كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

الماتىدا ترياتلوننان ىرىكتەۋ چەمپيوناتى وتەدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى ج


ءتۇرى: ماسساگەت ماقالالارى

ۋاقىتى: 18:25 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. الماتىدا ترياتلوننان ىرىكتەۋ چەمپيوناتى وتەدى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


الماتىدا ترياتلوننان ىرىكتەۋ چەمپيوناتى وتەدى

2019 جىلدىڭ 15 قىركۇيەگىندە "الماتى ارەنا" كەشەنىندە 7 جاستان 23 جاسقا دەيىنگى سپورتشىلار اراسىندا ترياتلوننان الماتى اشىق چەمپيوناتى وتەدى.

چەمپيوناتتىڭ باستى مىندەتتەرى-Almaty Triathlon Federation قۇراماسىن تولىقتىرۋ ءۇشىن سپورتقا دەگەن قابىلەتى جوعارى بالالاردى انىقتاۋ جانە ترياتلوندى ناسيحاتتاۋ.

– باپكەرلەر ءۇشىن وسىنداي جارىستار - ۇلكەن "سەلەكتسيالىق" جۇمىستىڭ ءبىر بولىگى. ءبىز وسىنداي جارىستاردا كىشى توپتارداعى سپورتشىلارعا ەرەكشە كوڭىل بولەمىز. ويتكەنى، مىقتى سپورتشىنى تاربيەلەۋ ءۇشىن، بالامەن ەرتە جاستان باستاپ جۇمىس جاساۋىمىز كەرەك. سوندا عانا جاقسى ناتيجە شىعادى– دەيدى جارىستىڭ باس تورەشىسى ماكسيم مازۋر.

ايتا كەتەيىك، Almaty Triathlon Federation ەكى جىل ىشىندە بىرنەشە تالانتتى سپورتشىلاردى تاربيەلەپ شىعاردى. مىسالعا ايتا كەتەتىن بولساق، عازيزا قۇماقباەۆا مەن داريا بىچكوۆا بيىلعى جىلى قر ۇلتتىق قۇراماسىنىڭ سپورتشىلارى ساپىندا ونەر كورسەتەدى. عازيزا – نەگىزگى قۇرامادا، ال داريا - جاستار اراسىندا. 15 جاسار سپورتشى الەكساندر تەن 2019 جىلدىڭ باسىنان بەرى قاتارىنان ءۇش بىردەي جوعارى تيتۋلدى جەڭىپ الدى. ول قازاقستان، ورتالىق ازيا جانە بۇكىل ازيا قۇرلىعىنىڭ چەمپيونى اتاندى. باسقا اتلەتتەر دە جاقسى ناتيجەلەر كورسەتىپ، ازيا قۇرلىعىنداعى ەڭ مىقتى دەگەن ترياتلەتتەر قاتارىنا كىرۋگە تىرىسۋ ۇستىندە.

–الماتى قۇراماسى ۇنەمى جاڭارتىلىپ وتىرادى. ءبىزدىڭ ەلدىڭ ماقتانىشى بولار اتلەتتەر، بولاشاق چەمپيوندار، ءوسىپ كەلەدى. الايدا، وكىنىشكە وراي، ۋاقىتى كەلگەندە ءبىزدى تاستاپ كەتەدى. سوندىقتان، ۇنەمى جاڭا سپورتشىلاردى تاربيەلەۋىمىزگە تۋرا كەلەدى. سوندىقتان دا، قۇرمەتتى اتا-انالار، ءوز بالالارىڭىزدى ترياتلونعا اكەلىڭىزدەر. ءسىزدىڭ بالاڭىزدىڭ بۇگىنگى جەڭىسى - بۇل تەك قالا قۇراماسىنا عانا ەمەس، سونداي-اق بۇل ۇلتتىق كومانداعا، بولاشاق وليمپيادالارعا جول. ارينە، بارلىق قاتىسۋشىلار بىردەن قۇراماعا جولداما المايدى، جاتتىقتىرۋشىلار ەڭ مىقتى بالالاردى تاڭدايدى. ءبىراق باسقا بالالارعا قاپا بولۋدىڭ ەش قاجەتى جوق. الدا ءالى دە مۇمكىندىك بارىن ەستەن شىعارماۋ كەرەك،– دەپ ايتىپ ءوتتى Almaty Triathlon Federation قامقورشىلار كەڭەسىنىڭ مۇشەسى ۆاليحان تەن.

الداعى چەمپيوناتقا كەلەتىن بولساق، ول ەكى كەزەڭدە وتەدى. "اكۆاتلون" ديستانتسياسىندا ء(جۇزۋ 50 م، جۇگىرۋ 1 كم) 7-9 جاستاعى سپورتشىلار قاتىسادى. تاعى ءبىر اكۆاتلوندىق قاشىقتىق (100 م ءجۇزۋ، 2 كم جۇگىرۋ) 10-12 جاستاعى بالالار ءۇشىن وتەدى. جانە دە، 13-23 جاس ارالىعىنداعى اتلەتتەر "ترياتلون-سۋپەرسپرينت" (300 م ءجۇزۋ، 8 كم ۆەلو، 2 كم جۇگىرۋ) ديستانتسياسىندا ونەر كورسەتەدى.

چەمپيونات ۇيىمداستىرۋشىلارى: اكادەميك شاحماردان ەسەنوۆ اتىنداعى عىلىمي ءبىلىم بەرۋ قورى، الماتى قالاسىنىڭ اكىمدىگى، "الماتى مارافونى"، "الماتى ارەنا"، دميتري گااگا ترياتلون مەكتەبى، World Class Almaty، الماتى سپورت عيماراتتارى ديرەكتسياسى، #سەنىڭجاڭاقىرىڭ مۋلتيسپورتتىق ارناسى، ء"بىرىنشى بولۋ باتىلدىق" كق. اقپاراتتىق سەرىكتەستەر - تengrinews.kz، Vesti.kz، Massaget.kz.

ترياتلون - بۇل ءۇش كەزەڭدى قامتيتىن، ياعني، ءجۇزۋ، ۆەلوجارىس جانە جۇگىرۋدەن تۇراتىن مۋلتيسپورتتىق جارىس.

"Almaty Triathlon Federation" قوعامدىق بىرلەستىگى 2017 جىلى قۇرىلدى. ونىڭ ماقساتتارى مەن مىندەتتەرى:
- ترياتلوندى جانە وعان كىرەتىن سپورتتىق پاندەردى ناسيحاتتاۋ;
- وقۋ-ادىستەمەلىك باعدارلامالارىن جەتىلدىرۋ;
- ترياتلوندا پاراليمپيادا قوزعالىسىن دامىتۋ;
- ترياتلون اۋەسقويلارى مەن كاسىبي سپورت رەزەرۆىن دايىنداۋ;
- جاتتىقتىرۋشىلار قۇرامى مەن تورەشىلەر كادرلارىن ىرىكتەۋ جانە بىلىكتىلىگىن ارتتىرۋ جۇيەسىن ازىرلەۋ;
- قر چەمپيوناتتارىندا، ءىرى حالىقارالىق جارىستاردا، ونىڭ ىشىندە 2020; 2024; 2028 جىلدارداعى وليمپيادا ويىندارىندا جۇلدەلى ورىندارعا قول جەتكىزۋ.



كەلۋ قاينارى: http://www.elarna.net/koru.php?tur=41&id=1046738

پىكىرلەر:

juz dep sifirmen jazingiz.