كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

دامۋدىڭ تىڭ سەرپىنى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 21:42 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

قر پرەزيدەنتى ق.توقاەۆتىڭ اعىمداعى جىلدىڭ 2 قىركۇيەگىندەگى «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا ارنالعان جولداۋىندا قوعام ءومىرىنىڭ اسا ماڭىزدى وزەكتى ماسەلەلەرى قامتىلعان. سونداي-اق ەلىمىزدىڭ جەتكەن جەتىستىكتەرى مەن حالىقارالىق ساياسي-ەكونوميكالىق ارە­ناداعى ورنى جانە جاڭا جاھاندىق داۋىردە اتقارىلۋى ءتيىس ماڭىزدى ماسە­لەلەر ايقىندالعان. اتالعان جولداۋ تىڭ باستامالار مەن سەرپىلىستەرگە تولى دەپ ەسەپتەيمىز. ويتكەنى ەلىمىزدىڭ دامۋ مۇمكىنشىلىكتەرى مەن الەمدەگى ساياسي-ەكونوميكالىق جاعداي سونى تالاپ ەتىپ وتىر. سونىمەن قاتار «الداعى ۋاقىتتاعى جولىمىز قانداي؟ مەملەكەتىمىزدىڭ باستى قۇندىلىعىنىڭ تاعدىرى نە بولماق؟» جانە ت.ب.  حالىق كوكەيىندەگى سۇراقتارعا جان-جاقتى جاۋاپ بەرىلىپ، ولاردىڭ شەشىلۋ جولدارىنىڭ ايقىندالۋى جانە احۋالدى جاق­سارتۋ ءۇشىن جاسالعان ءىس-قيمىل جوسپارى كۇدىكتى سەيىلتىپ، بولاشاققا دەگەن سەنىمدى تۇراقتاندىردى.

