كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

ەڭبەك ءمينيسترى مۇگەدەكتەردى وڭالتۋمەن ماسەلەسىن جەكە باقىلاۋىنا الدى


ءتۇرى: قازاقپارات جاڭالىقتارى

ۋاقىتى: 21:00 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
ەڭبەك ءمينيسترى مۇگەدەكتەردى وڭالتۋمەن ماسەلەسىن جەكە باقىلاۋىنا الدى

نۇر-سۇلتان. قازاقپارات - 2021 جىلعا قاراي مۇگەدەكتەردى تەحنيكالىق قۇرالدارمەن قامتاماسىز ەتۋ 70 پايىزعا دەيىن ارتادى. بۇل جايىندا بۇگىن قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى ۆەدومستۆو ءباسپاسوز قىزمەتىنە سىلتەمە جاساپ.

ۇقساس جاڭالىقتار
اقتوبەدە اتاۋلى الەۋمەتتىك كومەك العان جەكە كاسىپكەرلەر انىقتالدى اسقار مامين پرەزيدەنت جولداۋىن ىسكە اسىرۋ جايىندا: بىزدەن ناقتى ناتيجە كۇتىلەدى تۇركىستان وبلىسىنىڭ پروكۋرورى اۋىل تۇرعىندارىمەن كەزدەستى

مينيستر بيىل مامىردا 2025 جىلعا دەيىن مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى جاڭا ۇلتتىق جوسپار قابىلدانعانىن ەسكە سالدى.

ء

«بىزدىڭ بۇگىنگى باستى مىندەتىمىز – بۇل بارلىق دەڭگەيدەگى ۇلتتىق جوسپاردىڭ شارالارىن ساپالى ىسكە اسىرۋ، مۇگەدەكتىگى بار ادامداردى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ. ولاردىڭ ءومىر ءسۇرۋ ساپاسىن ارتتىرۋدى، تاۋەلسىزدىككە قول جەتكىزۋدى، الەۋمەتتىك، كاسىبي قابىلەتتەرىن ساقتاۋدى جانە ءومىردىڭ بارلىق اسپەكتىلەرىنە قوسۋدى قامتاماسىز ەتۋ قاجەت» - دەدى ءبىرجان نۇرىمبەتوۆ.

بۇل رەتتە ول ءبىرىنشى جارتىجىلدىقتىڭ قورىتىندىسى بويىنشا تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتىلۋى مۇقتاجداردىڭ جالپى سانى 421،1 مىڭ مۇگەدەك بولعاندا، بارلىعى 34،8 پايىزدى قۇرايتىنىن اتاپ ءوتتى.

«قامتاماسىز ەتۋدىڭ ەڭ تومەن كورسەتكىشتەرى شىمكەنت قالاسىندا بار-جوعى 13; سولتۇستىك قازاقستان وبلىسىندا – شامامەن 24; قاراعاندى وبلىسىندا – 26; قوستاناي وبلىسىندا – 28 پايىز. مۇگەدەكتىگى بار ادامداردى الەۋمەتتەندىرۋ دەڭگەيىن ارتتىرۋ، تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋ ءۇشىن 2020-2022 جىلدارعا رەسپۋبليكالىق بيۋدجەتتەن 58،1 ملرد تەڭگە ءبولىندى. جەرگىلىكتى اتقارۋشى ورگاندار وڭالتۋدىڭ تەحنيكالىق قۇرالدارىمەن قامتاماسىز ەتۋ بويىنشا بيۋدجەت قاراجاتىن ءتيىمدى جوسپارلاۋدى جانە يگەرۋدى قامتاماسىز ەتۋدى، وڭالتۋدىڭ جەكە باعدارلامالارىنىڭ ورىندالۋى بويىنشا باقىلاۋدى كۇشەيتۋى قاجەت. ءبىز مۇگەدەكتىگى بار ادامداردىڭ قۇقىقتارىنا قىسىم جاساۋعا جول بەرمەۋىمىز قاجەت. ولاردى قوعام ومىرىنە تولىققاندى ينتەگراتسيالاۋ ءۇشىن قاجەتتى قۇرالدارمەن جانە وڭالتۋ قىزمەتتەرىمەن قامتاماسىز ەتۋ مىندەتىن شەشۋىمىز كەرەك. مينيسترلىك وسى ماسەلە بويىنشا وڭىرلەردىڭ ەسەپتەرىن تۇراقتى نەگىزدە تىڭدايتىن بولادى»، - دەدى نۇرىمبەتوۆ.

ونىڭ اتاپ وتۋىنشە، مۇگەدەكتەردى قاجەتتى قۇرالدارمەن قامتاماسىز ەتۋدى جاقسارتۋ ءۇشىن بۇگىنگى كۇنى الەۋمەتتىك قىزمەتتەر پورتالىن كەزەڭ-كەزەڭىمەن ەنگىزۋ جۇرگىزىلىپ جاتىر. اقتوبە قالاسىندا ىسكە اسىرىلعان ىلكى جوباعا 3 مەديتسينالىق-الەۋمەتتىك مەكەمە قوسىلعان. ىلكى جوبا ناتيجەسى بويىنشا پورتال باسقا وڭىرلەردە كەزەڭ-كەزەڭىمەن ەنگىزىلەدى. بۇل 2021 جىلعا قاراي تەحنيكالىق قۇرالدارمەن قامتاماسىز ەتۋدى 70%-عا دەيىن ارتتىرۋعا مۇمكىندىك بەرەدى.

سونداي-اق، مينيستر اسىرەسە اۋىلدىق جەرلەردە وڭالتۋ ورتالىقتارىنىڭ جەتىسپەۋشىلىگىن اتاپ ءوتتى. بۇگىنگى كۇنى 11 وڭىردە (اتىراۋ، شقو، جامبىل، قاراعاندى، قوستاناي، قىزىلوردا، ماڭعىستاۋ، سقو، پاۆلودار، تۇركىستان وبلىستارى جانە الماتى ق.) قارتتار مەن مۇگەدەكتەرگە ارنالعان 25 وڭالتۋ ورتالىعى جۇمىس ىستەيدى، ونىڭ ىشىندە ء14-ى مۇگەدەك بالالارعا ارنالعان.

«6 وڭىردە (اقمولا، اقتوبە، الماتى، بقو جانە نۇر-سۇلتان، شىمكەنت قالالارى) وڭالتۋ ورتالىقتارى جوق. وسى وڭىرلەردە تۇراتىن مۇگەدەكتەر الەۋمەتتىك وڭالتۋدىڭ ءتيىستى شارالار الا المايدى. مۇگەدەكتىگى بار ادامداردى وڭالتۋ قىزمەتتەرىمەن قامتۋ، قوعامعا الەۋمەتتەندىرۋ ماقساتىندا وڭىرلەرگە ولاردىڭ تىكەلەي تۇراتىن جەرلەرىنە مۇمكىندىگىنشە جاقىن جەرلەردە مۇگەدەكتەر ءۇشىن قول جەتىمدىلىگىن ەسكەرە وتىرىپ، وڭالتۋ ورتالىقتارىن سالۋدى جوسپارلاۋ قاجەت»، - دەدى مينيستر.

سونداي-اق قولدانىستاعى وڭالتۋ ورتالىقتارىن زاماناۋي جابدىقپەن قامتاماسىز ەتۋ قاجەتتىگىن باسا ايتتى.



كەلۋ قاينارى: http://www.elarna.net/koru.php?tur=3&id=1046805

پىكىرلەر:

juz dep sifirmen jazingiz.