كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

اتىراۋدا فاريزا وڭعارسىنوۆانىڭ 80 جىلدىعى رەسپۋبليكا كولەمىندە اتاپ وتىلۋدە | قازاق گازەتتەرى


ءتۇرى: قازاق گازەتتەرى

ۋاقىتى: 17:24 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.


اتىراۋدا اقىن فاريزا وڭعارسىنوۆانىڭ 80 جىلدىعىنا ارنالعان رەسپۋبليكالىق كولەمدە «پاتشا – ءسوزدىڭ فاريزاسى» اتتى اپتالىق وتۋدە، دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.

اقىننىڭ ەسكەرتكىشىنە گۇل قويۋ راسىمىنەن باستالعان شارا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە جالعاستى. وندا العاش رەت «ار مەن اقىن» دەرەكتى ءفيلمى كورسەتىلىپ، «جىر – مەنىڭ جالعىز تارلانىم» اۋديو-ديسكىنىڭ تۇساۋى كەسىلدى. اقىننىڭ ءوز داۋىسىمەن ولەڭدەرى جازىلعان اۋديو-ديسكىنى مەملەكەتتىك سىيلىقتىڭ لاۋرەاتى، كورنەكتى جازۋشى انەس ساراي مەن اتىراۋ مەملەكەتتىك ۋنيۆەرسيتەتىنىڭ پروفەسسورى قادىر وتەگەنۇلى تانىستىردى.

اپتالىق اياسىندا  «پاتشا – ءسوزدىڭ فاريزاسى» اتتى عىلىمي-پراكتيكالىق كونفەرەنتسيا  ءوتتى. اتىراۋ وبلىسى اكىمىنىڭ ورىنباسارى  ايگۇل اجىعاليەۆا كونفەرەنتسياعا ارنايى قاتىسىپ، شارانىڭ ماڭىزدىلىعىنا توقتالدى.

—   فاريزا وڭعارسىنوۆا اتىراۋ توپىراعىنىڭ ءتول پەرزەنتى، وڭىرىمىزدەگى ءبىلىمنىڭ قارا شاڭىراعى –ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتنىڭ العاشقى تۇلەكتەرىنىڭ ءبىرى. ول قارىمى مول تالانت يەسى، ءسوز ونەرىنىڭ كەمەلىنە جەتكەن سۋرەتكەر. فاريزا شىعارماشىلىعىنىڭ بۇكىل بولمىسىن، ەرەكشەلىگىن، قاسيەتتەرىن جەتكىزىپ ايتۋ وتە قيىن. قازاقتىڭ قىزدار پوەزياسىنىڭ وسىپ-وركەندەۋىنىڭ، بيىك دەڭگەيگە جەتۋىنىڭ ايقىن دالەلى دە وسى. ونىڭ جىرلارى ماڭگى جاسايدى، – دەيدى اتىراۋ وبلىسى اكىمىنىڭ ورىنباسارى ايگۇل اجىعاليەۆا.



كەلۋ قاينارى: http://www.elarna.net/koru.php?tur=6&id=1046704

پىكىرلەر:

juz dep sifirmen jazingiz.