كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

كيەلى جەرلەر قاسيەتى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 22:07 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

ەلباسىنىڭ «رۋحاني جاڭعىرۋ» باعدارلاماسى اياسىندا الماتى وبلىسى ەڭبەكشىقازاق اۋدانى اكىمدىگىنىڭ ۇيىمداستىرۋىمەن ءبىر توپ جۋرناليست جەتىسۋ ءوڭىرىنىڭ كيەلى جەرلەرىن ارالادى.  ءبىزدىڭ العاشقى ساپارىمىز «ەسىك» مەملەكەتتىك تاريحي-مادەني قورىق مۇراجايىنان باستالدى. اتالمىش مۋزەيدىڭ ديرەكتورى­ تاسقىن تويباەۆ مۇراجايدا جانە ەسىك قالاسىنىڭ ماڭىندا اتقارىلىپ جاتقان يگى ىستەرگە كەڭىنەن توقتالدى. بۇدان كەيىن جۋرناليستەر اۋداننىڭ كوپتەگەن قاسيەتتى دە كورىكتى جەرلەرىمەن تانىستى.  

كيەلى بۇلاق – اسسى تاۋى تۇرگەن ورمانشىلىعىندا ورنالاسقان. بۇلاق تۋرالى ەل اۋزىندا جۇرگەن اڭىزدار بار. بۇل بۇلاقتىڭ كيەسىن كوپ ادامدار بىلە بەرمەيدى. بۇلاقتىڭ باسىنا بارساق، وسى اڭىزدىڭ ءمانىسىن كورسەتەتىن سۋرەت بەينەلەنگەن. «ەرتەدە، اقساقال مەن كەمپىرى ءبىر بۇلاقتى كورىپ، سول جەردى قونۋعا ىڭعايلى دەپ، ءبىر كۇنگە پانالايدى. كەمپىرى سول بۇلاقتىڭ سۋىنا شومىلادى. ەرتەڭىندە تۇرسا، كەمپىرى جاسارىپ، ادەمى سۇلۋ كەلىنشەككە اينالىپتى. سونى كورگەن اقساقال دا بۇلاقتىڭ سۋىنا شومى­لىپ، جاسارىپ كەتكەن ەكەن». بۇل جەردىڭ تۇرعىندارى وسى اڭىزبەن قوسا، بۇلاقتىڭ ەمشىلىك قاسيەتى بار ەكەنىن ايتادى. تۇرگەن شاتقالى – الماتىدان شىعىسقا قاراي 70 شاقىرىم جەردە ورنالاسقان، ىلە الاتاۋ تابيعي پاركىنىڭ كورىكتى جەرلەرىنىڭ ءبىرى سانالادى. شاتقالدا 7 سارقىراما بار. ادامدار ءجيى باراتىنى: ءبىرىنشىسى – «ايۋلى» جانە ەكىنشىسى – «قايراق». العاشقى سارقىراما (بيىكتىگى – 30 مەتر) جاسىل شىرشالار جانە شىڭدار اراسىنداعى بەينەلى ورىندا ورنالاسقان. شاتقالداعى شىڭدار جەر سىلكىنىسى كەزىندە ءبولىنىپ، مۇزدى كەزەڭگە دەيىنگى ىزدەردى ساقتاعان. «جەر جانناتى – جەتىسۋ» دەگەن ءسوز تىركەسىن ءجيى ەستيمىز. دەگەنمەن، ونىڭ ماعىناسىنا ءۇڭىلىپ، بۇل ءوڭىردى نەلىكتەن جەر جانناتى اتايدى، جەتىسۋ دەگەن ءسوز قايدان شىققانىن كوپشىلىگىمىز بىلە بىلمەيمىز. عالىمدار ءوڭىردىڭ جەتىسۋ اتالۋىن جەتى ءتۇرلى وزەنمەن بايلانىستىرادى. الايدا ناقتى قاي وزەندەر دەگەندە ولاردىڭ پىكىرلەرى سان تاراپقا بولىنەدى. مىسالى، ا.گەينس جەتى وزەنگە: لەپسى، باسقان، سارقان، اقسۋ، بۇيەن، قاراتال جانە كوكسۋ وزەندەرىن جاتقىزسا، ا.ۆلانگالي باسقان، سارقان وزەندەرىنىڭ ورنىنا سولتۇستىك-شىعىستاعى اياگوز، وڭتۇستىك-شىعىستاعى ىلە وزەندەرىن اتايدى. ال كەيبىر گەوگرافتار ءوڭىردىڭ شىعۋ تاريحى ناقتى وزەندەرمەن ەمەس، جالپىلاما العاندا، وزەنگە باي ءوڭىر بولعاسىن جانە قازاقتا جەتى سانىن كيەلى ساناۋىمەن بايلانىستىرادى.
جەتىسۋ جايلى ءسوز قوزعاساق، ونىڭ ەرەكشە تابيعاتى جايلى ايتپاي ءوتۋ مۇمكىن ەمەس. الماتى وبلىسىنىڭ اۋماعى سولتۇستىكتەن وڭتۇستىككە دەيىن 900 شاقىرىم جانە شىعىستان باتىسقا دەيىن 800 شاقىرىمدى الىپ جاتىر. وسىنداي ۇلان-عايىر القاپتىڭ تابيعاتى دا ءارتۇرلى. تاۋدىڭ ەتەگى اۋاسى ىلعالدى، سالقىن بولسا، ەندى ءبىر جەرلەردە كوك مايساعا باي، كىشكەنتاي وزەندەر مەن تاۋ بۇلاقتارى كوپ، ەگىن ەگىپ، مال جايۋعا وتە قولايلى جەرلەر كەزدەسەدى. جەتىسۋ ءوڭىرىنىڭ ءبىراز جەرىن ارالاپ كورگەن قالامگەرلەر كوپ اسەر الدى. شەتەلگە بارماي-اق وزىمىزدە دە كوپتەگەن تابيعاتى سۇلۋ جەرلەردىڭ مول ەكەندىگىن بايقادىق.

نۇرلان قۇمار


كەلۋ قاينارى: http://www.elarna.net/koru.php?tur=9&id=1046833

پىكىرلەر:

juz dep sifirmen jazingiz.