كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

«Qazaqstan» ارناسىندا تىكەلەي ەفيردى كوبەيتتىك - ءلاززات تانىسباي


ءتۇرى: قازاقپارات جاڭالىقتارى

ۋاقىتى: 18:42 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
«Qazaqstan» ارناسىندا تىكەلەي ەفيردى كوبەيتتىك - ءلاززات تانىسباي

نۇر-سۇلتان. قازاقپارات – ەلوردادا «قازاقستان» تەلەراديوكورپوراتسياسى جوبالارىنىڭ جاڭا ماۋسىمى تانىستىرىلدى، دەپ حابارلايدى قازاقپارات ءتىلشىسى.

«قازاقستان» رترك» اق باسقارما ءتوراعاسى ءلاززات تانىسباي ۇلتتىق ارنانىڭ ء61-شى ماۋسىمى اشىلاتىنىن ەسكە سالدى جانە جاڭا جوبالار جونىندە باياندادى.

«ەڭ الدىمەن تىكەلەي ەفيردە كوپشىلىكتىڭ قاتىسۋىمەن، كورەرمەننىڭ ارالاسۋىمەن بوياماسىز وتەتىن جوبالاردى كوبەيتتىك. ماقسات – تالاپشىل دا سىنشىل اۋديتوريامىزدىڭ سۇرانىسىنا جاۋاپ بەرۋ. مىسالى، كۇن سايىن كەشكى ساعات 20:30-دا قوعامدا قىزۋ تالقىعا تۇسكەن ماسەلەلەردى ۇلتتىق ارنانىڭ تىكەلەي ەفيرىندە «Ashyq alañ»-نان كورە الاسىزدار. «Ashyq alañ»-دا قوعام وكىلدەرى مەن ۇكىمەتتىڭ ءتۇرلى بۋىندارىنداعى جاۋاپتى تۇلعالار كەزدەسىپ، ماسەلەنى اشىق تالقىلايدى. وعان كورەرمەندەرىمىز بەلسەندى تۇردە اتسالىسۋدا. ءبىر ەفيردە تەك Whatsapp مەسسەندجەرى ارقىلى 4 مىڭنان اسا سۇراق ءتۇسىپ، ءبىر ساعاتتا مىڭنان استام قوڭىراۋ شالىندى»، - دەدى ل. تانىسباي.

سونىمەن بىرگە، مەديا مەنەدجەر رەتىندە ۇيىم باسشىسى «Niet» جوباسىنىڭ ەرەكشە ماڭىزدى ەكەنىن جەتكىزدى.

«بايقاساڭىزدار، ءبىزدىڭ قوعامدا كومەككە مۇقتاج ادام كوپ، سونىمەن قوسا، كومەكتەسكىسى كەلەتىندەر دە جەتكىلىكتى. تەك جولدارىن بىلە بەرمەيدى. مىنە، سونداي ادامداردى بىرىكتىرەتىن «Niet» الەۋمەتتىك جوباسىن اشۋداعى ماقساتىمىز – ساپالى تەلەۆيزيالىق شوۋ جاساۋ عانا ەمەس، كەز كەلگەن قيىن جاعدايدان بىرلەسە شىعۋعا مۇمكىندىك بار ەكەنىن كورسەتۋ. 9 قىركۇيەكتەن باستاپ ەفيرگە جول تارتقان جوبانىڭ كەشەگى حابارىندا ستۋديامىزدا كوپبالالى ءبىر وتباسى باسپانالى بولدى. ءبىز اقشا جينامايمىز، ستۋدياعا كەلگەن ادامعا باعدارلامانى كورىپ وتىرعان ءاربىر قازاقستاندىق كومەك كورسەتە الادى»، -دەدى سپيكەر.

TNS Central Asia زەرتتەۋ كومپانياسىنىڭ دەرەكتەرى بويىنشا، «Qazaqstan» ۇلتتىق ارناسىنىڭ رەيتينگتىك كورسەتكىشتەرى كوكتەممەن سالىستىرعاندا 121 پايىزعا وسكەن.

«بۇل – بۇكىل ۇجىمنىڭ جاز بويعى تىنىمسىز ەڭبەگىنىڭ ناتيجەسى. قارا شاڭىراقتاعى ساباقتاستىقتى ساقتاۋ - ءبىزدىڭ پارىزىمىز. بۇل ماۋسىمدا 14 جاڭا جوبانىڭ تۇساۋىن كەسسەك، كورەرمەننىڭ جوعارى باعاسىنا يە بولعان 10 باعدارلاما جالعاسىن تابادى. «Tañsholpan»، «Dara jol»، «Mا́sele»، «Parasat maidany» سياقتى باعدارلامالاردى دا قايتا ۇسىنىپ وتىرمىز. سالامىزدىڭ باسشىسى مينيستر مىرزا الدىمىزعا ۇلكەن تالاپ قويىپ وتىر. قازاقى رۋحاني قۇندىلىقتاردى ساقتاي وتىرىپ، نارىقتىق ناتيجەلەرگە، باسەكەلەستىككە كوڭىل ءبولۋىمىز كەرەك»، - دەدى ءلاززات تانىسباي.

ايتا كەتەيىك، كۇزگى جاڭا ماۋسىمدا «Qazaqstan» ۇلتتىق ارناسىنان 14 جاڭا جوبا ەفيرگە شىعادى. وسىعان دەيىن كورەرمەن ىقىلاسىنا بولەنىپ ۇلگەرگەن 10 باعدارلاما جاڭاشا فورماتتاقايتا ۇسىنىلادى.



كەلۋ قاينارى: http://www.elarna.net/koru.php?tur=3&id=1046750

پىكىرلەر:

juz dep sifirmen jazingiz.