كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205891871676 %24 %

اۋەدەگى ۇرىس، زىمىرانداردىڭ ىسكە قوسىلۋى – سارىشاعاندا وقۋ-جاتتىعۋ ءوتتى


ءتۇرى: قازاقپارات جاڭالىقتارى

ۋاقىتى: 22:45 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
اۋەدەگى ۇرىس، زىمىرانداردىڭ ىسكە قوسىلۋى – سارىشاعاندا وقۋ-جاتتىعۋ ءوتتى

نۇر-سۇلتان. قازاقپارات –قاراعاندى وبلىسىنىڭ «سارىشاعان» پوليگونىندا «جاۋىنگەرلىك دوستاستىق – 2019» تاكتيكالىق وقۋ-جاتتىعۋىنىڭ ەڭ كوزتارتار بەلسەندى فازاسى ءوتتى. بۇل تۋرالى قازاقپارات قم ءباسپاسوز قىزمەتىنە سىلتەمە جاساپ حابارلايدى.

قر قورعانىس ءمينيسترى نۇرلان ەرمەكباەۆ اسكەري قىزمەتشىلەردىڭ دايىندىعى مەن كاسىپقويلىق دەڭگەيىنە باعا بەرۋگە كەلدى.

اۋە شابۋىلىنا قارسى قورعانىس اسكەرلەرى مەن اۆياتسياسىنا شارتتى قارسىلاستىڭ نىسانالارىن جويۋ جونىندە تاپسىرما بەرىلدى. مي-35م جاۋىنگەرلىك تىكۇشاقتارى وزىق راديوتەحنيكالىق بولىمشەلەر، سۋ-30سم جويعىش ۇشاقتارى، باسقارۋ پۋنكتتەرى، اۋەايلاقتار مەن شارتتى قارسىلاستىڭ اۋە شابۋىلىنا قارسى قورعانىس قۇرالدارى بويىنشا اۋە سوققىسىن جاسادى، ال سۋ-25 شابۋىلداۋشى ماتەريالدىق-تەحنيكالىق قامتاماسىز ەتۋ قويمالارىن جويدى. جاپپاي شابۋىلدى ميگ-31ب جويعىش ۇشاقتارى جالعاستىردى. بۇگىنگى تاڭدا بۇل الەمدەگى ەڭ جىلدام جاۋىنگەرلىك ۇشاقتاردىڭ ءبىرى بولىپ تابىلادى. جويعىش ۇشاق ساعاتىنا 3000 كم جىلدامدىققا دەيىن ۇشىپ، ستراتوسفەرا قاباتىنا كوتەرىلە الادى.



جەردەگى جانە اۋەدەگى نىسانالاردى جويۋ ءۇشىن اۆياتسيا «اۋە-جەر» جانە «اۋە-اۋە» كلاسىنداعى باسقارىلاتىن جانە باسقارىلمايتىن اۆياتسيالىق زىمىرانداردى، رەتكە كەلتىرىلەتىن اۆياتسيالىق جانە جارقىنشاقتى-فۋگاستى بومبالاردى قولداندى. اۋە ۇرىسىن جۇرگىزۋدەن باسقا ۇشقىشتار ستسەناري بويىنشا اپاتقا ۇشىراپ، ىستەن شىققان ۇشاق ەكيپاجىن قۇتقارۋدى پىسىقتادى.

اۋە شابۋىلىنا قارسى قورعانىس اسكەرلەرى وقۋ-جاتتىعۋدىڭ بەلسەندى فازاسى بارىسىندا قاناتتى زىمىرانعا توسقاۋىل جاساۋدى، سونداي-اق س-200، س-300، س-75، س-125، «كرۋگ» جانە «كۋب» زەنيتتىك-زىمىران كەشەندەرىنىڭ جاۋىنگەرلىك مۇمكىندىكتەرىن پاش ەتتى.



اسكەري قىزمەتشىلەردىڭ دايىندىق دەڭگەيى مەن شەبەرلىكتەرىنە باعا بەرۋگە قر قورعانىس ءمينيسترى نۇرلان ەرمەكباەۆ كەلدى. ول قاتىسۋشىلاردى قارسى الىپ، ارمەنيا، بەلارۋس، رەسەي، تاجىكستان، قىرعىزستان جانە وزبەكستان قارۋلى كۇشتەرىنىڭ باسشىلىعىنا العىس ءبىلدىردى. سونىمەن قاتار شەبەرلىكتىڭ جوعارى دەڭگەيىن اتاپ ءوتىپ، دوستاستىق ارميالاردىڭ اسكەري قىزمەتشىلەرىنە اشىق اسپان تىلەدى.



«جاۋىنگەرلىك دوستاستىق-2019» حالىقارالىق وقۋ-جاتتىعۋى رەسەي مەن قازاقستاننىڭ اسكەري پوليگوندارىنىڭ اۋماعىندا وتكىزىلگەنىن ەستەرىڭىزگە سالا كەتەيىك.

«سارىشاعان» پوليگونىنداعى وقۋ-جاتتىعۋعا اۋە قورعانىسى كۇشتەرىنىڭ بارلىق اسكەري بولىمدەرى، اۋە شابۋىلىنا قارسى قورعانىستىڭ تەحنيكاسى مەن قارۋ-جاراعى، قازاقستان اسكەري-اۋە كۇشتەرىنىڭ اۆياتسياسى تارتىلدى. ودان باسقا، العاش رەت اتالمىش وقۋ-جاتتىعۋعا قىرعىزستان ءاشقق اسكەرلەرىنىڭ جاۋىنگەرلىك ەسەپتوپتارى قاتىستى.







كەلۋ قاينارى: http://www.elarna.net/koru.php?tur=3&id=1046849

پىكىرلەر:

juz dep sifirmen jazingiz.