كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

ناقتى تاپسىرمالار بەرىلدى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 21:28 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

قازاقستان پرەزيدەنتى قاسىم-جومارت توقاەۆ حالىققا تۇڭعىش جولداۋىن ­جاريالادى. مەملەكەت باسشىسىنىڭ ەلدەگى ىشكى-سىرتقى احۋالعا بايلانىستى باستى ۇستانىمىن بايقاتىپ، ماڭىزدى شەشىمدەرىن جاريا ەتەتىن بۇل جولداۋ – تاريحي ميسسيا ارقالاعان، ساياسي ءمانى جوعارى ستراتەگيالىق قۇجات.  

قر ۇقك شەكارا قىزمەتى اكادەمياسى­نىڭ اكت زالىندا وتكەن القالى جيىندا قاسىم-جومارت توقاەۆتىڭ حالىققا ارناعان «سىندارلى قوعامدىق ديالوگ­ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىنىڭ قالاي ورىندالاتىنى تۋرالى كەڭىنەن ايتىلىپ، ءبىلىم، شاعىن جانە ورتا بيزنەس، ەلىمىزدەگى زەينەتاقى جۇيەسىن ­دامىتۋ، ازاماتتاردىڭ قۇقىقتارى مەن قاۋىپسىزدىگىن قامتاماسىز ەتۋ جانە الەۋمەتتىك ماسەلەلەر ءسوز بولدى.
شەكاراشىلارعا جولداۋدى تۇسىندىرۋگە كەلگەن الماتى قالالىق ءماسليحاتىنىڭ ­دەپۋتاتى، «Q3» ينۆەستيتسيالىق حولدينگتىڭ باس ديرەكتورى قايرات قۇدايبەرگەن مەن «نۇر-وتان» پارتياسى المالى اۋدانى فيليالى ءتوراعاسىنىڭ ءبىرىنشى ورىنباسارى ەرلان البەسينوۆ جولداۋدا ايتىلعان ءبىرقاتار ماسەلەلەرگە كەڭىنەن توقتالدى.
جولداۋداعى پرەزيدەنتتىڭ قاۋىپسىز­دىك ماسەلەسى، سوت جانە قۇقىق قورعاۋ جۇيەسىندەگى كۇردەلى رەفورمالار، ازامات­تاردىڭ قۇقىقتارىن قورعاۋدىڭ جانە ولار­دىڭ قاۋىپسىزدىگىن كۇشەيتۋدىڭ نەگىزگى فاكتورى تۋرالى ايتىلعان ويلارى­ شەكارا­شىلاردىڭ كوڭىلىنە قۋانىش ۇيالاتتى. سونىمەن قاتار زەينەتاقى جۇيەسىن دامىتۋعا ەرەكشە كوڭىل ءبولىندى. مىسالى،­ ازاماتتاردىڭ زەينەتاقى جيناق­تارىن پاتەر الۋعا نەمەسە ءبىلىم الۋعا پاي­دا­لانۋىنا رۇقسات ەتۋگە قاتىستى پرەزيدەنتتىڭ ۇكىمەتكە بەرگەن تاپسىرماسى حا­لىق­تىڭ قولداۋىنا يە بولعان. بۇگىندە زەي­نەتاقى جيناعىنىڭ جەتىسپەۋشىلىگىنىڭ ونشا سەزىلمەيتىنى، الايدا 10 جىلدان كەيىن جاع­­دايدىڭ وزگەرۋى مۇمكىن ەكەنى ءسوز بولدى.
پرەزيدەنت جاڭا رەفورمالاردى تەك رەفورما جاساۋ ءۇشىن عانا ەمەس، ناقتى ناتيجە ءۇشىن جاسالۋى كەرەكتىگىن، جاڭا باستامالاردىڭ كوشەدە ەمەس، پارلامەنت قابىر­عاسىندا قارالۋى كەرەكتىگىن ورىندى كوتەردى.
دارىندى اۋىل جاستارىن ىرىكتەپ، وتاندىق جانە شەتەلدىك وقۋ ورىندارىنا دايىنداۋ كەرەك. مەملەكەت باسشىسى از قامتىلعان جانە كوپ بالالى وتباسىلاردى قولداۋ ءۇشىن ۇكىمەتكە «دارىندى بالانىڭ قابىلەتىن دامىتۋدىڭ» جول كارتاسىن ازىرلەۋدى تاپسىردى.
سونداي-اق قايرات قۇدايبەردىۇلى جولداۋداعى جۇرتشىلىقتى تولعاندىرىپ جۇرگەن جەر ماسەلەسىنە ارنايى توقتالدى. پرەزيدەنتتىڭ «جەرىمىز شەتەلدىكتەرگە ساتىلمايدى. وعان جول بەرىلمەيدى. بۇل ماسەلە بويىنشا قاۋەسەت تاراتۋدى دوعارۋ كەرەك» دەگەنىن دە تىلگە تيەك ەتتى.
نۇروتاندىق دەپۋتات قاسىم-جومارت كەمەلۇلىنىڭ ميكرو جانە شاعىن بيزنەس كومپانيالارىن تابىسقا سالىناتىن سالىقتان 3 جىلعا بوساتۋ تۋرالى ۇكىمەتكە تاپسىرما بەرگەنىن دە نازاردان تىس قالدىرمادى.
قورىتا ايتقاندا، دەپۋتات ق.قۇدايبەر­گەنوۆتىڭ ويىنشا، پرەزيدەنت­تىڭ قازاقستان حالقىنا ارناعان جولداۋىن­دا ەلدەگى ەڭ وزەكتى ماسەلەلەر­دىڭ ءبارى قامتىلعان. ياعني بۇل دەگەنىمىز – پرەزيدەنت جاعدايدى باقىلاپ، ءبىلىپ وتىر دەگەندى تۇسىندىرسە كەرەك.

جانات جابىربەكوۆ،
قر ۇقك شەكارا قىزمەتى اكادەمياسىنىڭ ءباسپاسوز حاتشىسى


كەلۋ قاينارى: http://www.elarna.net/koru.php?tur=9&id=1046817

پىكىرلەر:

juz dep sifirmen jazingiz.