كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

الماتىدا مەكتەپ تەرەزەسىنەن وقۋشى قۇلاپ كەتتى


ءتۇرى: Ult.kz ۇلىت تورابى

ۋاقىتى: 18:50 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

الماتى قالاسىنداعى مەكتەپتەردىڭ بىرىندە 1-سىنىپ وقۋشىسى ەكىنشى قاباتتان قۇلاپ كەتتى، دەپ حابارلايدى "ۇلت اقپارات".

قوعامدىق دەنساۋلىق ساقتاۋ باسقارماسىنىڭ حابارلاۋىنشا، وقىس وقيعا 10 قىركۇيەك كۇنى بولعان. ءبىرىنشى سىنىپ وقۋشىسى №80 مەكتەپتتىڭ ەكىنشى قاباتىنان قۇلاعان.

جاراقات العان بالا شۇعىل تۇردە جانساقتاۋ بولىمىنە جاتقىزىلدى، سودان كەيىن تراۆماتولوگيا بولىمىنە اۋىستىرىلدى.

«التى جاسار بالانى كوپسالالى مەديتسيا بريگاداسى تەكسەردى. ناۋقاسقا باس سۇيەگىنىڭ جاراقاتى، ميدىڭ شايقالۋى، اياعىنىڭ تومەنگى جاعىنىڭ ەكى جەردەن سىنۋى دەگەن دياگنوز قويىلدى. قازىرگى ۋاقىتتا ونىڭ جاعدايى قالىپتى»، - دەدى ۆەدومستۆودان.


كەيىنىرەك الماتى قالالىق ءبىلىم باسقارماسىنىڭ باسشىسى گۇلنار قوجابەرگەنوۆا اتالعان ءجايت تۋرالى تۇسىنىكتەمە بەردى.

«بۇل وقىس وقيعا كەشە بولدى. ءبىز تەكسەرۋ جۇمىستارىن جۇرگىزدىك. بۇل جەردە ساباق وتكىزىپ جاتقان ءمۇعالىم كىنالى. قازاق ءتىلى ساباعى ەكى توپقا ءبولىنىپ وقىتىلادى. ساباق اياقتالعان سوڭ ءمۇعالىم، وقۋشىلاردى سىنىپ جەتەكشىسىنە تاپسىرۋعا مىندەتتى. ءمۇعالىم سىنىپتان شىعاردا بالالاردى ساناماعان. بالا پارتانىڭ استىنا تىعىلىپ قالىپتى. ءمۇعالىم سىنىپتى سىرتىنان جاۋىپ شىعىپ كەتكەن. ال سىنىپتا جالعىز قالعان بالا قورقىپ، تەرەزەدەن سەكىرگەن»،-دەيدى گۇلنار قوجابەرگەنوۆا.

قالالىق ءبىلىم باسقارماسىنىڭ باسشىسى، بۇل وقيعادان سوڭ مەكتەپ ديرەكتورىنا سوگىس جاريالانعانىن ايتتى.

«بۇل ماسەلە ءبىزدىڭ باقىلاۋىمىزدا بولادى. اتا-انالار بالالارىن بىزگە سەنىپ تاپسىرادى. بالا مەكتەپتە بولعاندا، ونىڭ قاۋىپسىزدىگىنە مەكتەپ جاۋاپ بەرەدى. بۇگىن مەن مەكتەپ ديرەكتورىنا سوگىس جاريالادىم. وقۋشىلاردىڭ قاۋىپسىزدىگىن قامتاماسىز ەتۋ - ديرەكتوردىڭ ءبىرىنشى فۋنكتسيونالدى مىندەتى»، - دەپ اتاپ ءوتتى باسقارما باسشىسى.

وز كەزەگىندە، مەكتەپ ديرەكتورى سىنىپ جەتەكشىسى مەن قازاق ءتىلى ءپانىنىڭ مۇعالىمىنە سوگىس بەردى.


كەلۋ قاينارى: http://www.elarna.net/koru.php?tur=53&id=1046752

پىكىرلەر:

juz dep sifirmen jazingiz.