كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

شىڭدالۋ جولىنداعى قادام — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 20:42 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

قازاق حالقىنىڭ باعىنا بىتكەن باتىر اپا-انالارىمىز كوپ. ولار ەل باسىنا كۇن تۋعاندا قولىنا قارۋ الىپ، ەر جىگىتتەي ەرلىك كورسەتە ءبىلدى. داۋدىڭ ءتۇيىنىن ايتىپ، كۇرمەۋىن شەشكەن شەشەن دە اقىلدى ايەلدەر تاريح بەتتەرىندە قالدى. بۇگىنگى كۇنى جاھاندانۋ داۋىرىندە بۇل سيپاتتىڭ باسقاشا كورىنىس تاپقانى راس.

بىلىم مەن عىلىمنىڭ شارىقتاۋ زامانىندا ءوز بىلىكتىلىكتەرىن كورسەتىپ، ءتۇرلى سالالاردا قىزمەت ەتىپ جۇرگەن قىز-كەلىنشەكتەردىڭ ەسىمدەرى دە ەل اراسىندا ايتىلىپ ءجۇر. ونىڭ ىشىندە نازىك جاندىلار تاۋەكەل ەتە بەرمەيتىن ىشكى ىستەر سالاسىندا قىزمەت ەتەتىن ارۋلار دا ۋاقىت وتكەن سايىن كوبەيە تۇسۋدە. بۇل قىزمەتتى ەرلەرگە عانا ءتان دەپ ەلەستەتەتىن ەل بۇل جانداردىڭ دا رۋحى مىقتى، جىگەرلى ەكەندىگىنە كۋا بولا باستادى. سونداي ارۋلارىمىزدىڭ ءبىرى ماڭعىستاۋ وبلىسىنىڭ بەينەۋ اۋدانى پوليتسيا ءبولىمىنىڭ شتاب-توبى ەسەپكە الۋ تىركەۋ ءتارتىبىن باقىلاۋ ينسپەكتورى، كاپيتان اينۇر مەلسقىزى. نەبارى جيىرما جاسىندا ءتارتىبى مەن تالابى قاتال مەكەمەنىڭ تابالدىرىعىن يمەنبەي اتتاعان اينۇر العاشقى قىزمەتىن بەينەۋ اۋدانى ىشكى ىستەر ءبولىمىنىڭ كامەلەتكە تولماعاندار جونىندەگى مەكتەپ ينسپەكتورى قىزمەتىنەن باستايدى. بالالىقتىڭ بەسىگىنەن كەشە عانا شىققان اينۇرعا بۇل قىزمەت جەڭىل تيمەسە دە، جاسوسپىرىمدەردىڭ جاي-كۇيىن ۇعا ءبىلدى. مەكتەپ جاسىندا كەزدەسەتىن ءتۇرلى كەلەڭسىزدىكتەردىڭ الدىن الۋعا، وقۋشىلاردىڭ قىسىلماي-قىمتىرىلماي وزىمەن ەركىن سويلەسۋىنە، پسيحولوگيالىق كومەككە جۇگىنۋگە مۇقتاجدارعا كومەكتەسە ءبىلدى. وتباسىندا كوپشىل بولىپ وسكەن اينۇرعا بۇل قىزمەت قيىن دا بولسا كوپ نارسەنىڭ بايىبىنا بارۋدى ۇيرەتتى.
– بالا كەزىمنەن اكەم مەن انام ءبىزدى شىنشىلدىققا، ناقتىلىقققا ۇيرەتتى. ارينە، العاشىندا مەكتەپ وقۋشىلارىمەن قارىم-قاتىناس جاساپ، ولاردىڭ ۇساق-تۇيەكتەن باستالاتىن قىلمىسى ەرتەڭگى كۇنى، وكىنىشتى جايتتارعا اكەلەتىنىن تۇسىندىرە ءبىلۋ وڭاي بولمادى. ءار بالانىڭ مىنەز-قۇلقى تۇرلىشە كەلەدى. كوبىسى وتباسىلىق احۋالدان، جانىنداعى دوستارىنىڭ كوزقاراسىمەن تىكەلەي بايلانىستى. اكەم مەن انام مەنى بالا كەزىمدە دومبىرا ۇيىرمەسىنە قاتىستىردى. ءقازىر دە قولىم قالت ەتكەندە قولىمنان دومبىرام تۇسكەن ەمەس. ادەبي كىتاپ وقۋعا اۋەسپىن. سودان با، ماعان ادام جانىن ءتۇسىنۋ، نازىكتىكپەن تىكەلەي بايلانىس­تى بولىپ كورىنەدى. دومبىرا پەرنەسىن شەرتكەندە ەرەكشە تۇڭعيىق، شەكسىزدىككە جول تارتاسىڭ. بالا جانى دا، ادام جانى سول ىسپەتتەس. ءبىز ءار شالىس باسقان كىسىنىڭ تاعدىرىنا جاۋاپتى بولعاندىقتان، شەشىم شىعارماس ءۇشىن ول كىسىنىڭ تاعدىرىنا دا، ويىنا دا الاڭدايمىز. پوليتسيا قىزمەتكەرى دەسە، قاتىگەز بەينە ەلەستەيدى. «تارتىپكە باعىنعان قۇل بولمايدى» دەيدى. ءبىز ءتارتىپ بۇزىلماسا، قۋانامىز. تىنىشتىقتى كىم سۇيمەيدى؟ دارىگەر ناۋقاستى ەمدەسە، ۇستاز شاكىرت تاربيەلەيدى، ءبىز دە ءوز مىندەتىمىزگە ادال بولۋعا تىرىسامىز، – دەيدى اينۇر. ءجون ءسوز، ەستى ءسوز.
ەڭبەك ەسكەرۋسىز قالمايدى. جاۋاپكەرشىلىكپەن اتقارىلعان جۇمىسىڭ جاۋاپسىز قالماق ەمەس. 2014 جىلى بەينەۋ اۋدانى ءىىب باستىعىنىڭ «العىس حاتىمەن»، 2017 جىلى ماڭعىستاۋ وبلىسى ىشكى ىستەر دەپارتامەنتى باستىعىنىڭ «العىس حاتىمەن»، 2018 جىلى قر ءىىم ق.قاسىموۆتىڭ «العىس حاتىمەن»، ءىى-سىنىپ مامان دارەجەسىندەگى توسبەلگىسىمەن ماراپاتتالعان. بۇل جيىرما التى جاستاعى اينۇردىڭ جەتىستىگى. التى جىلدان اسا قىزمەت ەتىپ كەلە جاتقان بويجەتكەننىڭ ماقساتى ايقىن، بولاشاعىنا سەنىمدى. ەڭ باستىسى، تارتىپسىزدىكتىڭ الدىن الۋعا ءوز ۇلەسىمدى قوسسام دەگەن ارمانى بار. جاس بولسا دا شىڭدالۋ جولىندا ايانباي قىزمەت ەتىپ جۇرگەن اينۇرعا ساعىڭ سىنباسىن، ەڭبەك جولىندا جەتىستىگىڭ كوپ بولسىن دەگەن تىلەك ايتامىز.

دينارا مالىك


كەلۋ قاينارى: http://www.elarna.net/koru.php?tur=9&id=1046796

پىكىرلەر:

juz dep sifirmen jazingiz.