا كوشىرىلگەن بولاتىن.

سول كاسىپورىننان قالعان قازاندىقتاردان اققان ونداعان توننا شيكى مۇناي ەندى تۇرعىنداردىڭ ومىرىنە ءقاۋىپ بولىپ تۇر.

اتالعان مەكەمەنىڭ ورنىنداعى مۇناي قالدىقتارىنىڭ ناقتى كولەمىن ەشكىم بىلمەيدى، ەشبىر قۇزىرلى ورگان وكىلدەرى ولشەپ تە كورگەن ەمەس. اسىرەسە جازدىڭ كۇندەرى ەرىگەن مۇناي بەتىنەن كوتەرىلەتىن بۋ ادام اعزاسىنا وتە ءقاۋىپتى. مۇنىڭ سوڭى وبىر، وكپە اۋرۋى سەكىلدى قاتەرلى دەرتكە الىپ بارادى دەيدى قالا تۇرعىندارى. ويتكەنى تەمىر جول جەلىسى كوپ قاباتتى تۇرعىن ۇيلەرگە وتە جاقىن تۇر.

تاڭات نۇرىموۆ، قالالىق ازاماتتىق كەڭەستىڭ مۇشەسى:

– ادامنىڭ دەنساۋلىعىنا زيان كەلتىرىپ تۇر. ونىڭ ىشىندە ونكولوگيالىق اۋرۋلارعا اكەلەدى.  

سوت شەشىمىمەن جابىلعان تەمىر جول تاسىمالى مەكەمەسى ارتىنا وسىنداي «مۇرالارىن» قالدىرىپ كەتكەن. مۇندا مۇناي عانا ەمەس، قيراعان عيماراتتار، مۇنايدى قازاندىققا قۇيۋ ستانتسيالارى مەن يەسىز قالعان تەمىر جول جەلىسىنىڭ قالدىقتارى دا بار. تاعى ءبىر جايت، كوزگە كورىنبەگەنىمەن، بۇل اۋماقتا جەراستى مۇناي قۇيۋ قازاندىقتارى دا كومىلگەن كۇيى قالدى.   

قادىرجان ارىستان، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى:

– بۇل قازاندىقتاردىڭ باتىس قازاقستان فيليالىنا جاتاتىنى انىقتالدى. سول جەردە ولارعا بۇل تەرريتوريانى قالىپقا كەلتىرۋ تۋرالى تاپسىرما بەرىلدى. سونىمەن قاتار قۇزىرەتتى ورگاندارعا شارا قولدانۋ جونىندە ماسەلەلەر كوتەرىلدى.  

وبلىستىق ەكولوگيا دەپارتامەنتى، كولىك پروكۋراتۋراسى جانە وزگە دە قۇزىرلى ورگانداردىڭ جۇرگىزگەن تەكسەرۋىنەن كەيىن قازاقستان تەمىر جولىنىڭ اتىراۋ فيليالىنا قىركۇيەك ايىنىڭ 30-نا دەيىن بۇل ايماقتى تازالاۋعا ۋاقىت بەرىلدى. ەگەر بۇل شەشىم ورىندالماسا، اكىمشىلىك جاۋاپكەرشىلىككە تارتىلادى.

اۆتورلارى: بەكەن ءاليراحىم، تەمىرلان سۇلتانعازى


كەلۋ قاينارى: http://www.elarna.net/koru.php?tur=38&id=1046852

پىكىرلەر:

juz dep sifirmen jazingiz.