جولداۋدا مەملەكەتىمىزدىڭ ەكونو­ميكالىق الەۋەتىن ارتتىرۋ مەن قوعامدىق-ساياسي رەفورمالار اياسىن­داعى شارالارمەن قاتار، الەۋمەتتىك سالا­نىڭ وزەكتى ماسەلەلەرى دە نازاردان تىس قالماعان. اسىرەسە، مەملەكەتتىڭ باسەكەگە قابىلەتتىلىگىن جاڭا ساپالىق دەڭگەيگە كوتەرۋدە باستى ورىن الاتىن ءبىلىم بەرۋ مەن عىلىم جايى ەرەكشە­ كورىنىس تاپقان. عىلىم سالاسىندا ناتيجەلى زەرتتەۋلەردىڭ جۇرگىزىلۋى مەن ولاردىڭ تاجىريبەلىك تۇرعىدا تابىستى قولدانىلۋ قاجەتتىلىگىنە باسىمدىق بەرىلگەن. ويتكەنى ءبىلىم مەن عىلىمنىڭ ساباقتاستىق نەگىزدەگى ­ساپالى جەتىستىگى ەلىمىزدى جاڭا تاريحي كەزەڭدە ماڭىزدى بەلەسكە جەتكىزۋدە ءارى ۇلتتىق بىرەگەيلىكتى ساقتاۋ جولىندا اتقاراتىن ءرولى زور ەكەندىگى ءسوزسىز. وسى ورايدا، قر بعم عىلىم كوميتەتىنە قاراستى ءش.ۋاليحانوۆ اتىنداعى ­تاريح جانە ەتنولوگيا ينستيتۋتىندا جۇيەلى جۇمىستار اتقارىلىپ كەلەدى. ويتكەنى تاريح – قوعامدى ءبىر ماقساتقا جۇمىلدىرىپ، ءبىر ۇلتتى عانا ەمەس، ءتۇرلى ەتنوس وكىلدەرىن توپتاستىرا الاتىن يدەولوگيانىڭ باستى قۇرالى دەسەك، قاتە بولماس. تاۋەلسىزدىگىمىزدىڭ وتىز جىلعا جۋىق مەرزىمىندە جۇرگىزىلىپ كەلە جاتقان عىلىمي-زەرتتەۋ جۇمىستارى بۇگىندە قىزۋ جالعاسۋدا. ۇلتتىق تاريحىمىزعا دەگەن سۇرانىستىڭ ارتۋىن الدىمەن ەلىمىزدىڭ ەگەمەندىگىمەن بايلانىستىرساق، ەكىنشىدەن ەلباسى ن.ا.نازارباەۆتىڭ تىكەلەي قولداۋ تانىتۋى ناتيجەسىندە ۇلتتىق تاريحىمىزدىڭ قايتا جازىلىپ، ناسيحاتتالۋىنا تىڭ سەرپىن بەرگەنى راس. بۇگىندە، ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ ­باسىم باعىتتارى مەن ونىڭ زاڭدى جالعاسى بولىپ تابىلاتىن «ۇلى دالانىڭ جەتى قىرى» ماقالاسىنداعى جۇكتەلگەن مىندەتتەر ءبىزدىڭ كاسىبي جۇمىسىمىزدىڭ باستى باعىتىنا اينالدى. پرەزيدەنت قاسىم-جومارت كەمەلۇلى جولداۋدا الداعى ۋاقىتتا ۇلت يگىلىگى اياسىنداعى باستامالار ساباقتاستىق نەگىزدە ءوز جالعاسىن تاباتىندىعىن جەتكىزدى. سوندىقتان بىرلىگى بەكەم، دامۋ قارقىنى العا ارىنداعان ينستيتۋت ۇجىمى پرەزيدەنت جولداۋىن بار ىقىلاسىمەن قولدايدى. ءش.ۋاليحانوۆ اتىنداعى تاريح جانە ەتنولوگيا ينستيتۋتىندا بۇگىندە ءبىرقاتار عىلىمي جوبالار ورىندالۋدا. اتاپ ايتساق، «ۇلى دالانىڭ ­تاريحى مەن مادەنيەتى» اتتى عىلىمي جوبا نەگىزىندە «قازاقcتانداعى ۇلت-ازاتتىق قوزعالىستار ۇلتتىق بىرەگەيلىكتى ساقتاۋ مەن نىعايتۋ كونتەكسىندە» باعىتى ىسكە اسىرىلۋدا. زەرتتەۋ جۇمىسى اياسىندا پاتشا وكىمەتىنىڭ وتارلىق ساياساتى كەزەڭىندەگى قازاق مەملەكەتتىلىگىن جانە ۇلتتىق بولمىسىن ساقتاۋ جولىنداعى بابالارىمىزدىڭ قايسارلىعى، ەر­لىككە تولى كۇرەس جولى تىڭ دەرەكتەر نەگىزىندە ايقىندالماق. سونداي-اق «ارحيۆ – 2025»، «قازاقستان حالقى ­عى­لىمي ينتەراكتيۆتى تاريحي كارتاسىن اناليتيكالىق زەرتتەۋ، وزەكتەندىرۋ جانە اقپاراتتىق قولداۋ»، «ۇلى دالانىڭ ۇلى ەسىمدەرى» جانە ت.ب. عىلىمي ­جوبالار ورىندالۋدا. وتان تاريحىنداعى ەلەۋلى وقيعالار اياسىنداعى زەرتتەۋ جۇمىسىنىڭ ناتيجەلەرى جاس بۋىندى ناعىز وتانشىلدىققا تاربيەلەۋگە، تاريحي سانانى قالىپتاستىرۋعا جول اشاتىنى انىق. قازىرگى تاڭدا ەلىمىز قارقىندى دامۋدىڭ ۇلگىسىن كورسەتىپ كەلەدى، حالىق­ارالىق ارەنادا بولاشاعى باياندى، ماقساتى ايقىن، باعىتى بەلگىلى ەل رەتىندە تانىلدى. ەلىمىزدىڭ سىرتقى ساياساتى بەلسەندىلىگىمەن، تەپە-تەڭدىك ساقتاۋعا ۇمتىلىسىمەن، پراگماتيزمدىگىمەن، سىندارلى سۇحبات جۇرگىزۋگە تالپىنىسىمەن جانە كوپ جاقتى ىنتىماقتاستىققا باعىتتالعاندىعىمەن ەرەكشەلەنەدى. باعىندىرعان بەلەستەرىمىزدەن گورى الار اسۋىمىز ءالى الدا ەكەندىگىن الەمگە ىسىمىزبەن دالەلدەگەن مەملەكەتپىز. ­دەمەك، وتانىمىزدىڭ قارىشتاپ ­دامۋىنا ءارقايسىمىزدىڭ وزىندىك قوسار ۇلەسىمىزدىڭ بولۋى دا شارت. وسىعان وراي، پرەزيدەنت ق.توقاەۆتىڭ ەلىمىزدىڭ بولاشاعى مەن ەگەمەندىگىنىڭ باياندىلىعى ماسەلەسى قوزعالعان حالىققا ۇندەۋىنىڭ تاريحي ماڭىزدىلىعى مەن جۇكتەلگەن سالماعىن سەزىنىپ، وسىعان ساي ارەكەت ەتە وتىرىپ، قولداۋ كورسەتۋ بارشامىزدىڭ مىن­دەتىمىز دەپ سانايمىز. ينستيتۋت ۇجىمى پرەزيدەنت ۇسىنعان جارقىن ­بو­لاشاق جولىندا ابىرويلى مىندەتتەردى جۇمىلا كوتەرەرىنە كامىل سەنەمىز.

ايناگۇل قايىپبەكوۆا،
ءش.ۋاليحانوۆ اتىنداعىتاريح جانە ەتنولوگيا ينستيتۋتىنىڭ جەتەكشى عىلىمي قىزمەتكەرى، تاريح عىلىمىنىڭ كانديداتى


كەلۋ قاينارى: http://www.elarna.net/koru.php?tur=9&id=1046822

پىكىرلەر:

juz dep sifirmen jazingiz.