كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

«سارىارقا» گازى: قاراعاندى وبلىسىندا جۇمىس قارقىنى قانداي


ءتۇرى: قازاقپارات جاڭالىقتارى

ۋاقىتى: 21:51 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
«سارىارقا» گازى: قاراعاندى وبلىسىندا جۇمىس قارقىنى قانداي

قاراعاندى. قازاقپارات - بيىلعى جىلى «سارىارقا» ماگيسترالدى گاز قۇبىرىنان كوگىلدىر وتىن قاراعاندى، تەمىرتاۋ جانە جەزقازعان قالالارىنا جەتكىزىلەدى. بۇگىندە وڭىردە 756 شاقىرىم قۇبىر توسەلدى، ءقازىر دانەكەرلەۋ جۇمىستارى اياقتالۋعا جاقىن، دەپ حابارلايدى قازاقپارات.

قاراعاندى وبلىسى اكىمدىگىنەن ءمالىم ەتكەندەي، ايماق باسشىسى ەرلان قوشانوۆ ماگيسترالداعى جۇمىس بارىسىمەن تانىستى. وبلىس اكىمىن قاراعاندىلىقتاردىڭ ۇيلەرىنە گاز قاي ۋاقىتتا جەتەتىنى قىزىقتىردى.
ونىڭ ايتۋىنشا، جەزقازعاندا گاز تاراتۋ جەلىلەرىنىڭ قۇرىلىسى باستالدى. ال قاراعاندى مەن تەمىرتاۋ جۇمىستارعا وسى اپتادا كىرىسەدى. جاڭاارقا، شەت، بۇقار جىراۋ، وساكاروۆ اۋداندارىندا جانە شاحتينسك قالاسىندا جوبالىق-سمەتالىق قۇجاتتاما ازىرلەنۋدە.
ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ باسشىسى ۇلانتاي ۇسەنوۆ حابارلاعانداي، قاراعاندى مەن تەمىرتاۋدا گاز جەلتوقسان ايىنىڭ سوڭىندا، جەزقازعاندا ول مەرزىمنەن ءبىر اي بۇرىن بەرىلەتىن بولادى.
وبلىس ورتالىعىندا ءبىرىنشى كەزەڭدە بادين جانە وليمپيسكايا كوشەلەرى، تەمىرتاۋ قالاسىندا سارىارقا كوشەسى گازداندىرىلادى. جەزقازعاندا جەكە سەكتوردان باسقا كوگىلدىر وتىن تالاپ اۋىلى مەن ستانتسيوننىي كەنتىنىڭ تۇرعىندارىنا دا بەرىلەدى.
«بارلىق جۇمىستاردى مەرزىمىندە اياقتاۋعا ۇلگەرۋ كەرەك. ەگەر پروبلەمالار بولسا، تەزدەتىڭىزدەر، شەشىڭىزدەر. سونداي-اق حالىقپەن جۇمىس ىستەۋ قاجەت. ادامدارعا گازدى قالاي قوسۋعا بولاتىنىن ءتۇسىندىرىڭىز، بۇل قانشالىقتى ءتيىمدى ەكەنىن ءتۇسىندىرىڭىز، ولارعا وسى ماسەلە بويىنشا كومەك كورسەتىڭىزدەر»، - دەپ تاپسىردى ەرلان قوشانوۆ.
ء«ۇي يەلەرى گازبەن جىلىتۋعا قوسىلۋ ءراسىمىن جەڭىلدەتۋدى قالايدى. سول سەبەپتى، بيۋروكراتيالىق قاعازباستىلىقتاردى بولدىرماۋ ءۇشىن بارلىق جاعداي جاسالادى. ازىرگە جىلىتۋ جۇيەسىنە قاجەتتى گاز تەك جەكە سەكتوردىڭ تۇرعىندارىنا قولجەتىمدى بولادى. ۋاقىت وتە كەلە كوپقاباتتى ۇيلەرگە دە تارتىلماق. شەشىمدى كوندومينيۋمعا قاتىسۋشىلار مەن قىزمەت كورسەتۋشىلەردىڭ وزدەرى قابىلدايدى. الدىن الا ەسەپتەۋ بويىنشا، قاراعاندى وبلىسىندا ءبىر تەكشە مەتر گاز باعاسى 47 تەڭگەنى قۇرايدى»، - دەدى وبلىس اكىمدىگىنەن.
ەستەرىڭىزگە سالا كەتەيىك، «سارىارقا» گاز قۇبىرىنىڭ قۇرىلىسى 2018 جىلدىڭ قاراشا ايىندا باستالدى. ەلدى گازداندىرۋدى ەلباسى – قازاقستاننىڭ تۇڭعىش پرەزيدەنتى نۇرسۇلتان نازارباەۆ تاپسىرعان بولاتىن.



كەلۋ قاينارى: http://www.elarna.net/koru.php?tur=3&id=1046826

پىكىرلەر:

juz dep sifirmen jazingiz.