كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

ءۇيدى جايلى ەتەتىن زاتتار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەي


ءتۇرى: ماسساگەت ماقالالارى

ۋاقىتى: 21:25 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. ءۇيدى جايلى ەتەتىن زاتتار ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


بىز ۇيدە دەنەمىزبەن دە، جانىمىزبەن دە دەمالامىز. سوندىقتان ونىڭ بارىنشا جايلى بولعانى دۇرىس. ال ءۇيدى جايلى ەتۋ ءۇشىن قانداي زاتتار كەرەك؟

شاعىن كرەسلو
شاعىن كرەسلولار نەمەسە پۋفتار (جۇمساق جيھاز) كەز كەلگەن ينتەرەرگە جايلىلىق سىيلايدى. ونىڭ ءتۇسى كوزگە جاعىمدى ءارى وتىرا كەتۋگە وتە ىڭعايلى بولعانى ءجون. اشىق ءتۇستى پۋفتى قويۋ ارقىلى بولمەنىڭ ىشىنە بولەك ايماق جاساۋعا بولادى نەمەسە ديۆان تۇستەس شاعىن كرەسلو الىڭىز.

كىلەم
كەز كەلگەن ينتەرەرگە كىلەم جايساڭىز، ول جەر بىردەن جايلى بولا تۇسەدى. ول ءتىپتى، جاپقىشتىڭ جوقتىعىن تولىقتىرۋى مۇمكىن. باستىسى، ونىڭ ولشەمىن دۇرىس تاڭداۋ كەرەك. كىلەم ديۆاندار مەن كرەسلولاردىڭ ورتاسىندا جاتپاۋى كەرەك. ەڭ دۇرىسى – بارلىق ينتەرەر زاتتارىنىڭ كىلەمنىڭ ۇستىندە تۇرۋى. ءۇي جايلى كورىنۋى ءۇشىن جۇمساق ءتۇستى كىلەم تاڭداڭىز. ەگەر سۋرەتى بار ءتۇرىن العىڭىز كەلسە، سۋرەتتەر مەن ورنەكتەر ءتۇرلى ءتۇستى ەمەس، ءبىر گاممادا بولعانى ءجون. ال الىپ راۋشاننىڭ، جەمىستەردىڭ سۋرەتى نەمەسە ۇلكەن جازۋلارى بار كىلەمدەردى تاڭداۋدىڭ قاجەتى جوق: ولار ستيل مەن جايلىلىقتى "ۇرلايدى".

جاپقىش
جاپقىش – جايلى ءۇيدىڭ باستى قۇراۋىشىنىڭ ءبىرى. جاپوندىق نەمەسە ريمدىك ستيلدە جاسالعان جاپقىشتار دا ينتەرەردى جۇمساق ەتەدى. ادەتتە، جاپقىشتى ديۆان، جاستىق، كىلەم نەمەسە ورىندىق سياقتى بولمەدەگى باسقا زاتتارعا ۇيلەستىرىپ تاڭدايدى. نەگىزى وتە قانىق تۇستەردەن اۋلاق بولعان ءجون. ايتپەسە، بولمەگە كىرگەندە تەك سولار عانا كوزگە تۇسەدى. ەڭ ۇتىمدى ءادىس – جاپقىشتى قابىرعا رەڭكىنە ۇقساستىرىپ تاڭداۋ. ونىڭ ۇستىنە اقشىل جاپقىشتارعا كۇن تۇسكەندە ءۇيدى ودان ءارى جارىق جانە جايلى ەتەدى.

جامىلعى مەن جاستىق
بۇل زاتتار ەڭ مينيماليستىك ينتەرەردىڭ ءوزىن "تىرىلتەدى". جاستىقتار كىشكەنتاي جانە جىڭىشكە بولماعانى ءجون. ەگەر ديۆاننىڭ ءتۇسى اشىق بولسا، جاستىقتىڭ 2-3 رەڭككە قويۋلاۋ ءتۇرىن، ال قارا-قوڭىر ديۆانعا اشىق ءتۇستى ادەمى جاستىق تاڭداڭىز. ەگەر تاڭداۋ قيىنعا سوقسا، ءبىر ءتۇستىڭ ءارتۇرلى رەڭكىنە توقتاعان ءجون.

اينا
اينا كەڭىستىكتى تابيعي جارىقپەن تولتىرۋ ارقىلى ونى ۆيزۋالدى تۇردە كەڭەيتەدى. ءبىراق پاتەردە ءۇش ءىرى اينادان ارتىق بولماعانى ءجون. اينانى ءوزىن بولەك دەكور رەتىندە نەمەسە كارتينامەن سياقتى باسقا زاتتارمەن بىرگە ىلۋگە بولادى. اينانىڭ الدىنا شامدار قويۋ ارقىلى بولمە اتموسفەراسىن ودان ءارى جايلى ەتۋگە بولادى.

ۇستەل شامدارى
ۇستەل شامدارى بولمەدەگى كوڭىل كۇيدى جىلدام وزگەرتۋگە كومەكتەسەدى، سوندىقتان ول دەكوراتسيالاۋدىڭ ەڭ مىقتى قۇرالىنا جاتادى. ونى ديۆاننىڭ جانىنداعى تۋمبوچكاعا، كىتاپ وقيتىن ۇستەلگە جانە ت.ب جەرلەرگە قويۋعا بولادى.

ۆازالار مەن ارت-وبەكتىلەر
مۇسىنشەلەر، ۆازالار، كىشكەنتاي جانە ۇلكەن ارت-وبەكتىلەر ءۇيىڭىزدى بەزەندىرە دە، قوقىس قويماسىنا اينالدىرا دا الادى. سوندىقتان ولاردى ۇيگە كوپ جيناۋدىڭ قاجەتى جوق. اكسەسسۋاردىڭ از، ءبىراق كولەمدى بولعانى جاقسى. مىسالى، بولمەگە ۆازا قويعىڭىز كەلسە، ونىڭ 30 سم-دەن جوعارى ءتۇرىن تاڭداڭىز.



كەلۋ قاينارى: http://www.elarna.net/koru.php?tur=41&id=1046815

پىكىرلەر:

juz dep sifirmen jazingiz.