كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

ساركە باتىر ۇلىقتالدى — «انا ءتىلى» ۇلت گازەتى


ءتۇرى: انا-ءتىل گازەتى

ۋاقىتى: 20:28 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

«رۋحاني جاڭعىرۋ» باعدارلاماسى اياسىندا ەلىنە قورعان بولعان ساركە باتىردىڭ قۇرمەتىنە كيەلى ءوڭىر قوسەستەك اۋىلىندا ەسكەرتكىش ورناتىلىپ، قۇران باعىشتالىپ، اس بەرىلدى.

قوسەستەك ورتا مەكتەبىندە باتىردىڭ ءومىر جولىنا­ ارنالعان عىلىمي كونفەرەنتسيا ءوتتى. اۋداندىق ونەر مەكتەبىنىڭ جاس قىلقالام شەبەرلەرى سومداعان ساركە بەينەسى تانىستىرىلدى. القالى جيىنعا باتىر ءومىرىن زەرتتەپ جۇرگەن بايانعالي قۇلتاەۆ جەتەكشىلىك ەتىپ وتىردى. جيىندا جازۋشى قۋانىش ورمانوۆ، تاريحشى تالعات جۇماعاليەۆ، قوعام قايراتكەرى، فيلوسوفيا عىلىمىنىڭ دوكتورى امانگەلدى ايتالى،­ ەل اعاسى، وبلىستا ۇزاق جىلدار باسشىلىق ەتكەن ساپار ساعىنتاەۆ، ۇزدىك ولكەتانۋشى بەكارىستان مىرزالى، «قر اقپارات سالاسىنىڭ ۇزدىگى»، «ساركە باتىر» داستانىنىڭ اۆتورى نۇرمۇحانبەت دياروۆ ءسوز سويلەدى. بۇدان ءارى ءسوز اۋدان تۇرعىندارىنىڭ ىستىق ىقىلاستى پىكىرلەرىنە جالعاستى. وسى اۋدانعا قاراستى اق جايىق اۋىلىنىڭ تۇرعىنى، 90 جاستى يەكتەگەن وڭداسىن قۋانوۆ، اۋداننىڭ دامۋىندا ەلەۋلى ۇلەسى بار مەڭزادا توقتاروۆا ءوز ويلارىمەن ءبولىستى. بابانى ۇلىقتاۋ راسىمىنە وبلىس اكىمى وڭداسىن ءورازاليننىڭ قۇتىقتاۋىن الا كەلگەن، وسى تاريحي ماڭىزى بار ءىس-شاراعا باسىنان ۇيىتقى بولعان، كەزىندە وسى اۋدانعا باسشىلىق جاساعان، بۇگىندە وبلىس اكىمىنىڭ ءبىرىنشى ورىنباسارى راحات سىدىقوۆ ءوز سوزىندە ەرلىككە تاعزىم جاساۋدىڭ ماڭىزدىلىعىن اتاپ ءوتتى.
ەڭسەلى ەسكەرتكىش سالتاناتتى جاعدايدا اشىلعاننان كەيىن گۇل شوقتارى قويىلىپ، ءىس-شارا توي قىزىقتارىنا ۇلاستى. اۋداندىق مادەنيەت ءۇيىنىڭ، ونەر مەكتەبىنىڭ ونەرپازدارى تەاترلاندىرىلعان قويىلىمدى ساحنالادى. ءان شىرقالىپ، بيشىلەر ونەر كورسەتتى. ۇلتتىق ويىندار تاماشالاندى. ­بالۋاندار بەلدەسىپ، اۋدارىسپاق، ارقان تارتۋ، سوڭعى ۋاقىتتا داستۇرگە اينالعان قوي كوتەرۋدەن كۇش ­سىناسۋ باسەكەلەرى ءوتتى. ساركە باتىردى ارقاۋ ەتكەن كوركەمسوز سايىسى وتكىزىلىپ، شەبەر ورىنداۋشىلار انىقتالدى. وبلىستىق دەڭگەيدەگى اقىندار ايتىسى دا كوپشىلىكتى بەيجاي قالدىرمادى.
ءسويتىپ، بۇل كۇن ۇمىتىلماستاي ەستە قالدى.

باقىت يماشەۆ،
قازاقستان جۋرناليستەر وداعىنىڭ مۇشەسى
اقتوبە وبلىسى
قارعالى اۋدانى


كەلۋ قاينارى: http://www.elarna.net/koru.php?tur=9&id=1046788

پىكىرلەر:

juz dep sifirmen jazingiz.