كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

«دالا كۇنى» ديقاندارعا وي سالدى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 21:35 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

سوڭعى جىلدارى الەمدەگى سۋ جەتىسپەۋشىلىگىنىڭ ورشۋىنە بايلانىستى مەملەكەتتەردى تۇراقتى سۋمەن قامتاماسىز ەتۋ ماسەلەلەرى ۇلتتىق قاۋىپسىزدىك دەڭگەيىندە قاراستىرىلىپ ءجۇر. مۇنىڭ سەبەبى كوپ.  ەڭ باستىسى، بولجامدارعا سايكەس، 2025 جىلعا قاراي الەم حالقىنىڭ سانى – 8،3 ملرد، ال 2050 جىلى، شامامەن، 10-12 ملرد-قا دەيىن جەتپەك.

قالىپتاسقان جاعدايلاردى ەسكەرە وتىرىپ، الداعى 50 جىلدا سۋ جەتىس­پەۋشىلىگى نەمەسە سۋ كوزدەرىنىڭ لاستانۋىمەن بايلانىستى ماسەلەلەر عالامشاردىڭ ءار مەملەكەتىنە ءتۇرلى دارەجەدە اسەرىن تيگىزەتىنى كۇتىلۋدە. بۇل رەتتە جاھاندىق سۋ جەتىسپەۋشىلىگىنىڭ ءورشۋى الەمنىڭ كوپتەگەن ەلدەرىن ازىق-تۇلىكپەن قام­تاماسىز ەتۋ جانە ەكولوگيالىق قاۋىپ­سىزدىك جاي-كۇيىنە جوعارى دارەجەدە اسەر ەتەدى. بۇل ماسەلە ءبىزدىڭ ەلدە دە جىلدان-جىلعا ءورشىپ كەلەدى. حالىقتى تازا اۋىزسۋمەن قامتاماسىز ەتۋ ءۇشىن 2011-2020 جىلدارعا ارنالعان «اق بۇ­لاق» باعدارلاماسى قابىلدانعانى بەلگىلى. بۇل ءوز الدىنا بولەك اڭگىمە. ال ­سۋارمالى ەگىن شارۋاشىلىعىن سۋمەن قامتۋ دا وزەكتى ماسەلەلەردىڭ ءبىرى. سەبەبى كەڭەستىك كەزەڭدەگى كانالداردىڭ كوبى ىستەن شىققان. تامشىلاتىپ جانە جاڭ­بىرلاتىپ سۋعارۋ تەحنولوگياسى شارۋالار ءۇشىن قىمباتقا تۇسەدى. ارىق، توعان ارقىلى سۋعارۋ جەردى قۇنارسىزدانۋعا ۇرىندىرادى. سوندىقتان دا ءو.وسپانوۆ اتىنداعى قازاق توپىراقتانۋ جانە اگروحيميا عىلىمي-زەرتتەۋ ينستيتۋتىنىڭ عالىمدارى سوڭعى 5-6 جىلدىڭ كولە­مىندە سۋدى كوپ كەرەك ەتەتىن كۇرىشتى القاپتاردا قىتاي تەحنولوگياسى بويىنشا تامشىلاتىپ سۋعارۋ ءادىسىن ديقاندار تاجىريبەسىنە ەنگىزۋدە. وسى تاجىريبەلەرىنىڭ ناتيجەسىن ينستيتۋت عالىمدارى جاقىندا «دالا كۇنى» شاراسىندا ەلىمىزدىڭ ءار وڭىرىنەن كەلگەن عالىمدار مەن ديقاندارىنا باقاناستاعى كۇرىش القابىنىڭ باسىندا ناقتى دالەلدەرمەن كورسەتتى. بۇل جونىندە ينستيتۋت ديرەكتورى، اۋىلشارۋاشىلىعى عىلىمىنىڭ دوكتورى ابدوللا ساپاروۆ بىلاي دەيدى:
– كۇرىشتى تامشىلىتىپ سۋعارۋ وزىق تەحنولوگياسىن قازاقستاننىڭ تۇزدانعان توپىراقتارداعى سۋارمالى القاپتارىندا بەيىمدەۋ ءۇشىن دالالىق عىلىمي-وندىرىستىك جۇمىستار جۇرگىزىپ كەلەمىز. وسىنىڭ ناتيجەسىندە كۇرىش وندىرۋدەگى 1 گەكتارعا كەتەتىن سۋدىڭ كولەمىن 2،5 ەسەگە، كۇرىش تۇقىمىنىڭ كولەمىن 14 ەسەگە ازايتۋعا بولاتىنىن، سونىمەن قاتار كۇرىشكە قاجەتتى ­مينەرالدى ەلەمەنتتەردى سۋ ارقىلى تامىرىنا بەرۋ مۇمكىندىگىن دالەلدەدىك. سونىڭ ناتيەسىندە ءونىم كولەمى دە 2-3 ەسەگە ءوستى.
شارا بارىسىندا ديقاندار مەن عالىمدار ءداستۇرلى جانە تامشىلاتىپ سۋعارۋ تەحنولوگياسىمەن ءوسىپ تۇرعان كۇرىش القابىنداعى ءونىمدى سالىستىرا زەرتتەدى. ناتيجەسىندە تامشىلاتىپ سۋعارۋ تەحنولوگياسىمەن ءوسىپ، پىسكەن كۇرىشتىڭ تامىرى ۇلكەن، ساباعى ۇزىن جانە ونداعى كۇرىش داندەرىنىڭ ءىرى ەكەندىگىنە كوز جەتكىزدى. بۇل تامشىلاتىپ سۋعارۋ تەحنولوگياسىنا ۇكىمەتتەن سۋبسيديا بولىنەتىنى دە ايتىلدى. «دالا كۇنى» شاراسىنان ديقاندار كوپ جاعدايعا كوز جەتكىزىپ قايتتى.

نۇربولات ابايۇلى،
جۋرناليست


كەلۋ قاينارى: http://www.elarna.net/koru.php?tur=9&id=1046820

پىكىرلەر:

juz dep sifirmen jazingiz.