كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

«استانا» مەدرەسە-كوللەدجىنىڭ جاڭا عيماراتى پايدالانۋعا بەرىلدى (فوتو+ۆيدەو) – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 18:20 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.«استانا» مەدرەسە-كوللەدجىنىڭ جاڭا عيماراتى پايدالانۋعا بەرىلدى (فوتو+ۆيدەو) – Sunna.kz

بۇگىن ەلوردا رۋحانياتى تاريحىنداعى اق تۇيەنىڭ قارنى جارىلعان اقجولتاي كۇن بولدى. ەلىمىزدىڭ باس شاھارىنداعى ءدىني ءبىلىم بەرۋ جۇيەسىنىڭ جاڭا ساتىعا كوتەرىلىپ، جان-جاقتى دامۋىنىڭ بەلگىسىندەي بولعان سالتاناتتى شارالار بىرىنەن سوڭ ءبىرى قاتار ءوتىپ، ەلوردا جۇرتشىلىعىنىڭ قۋانىشىن مولايتا ءتۇستى.

جاماعات ريزالىعىن تۋدىرعان جاعىمدى جاڭالىقتاردىڭ لەگى ء«الجان انا» مەشىتى جانىنان «استانا» مەدرەسە-كوللەدجىنىڭ قىزدار ءبولىمىنىڭ اشىلۋىمەن باستالدى. 2007 جىلى ەلباسى ن.نازارباەۆتىڭ قولداۋىمەن اشىلعان «استانا» مەدرەسەسى بۇگىنگە تاڭعا دەيىن سەگىز مارتە تۇلەكتەرىن ۇشىرىپ، ەلىمىزدىڭ ءدىني كادر دايارلاۋ جۇمىسىنا ۇلكەن ۇلەس قوسىپ كەلەدى. سوڭعى جىلدارى ورىس ءتىلى ءبولىمى ىسكە قوسىلىپ، جاڭا وقىتۋ جۇيەسى قالىپتاسقان بولاتىن.

بيىلعى جىلى نۇر-سۇلتان قالاسى وكىلدىگىنىڭ باستاماسىمەن «استانا» مەدرەسە كوللەدجىنىڭ قىزدار ءبولىمى اشىلىپ، سىناق ەمتيحانىنان سۇرىنبەي وتكەن 22 قىز وقۋعا قابىلدانعان بولاتىن. قمدب ءتوراعاسى، باس ءمۇفتي سەرىكباي قاجى وراز باستاعان قمدب قىزمەتكەرلەرى مەن قالا يمامدارىنىڭ، زيالى قاۋىم وكىلدەرى مەن ەلوردا جاماعاتىنىڭ قاتىسۋىمەن بۇگىن ء«الجان انا» مەشىتى جانىنان قىزدار مەدرەسەسى سالتاناتتى تۇردە اشىلىپ، كوپشىلىكتىڭ اق باتاسىمەن جۇمىسى باستالدى.

سونداي-اق، سوڭعى جىلدارى مەدرەسەگە تۇسۋگە تالاپ بىلدىرگەن شاكىرتتەر سانىنىڭ كوبەيۋىنە وراي «استانا» مەدرەسە-كوللەدجى جاڭا وقۋ جىلىندا جاڭا عيماراتقا قونىس اۋداردى. اشىلۋ سالتاناتىندا ءسوز سويلەگەن سەرىكباي قاجى وراز قازىرگى تاڭدا قازاقستان مۇسىلماندارى ءدىني باسقارماسىنىڭ ەلدەگى ءدىني كادر دايارلاۋ ءىسىنىڭ ءبىر جۇيەگە تۇسكەنىن ايتىپ، سىرتتان شاقىرىلاتىن ماماندارعا زارۋلىك جوعىن جەتكىزدى. ءبىلىم جولىنداعى شاكىرتتەرگە اق باتاسىن ارناپ، ۇزدىك وقۋلارىنا تىلەكتەستىگىن ءبىلدىردى.

ەلوردا تاريحىنداعى ايرىقشا وقيعاعا قالا اكىمى التاي كولگىنوۆ تە ءوز تىلەۋلەستىگىن ءبىلدىرىپ، ارنايى قۇتتىقتاۋ لەبىزىن جولدادى. نۇر-سۇلتان قالاسى قوعامدىق دامۋ ىستەرى باسقارماسىنىڭ ءبولىم باستىعى نۇرداۋلەت ءالمۇقان سالتاناتتى شارا اياسىندا جاماعاتقا شاھار باسشىسىنىڭ قۇتتىقتاۋىن وقىپ بەرىپ، قمدب باسشىلىعى مەن مەدرەسە ۇجىمىنا العىسىن جەتكىزدى.

ۇش قاباتتان تۇراتىن جاڭا عيمارات ىشىندە شاكىرتتەر ءۇشىن بارلىق قولايلى جاعداي جاسالعان. دەمەۋشى ازاماتاردىڭ قولداۋىمەن بارلىق جاتىن بولمەلەر مەن وقۋ زالدارى، كىتاپحانا مەن ءدارىس بولمەلەرى، سپورتتىق جاتتىعۋ زالدارى مەن ارنايى ينفورماتيكا كابينەتى تۇگەلدەي جاڭا جيھازبەن جابدىقتالعان. سونداي-اق، مەدرەسە باسشىلىعىنىڭ ۇيىمداستىرۋىمەن شۇعىل مەديتسينالىق كومەك كورسەتەتىن ارنايى دارىگەرلىك بولمە دە اشىلىپ وتىر.

سۋرەتتەردى «فوتوگالەرەيا» ايدارىنان كورە الاسىزدار!

دەرەككوز: Muslim.kz


كەلۋ قاينارى: http://www.elarna.net/koru.php?tur=18&id=1046735

پىكىرلەر:

juz dep sifirmen jazingiz.