كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

«استانا» مەدرەسە-كوللەدجىنىڭ قىزدار ءبولىمى اشىلدى (فوتو) – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 18:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.«استانا» مەدرەسە-كوللەدجىنىڭ قىزدار ءبولىمى اشىلدى (فوتو) – Sunna.kz

ەلوردادا «استانا» مەدرەسە-كوللەدجىنىڭ قىزدار ءبولىمىنىڭ سالتاناتتى اشىلۋ ءراسىمى ءوتتى.

بىلىم ورداسىنىڭ اشىلۋ شاراسىنا قازاقستان مۇسىلماندارى ءدىني باسقارماسىنىڭ ءتوراعاسى، باس ءمۇفتي سەرىكباي قاجى وراز، قمدب ءتوراعاسىنىڭ ءبىرىنشى ورىنباسارى، نايب ءمۇفتي، نۇر-سۇلتان قالاسىنىڭ باس يمامى ناۋرىزباي قاجى وتپەنوۆ، قوعام قايراتكەرى ورازگۇل اسانعازىقىزى، ەلوردالىق يمامدار مەن دىنگە جاناشىر قالا تۇرعىندارى قاتىستى.

باس ءمۇفتي جاڭا ورتالىقتىڭ اشىلۋىمەن قۇتتىقتاپ، ەل استاناسىندا تۇڭعىش اشىلعان ءبىلىم ورداسىنىڭ رۋحانياتىمىزداعى ماڭىزى جايىندا توقتالا كەلە:

«ايەل-انالارىمىز جان-جاقتى ءبىلىمدى بولسا، بولاشاق ۇرپاقتى دا سولاي تاربيەلەيدى. جاڭا مەدرەسەمىزدى اشۋداعى نەگىزگى ماقسات – ءداستۇرلى ءدىنىمىزدى سالتىمىزبەن ساباقتاستىرىپ، تاريحي، رۋحاني قۇندىلىقتارىمىزدى دارىپتەيتىن ماماندار تاربيەلەۋ. بۇگىندە ەلىمىز بويىنشا 1500 شاكىرتىمىز ۋنيۆەرسيتەتتە وقىپ جاتىر، 2500-گە جۋىق شاكىرت ورتا ءبىلىم بەرەتىن مەدرەسە-كوللەدجدەرىمىزدە ءبىلىم الۋدا. دەمەك، ءبىز وتاندىق كادرلاردى دايارلاۋعا تولىققاندى مۇمكىندىگىمىز بار. ءبىز سىرتتان كەلەتىن ءدىني كادرلار مەن شەتەلدىك تەولوگتارعا مۇقتاجدىقتان تولىقتاي ارىلدىق»، – دەپ اتاپ ءوتتى.

قوعام قايراتكەرى ورازكۇل اسانعازىقىزى قىزدارعا ارنالعان وقۋ ورداسىنىڭ اشىلۋىمەن قۇتتىقتاپ:

«اباي اتامىز وتىز جەتىنشى قارا سوزىندە «ادامدىقتىڭ قارىزى ءۇشىن ەڭبەك قىلساڭ، اللانىڭ سۇيگەن قۇلىنىڭ ءبىرى بولاسىڭ» دەيدى. ەلگە قىزمەت ەتەتىن، جەتى جۇرتتىڭ قامىن جەيتىن ادامنىڭ بالاسىن تاربيەلەيتىن جان مىندەتتى تۇردە يماندى بولۋى كەرەك. تاۋەلسىزدىك قازاققا نە بەردى دەسەك، اۋەلى قيراعان مەشىتتەرىمىزدى قالپىنا كەلتىردى دەپ قۋانىشپەن ايتا الامىز. ەلدىڭ قامىن ويلايتىن تۇلعا الىپ انادان تۋادى. وسى جەردەن الىپ انالار شىعۋىنا تىلەكتەسپىن»، – دەدى.

عيماراتتا وقۋ زالى، اسحانا، جاتاقحانا، العاشقى مەديتسينالىق كومەك كورسەتەتىن بولمە، ۇستازدار كابينەتى بار. نۇر-سۇلتان قالاسىندا العاش رەت اشىلعان وقۋ ورتالىعىنا بيىل 21 شاكىرت ءبىلىم الاتىن بولادى.

دەرەككوز: قمدب ءباسپاسوز قىزمەتى


كەلۋ قاينارى: http://www.elarna.net/koru.php?tur=18&id=1046749

پىكىرلەر:

juz dep sifirmen jazingiz.