كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

كينوتەاترداعى وتاندىق كينولار گولليۆۋد فيلمدەرىن قۋىپ جەتتى - نۇرلان قويانباەۆ


ءتۇرى: Ult.kz ۇلىت تورابى

ۋاقىتى: 17:10 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

قازاقستاندىق كينوپروديۋسەر نۇرلان قويانباەۆ Astana Media Week اپتالىعىندا قازاقستاندىق كينوتۋىندىلاردى كورسەتۋ جونىندە باياندادى، دەپ حابارلايدى قازاقپارات.

«كينو سالاسىندا جۇمىس ىستەپ جاتقانىمىزعا 4 جىل بولعان جوق، بۇل ارالىقتا كىشىگىرىم 3 كينو تۇسىردىك. قازاقستاندىق كورەرمەننىڭ وتاندىق كينوعا دەگەن قىزىعۋشىلىعى ءوسىپ جاتىر. سوڭعى ەكى جىلدا قازاقستاندىق كينولار كورۋ جاعىنان گولليۆۋد كينولارىن قۋىپ جەتتى دەپ ايتۋعا بولادى. قازاقستان كينوتەاترلارىنان كورسەتىلگەن ۇزدىك 5 كينونىڭ قاتارىنا 2 قازاقستاندىق كينو ەندى. «بيزنەس پو كازاحسكي» ءفيلمىنىڭ كاسسالىق ءتۇسىمى 2 ملن دوللار تابىس تاپتى. ونى ەڭ ۇزدىك دەپ وتىرعان جوقپىن. ءبىراق، بۇل - كينوتەاتر تۇسىمىندەگى قازاقستاندىق كينونىڭ جەڭىسى»، - دەدى ن. قويانباەۆ «قازاقستانداعى كينو مەن سەريالدى دامىتۋ» پانەلدىك سەسسياسىندا.

سونىمەن بىرگە، پروديۋسەر ۇكىمەت تاراپىنان ونەر مەن كينونى قولداۋدىڭ ماڭىزدىلىعىن اتاپ ءوتتى.

«بيزنەس پو كازاحسكي» ءفيلمىنىڭ كەزەكتى شىعارىلىمىن كورەيادا ءتۇسىرىپ كەلدىك. ونداعى ارىپتەستەرمەن سويلەسكەندە، كورەيا مەملەكەتى ءالى كۇنگە دەيىن جەكە كومپانيالارعا كومەكتەسىپ جاتقانىن ايتتى. ناتيجەسىن دە كورىپ وتىرسىزدار، وڭتۇستىك كورەيانىڭ تەلەحيكاياسى، كينوسى، مادەنيەتى بۇكىل الەمگە تارالدى»، - دەدى ول.

ايتا كەتەيىك، ەلورداداعى «قازمەديا» ورتالىعىندا ءۇش كۇنگە سوزىلاتىن ورتالىق ازياداعى ەڭ ءىرى مەديا-وقيعا — Astana Media Weekباستالدى.

وندا اقپارات جانە قوعامدىق دامۋ ءمينيسترى داۋرەن اباەۆ وتاندىق سەريال وندىرۋشىلەرگە سالىق جەڭىلدىگى تۋرالىايتتى.


كەلۋ قاينارى: http://www.elarna.net/koru.php?tur=53&id=1046695

پىكىرلەر:

juz dep sifirmen jazingiz.