كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205891871676 %24 %

باس مەشىتتە وتباسى كۇنىنە وراي مەرەكەلىك كەش ءوتتى (فوتو+ۆيدەو) – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 18:50 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.باس مەشىتتە وتباسى كۇنىنە وراي مەرەكەلىك كەش ءوتتى (فوتو+ۆيدەو) – Sunna.kz

ەلباسى ن.نازارباەۆتىڭ جارلىعىمەن 2013 جىلدان باستاپ وتباسى كۇنى بولىپ بەكىتىلگەن قىركۇيەك ايىنىڭ ەكىنشى جەكسەنبىسىندە ەلىمىزدىڭ تۇكپىر-تۇكپىرندە وتباسىلىق قۇندىلىقتار دارىپتەلىپ، ءتۇرلى مادەني-رۋحاني شارالار كوپتەپ ۇيىمداستىرىلادى. قمدب نۇر-سۇلتان قالاسى وكىلدىگى دە بىرنەشە جىلدان بەرى وتباسى كۇنىنە ايرىقشا ماڭىز بەرىپ، «مەرەيلى وتباسى» مەرەكەلىك شاراسىن ۇزبەي وتكىزىپ كەلەدى.

دەگەنمەن، بيىلعى جىلى بۇل شارا بۇرىنعىسىنان دا ەرەكشە سيپات الىپ، قاتىسۋشىلار ءۇشىن قىزىقتى ەستەلىكتەرىمەن ساقتالىپ قالدى. قمدب ءتوراعاسىنىڭ ءبىرىنشى ورىنباسارى، نايب ءمۇفتي ناۋرىزباي قاجى تاعانۇلى، اكادەميك عالىم ديحان قامزابەكۇلى، اقپارات جانە قوعامدىق دامۋ ۆيتسە-مينيسترى دانيار ەسين سەكىلدى ەل اعالارىنىڭ عيبراتقا تولى ناسيحاتتارى جاڭادان شاڭىراق كوتەرگەن جاستار ءۇشىن ناعىز رۋحاني ازىق بولدى. بۇدان بولەك، جانۇيالىق ماسەلەلەر شەشىمى جيناقتالعان ارنايى بۇكتەمەلەر مەن رۋحاني كىتاپتار دا كەلۋشىلەر ءۇشىن قاجەتتى دۇنيە بولدى.

ايتا كەتەيىك، «مەرەيلى وتباسى» رۋحاني كەزدەسۋ كەشى بۇل جول «ازىرەت سۇلتان» مەشىتىندە سوڭعى ءبىر جىل ىشىندە نەكە قيدىرعان جۇپتار عانا ارنايى شاقىرىلعان بولاتىن. ۇلكەن ومىرگە العاشقى قادامدارىن ەندى عانا اتتاعان جاس جانۇيالاردىڭ بىرلىگىن بەكەمدەپ، باقىتقا جەتۋ جولىن نۇسقايتىن ارنايى ۋاعىز-ناسيحات ايتىلىپ، تاربيەلىك دۇنيەلەر كورسەتۋدەن بولەك، شارا اياسىندا جۇپتار اراسىندا ۇتىس ويىنى جۇرگىزىلىپ، ءتۇرلى باعالى سىيلىقتار ۇلەستىرىلدى.

وتباسى قۇندىلىقتارى دارىپتەلگەن مەرەكەلىك شارا اياسىندا، بۇدان بولەك، ۇلتتىق ءسالت-داستۇرىمىز دە كورىنىس تاۋىپ، كوپشىلىكتىڭ العىسىنا بولەندى. اتاپ ايتقاندا، نايب ءمۇفتي ناۋرىزباي قاجى تاعانۇلى جاماعات الدىندا جاس نارەستەنىڭ قۇلاعىنا ازان شاقىرىپ، ەسىمىن قويدى. سونداي-اق، ەلوردا تۇرعىندارى قازبەك پەن جۇماگۇل ەسىمدى جۇپتىڭ نەكەسىن قيىپ، جۇزدەگەن جاننىڭ اق باتاسىمەن ۇلكەن ومىرگە شىعارىپ سالدى. مەرەكە كۇنىنە وراي ىرىمداپ، اكادەميك عالىم ديحان قامزابەكۇلىنا ءبۇلدىرشىننىڭ تۇساۋىن كەستىرىپ، مەشىتتىڭ ەڭ ەگدە جاماعاتى – ءباتىش اپامىز باتاسىن بەردى.

ۇلتتىق ءسالت-داستۇرىمىز ۇلىقتالىپ، وتباسىلىق قۇندىلىقتار پاش ەتىلگەن شارا سوڭىندا قاتىسۋشىلار اراسىندا ۇتىس ويىنىن جۇرگىزىلىپ، جۇلدەلى سىيلىقتار تاراتىلدى. جاس وتاۋعا قاجەتتى تەحنيكالىق قۇرالدار باستاپ، اس ءۇي جابدىقتارىنا دەيىن ۇلەستىرىلگەن بايگەنىڭ باس جۇلدەسى – «مويىلدى» شيپاجايىنا جولداما بولدى.

سۋرەتتەردى «فوتوگالەرەيا» ايدارىنان كورە الاسىزدار!

دەرەككوز: Muslim.kz


كەلۋ قاينارى: http://www.elarna.net/koru.php?tur=18&id=1046753

پىكىرلەر:

juz dep sifirmen jazingiz.