كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-207812476778 %22 %

قازاقستاندىق بياتلونشىلار دوپينگ قولدانباعانىن دالەلدەپ شىقتى


ءتۇرى: قازاقپارات جاڭالىقتارى

ۋاقىتى: 17:03 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات - 2019 جىلدىڭ 10 قىركۇيەگىندە حالىقارالىق بياتلونشىلار وداعىنىڭ (IBU) دوپينگكە قارسى پانەلى بياتلوننان قازاقستان كومانداسىنىڭ توعىز سپورتشىسىنا تاعىلعان ۋاقىتشا جارىستان شەتتەتۋ تۋرالى ايىپتىڭ كۇشىن جويدى، دەپ حابارلايدىOlympic.kz.

ۇقساس جاڭالىقتار

2019 جىلدىڭ 24 ماۋسىم كۇنى ينسبۋرك قالاسىندا بياتلوننان قازاقستان كومانداسىنىڭ جارىستان شەتتەتىلگەن سپورتشىلارىنا قاتىستى وتىرىس ءوتتى. وتىرىس IBU دوپينگكە قارسى پانەلىنىڭ باستاماسىمەن ءوتتى. قازاقستاندىق سپورتشىلار اتىنان شۆەيتساريالىق ادۆوكاتتار مەن قازاقستان بياتلونشىلار وداعىنىڭ باس حاتشىسى ماناس ۇسەنوۆ ءسوز الدى.

اتالعان وتىرىستىڭ شەشىمى تۋرالى اقپارات بۇگىن ءمالىم بولدى. قازاقستاندىق سپورتشىلاردان دوپينگكە قارسى ەرەجەنى بۇزعانى ءۇشىن تاعىلعان ايىپتار الىنىپ تاستالدى. سونداي-اق، ولاردىڭ IBU ۇيىمداستىراتىن حالىقارالىق جارىستاردان شەتتەتىلۋى تۋرالى شەشىمنىڭ دە كۇشى جويىلدى.

ايتا كەتەيىك، 2018 جىلدىڭ 21 قاراشاسىندا IBU قازاقستان كومانداسىنىڭ نەگىزى قۇرامىن، ونىڭ ىشىندە گالينا ۆيشنەۆسكايا، الينا رايكوۆا، داريا كليمينا، ولگا پولتورانينا، يان ساۆيتسكي، ماكسيم براۋن، اننا كيستانوۆا، انتون پانتوۆ جانە ۆاسيلي پودكورىتوۆتى جارىستاردان شەتتەتۋ تۋرالى شەشىم شىعارعان بولاتىن. بارلىق بياتلونشىلارعا حالىقارالىق جانە رەسپۋبليكالىق جارىستارعا قاتىسۋعا ۋاقىتشا تىيىم سالىندى.

2019 جىلدىڭ 5 ناۋرىزى كۇنى قازاقستان بياتلونشىلار وداعىنىڭ اپەللياتسياسىن قاناعاتتاندىرعان سپورتتىق اربيتراجدى سوت (CAS) گالينا ۆيشنەۆسكاياعا تاعىلعان ايىپتىڭ كۇشىن جويىپ، ونىڭ ۇلتتىق قۇراما ساپىندا سىنعا تۇسۋىنە رۇقسات بەردى.

«بىزدىڭ سپورتشىلار جالپى ەسەبى 292 كۇن بويى جارىستان شەتتەتىلدى. ءبىز ۇلتتىق وليمپيادا كوميتەتى، مادەنيەت جانە سپورت مينيسترلىگىمەن بىرلەسە وتىرىپ، بۇل ءىستىڭ وڭ شەشىمىن تابۋىنا اتسالىستىق. ويتكەنى، تەكسەرۋ كەزىندە ءبىزدىڭ بياتلونشىلاردان الىنعان دوپينگ سىناما تەرىس ناتيجە كورسەتتى. ءبىزدىڭ سپورتشىلارعا قولداۋ كورسەتكەن بارشاڭىزعا راحمەت»، - دەيدى قازاقستان بياتلونشىلار وداعىنىڭ پرەزيدەنتى ەرمەك قيزاتوۆ.

ەستەرىڭىزگە سالا كەتسەك، 2017 جىلعى 8 اقپاندا دوپينگ قولداندى دەگەن كۇدىكپەن اۆستريانىڭ فەدەرالدى پوليتسياسى قازاقستان قۇراماسىنىڭ سپورتشىلارى مەن جاتتىقتىرۋشىلارىنىڭ دوپينگكە جوسپاردان تىس سىنامالارىن الىپ، ىزدەستىردى. قازاقستان قۇراماسىنا تيەسىلى قولدانىلعان دارى-دارمەكتەردىڭ قوقىس جاشىگىنەن تابىلۋى دوپينگ داۋىنا سەبەپ بولدى.

2018 جىلدىڭ 23 قاراشاسىندا IBU-دان قازاقستان بياتلونشىلار وداعىنا ءبىزدىڭ توعىز سپورتشىمىزدىڭ 2017 جىلعى اقپاندا دوپينگكە قارسى ءىس-قيمىلعا بايلانىستى بارلىق جارىستارعا قاتىسۋدان ۋاقىتشا شەتتەتىلگەنى تۋرالى رەسمي حابارلاما كەلدى.

حالىقارالىق بياتلونشىلار وداعى انتي-دوپينگكە قارسى كوميسسياسى - تاۋەلسىز تەرگەۋ جۇرگىزەتىن جانە WADA حالىقارالىق دوپينگكە قارسى اگەنتتىگىمەن تىكەلەي بايلانىستا بولاتىن اۆتونومدى ورگان. ايتا كەتۋ كەرەك، IBU مەن WADA بۇل شەشىمگە سپورتتتىق اربيتراج سوتىنا (CAS) شاعىمدانۋعا تۋرا 21 كۇن بار.



كەلۋ قاينارى: http://www.elarna.net/koru.php?tur=3&id=1046691

پىكىرلەر:

juz dep sifirmen jazingiz.