كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

كوپبالالى وتباسىعا شاعىن نەسيە قالاي بەرىلەدى


ءتۇرى: قازاقپارات جاڭالىقتارى

ۋاقىتى: 19:27 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
كوپبالالى وتباسىعا شاعىن نەسيە قالاي بەرىلەدى

نۇر-سۇلتان. قازاقپارات - كوپبالالى وتباسىلارعا جەكە بيزنەس باستاۋ ءۇشىن شاعىن نەسيەلەر قانداي شارتتارمەن بەرىلەتىندىگى بەلگىلى بولدى. بۇل تۋرالى بۇگىن قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى ۆەدومستۆو ءباسپاسوز قىزمەتىنە سىلتەمە جاساپ.

ۇقساس جاڭالىقتار
الماتىلىقتار باقىتجان ساعىنتاەۆتىڭ جەكە قابىلداۋىندا بولدى 577 مىڭنان استام ادام مەملەكەتتىك الەۋمەتتىك ساقتاندىرۋ قورىنان تولەمدەر الدى اقتوبەدە اتاۋلى الەۋمەتتىك كومەك العان جەكە كاسىپكەرلەر انىقتالدى

ونىڭ اتاپ وتۋىنشە، مەملەكەت باسشىسىنىڭ كوپ بالالى انالاردى ميكرو جانە شاعىن بيزنەسكە تارتۋ جونىندەگى تاپسىرماسىن ورىنداۋ ماقساتىندا «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ مەملەكەتتىك باعدارلاماسىنا تۇزەتۋلەر ەنگىزىلەدى. وندا جەڭىلدىكتى شارتتارمەن ءار ءتۇرلى بيزنەس تۇرلەرىنە كەپىل جانە ميكروكرەديتتەر بەرىلمەستەن قايتارىمسىز مەملەكەتتىك گرانتتار بەرۋ تەتىكتەرى كوزدەلگەن.

ء

«بىز ميكروكرەديتتەر بەرۋ شارتتارىن قايتا قارايمىز. جاڭا بيزنەستىڭ تۇراقتىلىعىن قامتاماسىز ەتۋ ماقساتىندا كوپ بالالى وتباسىلاردىڭ جوبالارى ءۇشىن ميكروكرەديت بەرۋ مەرزىمىنىڭ ۇلعايتىلۋى ۇسىنىلادى. كرەديتتى وتەۋ بويىنشا قارجىلىق جۇكتەمەنى تومەندەتۋ ءۇشىن ءبىز نومينالدى سىياقى ستاۆكاسىن (قولدانىستاعى سحەما بويىنشا 6%) تومەندەتۋدى ۇسىنامىز»، – دەدى ءبىرجان نۇرىمبەتوۆ.

سونداي-اق ول جەتكىلىكتى كەپىل مۇلكى جوق وتباسىلار ءۇشىن ميكروكرەديتتەردى كەپىلدەندىرۋ مەحانيزمدەرىن اۋىل مەن قالاعا بولمەي، ءبىرىڭعاي وپەراتور ارقىلى تاراتۋ جوسپارلانىپ وتىرعانىن اتاپ ءوتتى. «اتامەكەن» ۇكپ فيليالدارىنىڭ كوپ بالالى وتباسىلاردىڭ بيزنەس-جوبالارىن سۇيەمەلدەۋ مەرزىمىن ۇلعايتۋ ء(قازىر 1 جىل) ۇسىنىلادى. بۇل تۇراقتى ءوسۋ تراەكتورياسىنا شىعۋ ءۇشىن ستارت-اپ جوبالارىن بەيىمدەۋگە مۇمكىندىك بەرەدى.

«كەپىل مۇلكى جانە جوعارى تابىسى جوق كوپبالالى وتباسىلاردى قولداۋ مەملەكەتتىك گرانتتاردى ۇسىنۋ ارقىلى، وتەۋسىز جانە قايتارىمسىز نەگىزدە 200 ايلىق ەسەپتىك كورسەتكىش (505 مىڭ تەڭگە) مولشەرىندە كورسەتىلەتىن بولادى. بۇل ولارعا باستاپقى كەزەڭدە «قاراپايىم بيزنەسپەن» اينالىسۋعا مۇمكىندىك بەرەدى»، – دەدى مينيستر.

سونداي-اق، ول باعدارلامانىڭ بيۋدجەتتىڭ ءتيىمدى شىعىندالۋىن ارتتىرۋعا باعىتتالعان تەتىكتەرى قايتا قارالاتىندىعىن باسا ايتتى. ءبىرىنشى كەزەكتە، وقىتۋ تەك جۇمىس بەرۋشىلەردىڭ ءوتىنىمى بويىنشا عانا جۇرگىزىلەدى. باعدارلامانىڭ نىسانالى باعىتى ازاماتتاردى تۇراقتى جۇمىسپەن قامتاماسىز ەتۋگە نەگىزدەلەدى.

«8 ايدىڭ قورىتىندىسى بويىنشا باعدارلامانىڭ ىسكە اسىرىلۋ بارىسىندا مىناداي ناتيجەلەرگە قول جەتكىزىلدى. 402 مىڭنان استام ادام باعدارلاما قاتىسۋشىسى بولدى. 280 مىڭ ادام، ونىڭ ىشىندە 185 مىڭى نەمەسە 66 پايىزى تۇراقتى جۇمىس ورىندارىنا تۇرعىزىلدى. قىسقا مەرزىمدى كۋرستارعا 32 مىڭنان استام ادام جىبەرىلىپ، ونىڭ ىشىندە 16 مىڭى وقۋدى اياقتادى، وقۋدى اياقتاعان 6 مىڭنان استام ادام جۇمىسقا تۇرعىزىلدى. كاسىپكەرلىك نەگىزدەرىنە وقىتۋمەن 75 مىڭ ادامدى قامتۋ جوسپارلانعان بولسا، ونىڭ 33 مىڭى قامتىلدى. باعدارلاماعا قاتىسۋشى 8،5 مىڭعا جۋىق ادام ميكروكرەديتتەر، ال 7 مىڭنان استام ادام گرانتتار الدى. سۋبسيديالاناتىن جۇمىس ورىندارىنا 114 مىڭنان استام ادام ورنالاستىرىلدى. شامامەن 6 مىڭ ادام نەمەسە بەلگىلەنگەن جوسپاردىڭ 62 پايىزى قونىس اۋداردى»، – دەدى ءبىرجان نۇرىمبەتوۆ.

بۇل رەتتە، مينيستر جەكەلەگەن باعىتتار بويىنشا كەيبىر وڭىرلەردە باعدارلامانىڭ ىسكە اسىرىلۋ قارقىنى تومەن ەكەندىگىن، سوندىقتان وڭىرلەردىڭ اكىمدەرىنەن وسى باعىتتاعى جۇمىستى كۇشەيتۋىن اتاپ ءوتتى.



كەلۋ قاينارى: http://www.elarna.net/koru.php?tur=3&id=1046766

پىكىرلەر:

juz dep sifirmen jazingiz.