كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

Astana Ù‰T ۋنيۆەرسيتەتىندە 6 باعىت بويىنشا ءبىلىم بەرىلەدى


ءتۇرى: Ult.kz ۇلىت تورابى

ۋاقىتى: 17:50 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.


ەلوردادا EXPO اۋماعىندا ورنالاسقان جاڭا Astana IT ۋنيۆەرسيتەتىنىڭ تانىستىرىلىمى ءوتتى. تۇساۋكەسەر راسىمىنە قر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپارباەۆ، نۇر-سۇلتان قالاسى اكىمى التاي كولگىنوۆ، «نۇرسۇلتان نازارباەۆتىڭ ءبىلىم قورى» قق ديرەكتورى دينارا قۇلىباەۆا جانە ت.ب قوناقتار قاتىستى.

بىلىم ورداسىنىڭ نەگىزگى ماقساتى – «تسيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا بىلىكتى ماماندار دايارلاۋ. وقۋ ورنىندا كريپتوگرافيا، روبوتوتەحنيكا، Big Data، جاساندى ينتەللەكت، تسيفرلى كريميناليستيكا جانە باعدارلامالاۋ، ت.ب. پاندەر وقىتىلادى. بيىلعى وقۋ جىلىندا ۋنيۆەرسيتەتكە جالپى سانى 579 گرانت ءبولىنىپ، 6 باعىت بويىنشا 613 ستۋدەنت وقۋعا تۇسكەن.

«الەمدىك ستاندارتتارعا ساي، زاماناۋي تۇرعىدا جابدىقتالعان جاڭا IT ۋنيۆەرسيتەتتىڭ العاشقى ستۋدەنتى اتانۋ بۇگىنگى جاستارعا بۇيىرىپ وتىر. ومىردەگى بارلىق نارسە ادامنىڭ وزىنە بايلانىستى. ءار ادام زامان تالابىنا ساي وسىپ-جەتىلىپ، ءوز ەلىنىڭ وركەندەۋىنە ۇلەس قوسۋى كەرەك»، - دەدى ب.ساپارباەۆ

جالپى ۋنيۆەرسيتەت قۇرىلىسىنا 10 ايعا جۋىق ۋاقىت جۇمسالعان. بۇل جەردە ءبىلىم الۋشىلار 4 جىلدىق وقۋ باعدارلاماسىن 3 جىل ىشىندە يگەرىپ شىعادى. ءبىلىم ورداسىندا بارلىعى 680 وقۋ كابينەتى، ونىڭ ىشىندە 140 اۋديتوريا بار. سونىمەن بىرگە سپورت زالدار مەن ترەناجەرلەر، كوۆوركينگ ايماق، ارنايى تاقىرىپتىق كابينەتتەر مەن كىتاپحانا جۇمىس ىستەيدى.

«ىت سالاسىندا ءبىلىم الۋعا نيەتتى جاستار ەلىمىزدىڭ ءار ايماعىنان جينالدى. بۇگىنگىدەي تسيفرلاندىرۋ مەن جاھاندىق دامۋ كەزەڭىندە ءبىلىم جولىنداعى باسەكەگە قابىلەتتىلىك ءبىز ءۇشىن وتە ماڭىزدى. قازىرگى تاڭدا نۇر-سۇلتان قالاسىندا وسى باعىتتاعى دامۋدى قولعا الۋ ءۇشىن كيبەرسپورت بويىنشا چەمپيونات وتكىزۋ جوسپاردا بار. سىزدەردىڭ ۋنيۆەرسيتەتتەرىڭىز EXPO اۋماعىندا ورنالاسقاندىقتان، «Astana Innovations»، «استانا» اكك، «iKomek» كەڭسەلەرى وتىراتىن ساياباق اشۋدى جوسپارلاپ وتىرمىز. سايكەسىنشە، بۇل سىزدەرگە تاجىريبە الۋعا جانە جۇمىسقا ورنالاسۋعا جاعداي جاسايدى. وقۋ ورنى ورنالاسقان اۋماق وتە ىڭعايلى. جانىندا ساۋدا ويىن-ساۋىق ورتالىعى، ساياباق بار. سىزدەرگە ەڭ باستىسى – وقۋ كەرەك»، - دەيدى قالا اكىمى ا.كولگىنوۆ.

ايتا كەتەيىك، Astana IT University قۇرىلتايشىسى - «نۇرسۇلتان نازارباەۆتىڭ ءبىلىم قورى» قوعامدىق قورى. الداعى وقۋ جىلىنان باستاپ ۋنيۆەرسيتەتتە ءبىلىم الۋشىلار سانى 2 مىڭنان اسىپ، ونىڭ 1700 ورىنىنا گرانت تاعايىنداۋ جوسپارلانعان.


كەلۋ قاينارى: http://www.elarna.net/koru.php?tur=53&id=1046718

پىكىرلەر:

juz dep sifirmen jazingiz.