كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

ۇكىمەت زەينەتاقى جۇيەسى بويىنشا ۇسىنىستاردى جىل سوڭىنا دەيىن ازىرلەيدى


ءتۇرى: قازاقپارات جاڭالىقتارى

ۋاقىتى: 16:30 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.
ۇكىمەت زەينەتاقى جۇيەسى بويىنشا ۇسىنىستاردى جىل سوڭىنا دەيىن ازىرلەيدى

نۇر-سۇلتان. قازاقپارات –ەڭبەك جانە حالىقتى الەۋمەتتىك قورعاۋ مينيسترلىگىندە پرەزيدەنت قاسىم-جومارت توقاەۆتىڭ قازاقستان حالقىنا جولداۋىن ىسكە اسىرