كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

Astana MedÙ‰a Week مەديا-اپتالىعىندا كونتەنت ساپاسى ماسەلەلەرى تالقىلاندى


ءتۇرى: Ult.kz ۇلىت تورابى

ۋاقىتى: 18:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتاندا جىل سايىنعى Astana Media Week مەديا-اپتالىعى باستالدى. ءىس-شارانىڭ نەگىزگى ماقساتى – وتاندىق مەديايندۋستريانىڭ نەگىزگى جەتىستىكتەرى مەن مۇمكىندىكتەرىن كورسەتۋ.

ۇش كۇنگە جالعاساتىن ءىس-شاراعا ءىرى مەدياحولدينگتەر مەن تەلەارنالار، جەكە پروداكشن-ستۋديالار، باق سالاسى وكىلدەرى قاتىسىپ جاتىر. ونىڭ ىشىندە «قازاقستان» رترك» اق، «حابار» اگەنتتىگى» اق، «قازكونتەنت» اق، ت.ب. بار. شەت ەلدەن دە ارنايى سپيكەرلەر شاقىرىلعان.

شارانى قر اقپارات جانە قوعامدىق دامۋ ءمينيسترى داۋرەن اباەۆ اشتى. مينيستر ورتالىق ازيادا بالاماسى جوق بۇل باسقوسۋدىڭ وتاندىق مەديا سالاسىن دامىتۋعا قوساتىن ۇلەسى جوعارى بولاتىنىنا سەنىم ءبىلدىردى.

مەديا-اپتالىق اياسىندا ماستەر-كلاستار مەن ترەنينگتەر ۇيىمداستىرىلىپ، وتاندىق مەديايندۋستريانى دامىتۋدىڭ وزەكتى ماسەلەلەرى تالقىلانادى. اتاپ ايتقاندا، كونتەنت ساپاسى، جاڭا اۋديتوريانى تارتۋ، ايماقتىق باق جۇمىسى جانە حالىقارالىق تاجىريبەلەرگە شولۋ سەكىلدى تاقىرىپتار قوزعالادى.

العاشقى كۇنى «Baq.kz» اقپاراتتىق اگەنتتىگىنىڭ باس رەداكتورى ەرلان وسپان «كونۆەيەردەگى ساۋات» اتتى ماستەر-كلاسس وتكىزىپ، اقپاراتتىق ساۋاتتىلىقتىڭ ماڭىزدىلىعىن، ونىڭ رەداكتسيا بەدەلىنە اسەرى جونىندە ايتتى. سپيكەر تسيفرلىق داۋىردە اقپاراتتى ساۋاتتى ۇسىنۋ كونتەنت ساپاسىن جاقسارتۋداعى ماڭىزدى ەلەمەنتتەردىڭ ءبىرى ەكەنىن اتاپ ءوتتى.

سونداي-اق باعدارلاما اياسىندا «Qazaqstan Tarihy» ينتەرنەت-جوباسىنىڭ باس رەداكتورى التىنبەك قۇمىرزاق تاقىرىپتىق سايتتارعا اۋديتوريا قالىپتاستىرۋ جانە ساپا كورسەتكىشىن ارتتىرۋ تاقىرىبىندا ماستەر-كلاسس وتكىزدى.

تاجىريبەلى جۋرناليستەر ءوز جۇمىستارىنان مىسال كەلتىرىپ، قاتىسۋشىلارمەن پىكىر الماستى، كوپشىلىك تولعاندىرعان ساۋالدارعا جاۋاپ بەردى.

سونىمەن قاتار اپتالىق اياسىندا ءارتۇرلى جاڭا جوبالاردىڭ تۇساۋى كەسىلدى. ماسەلەن، «قازكونتەنت» اق سەمەي پوليگونىنىڭ جابىلۋىنا 30 جىل تولۋىنا وراي ينتەراكتيۆتى كارتا تۇرىندە جاسالعان جاڭا جوباسىن تانىستىردى. سونداي-اق كوپشىلىك نازارىنا نۇر-سۇلتان قالاسىنىڭ كورنەكتى ورنىندارىنا، كوشەلەر تاريحى مەن ماڭىزدى نىساندارىنا ارنالعان تاعى ءبىر جوبا ۇسىنىلدى.

ايتا كەتسەك، «Astana Media Week» مەديا-اپتالىعى 11-13 قىركۇيەك كۇندەرى ارالىعىندا وتەدى.


كەلۋ قاينارى: http://www.elarna.net/koru.php?tur=53&id=1046746

پىكىرلەر:

juz dep sifirmen jazingiz.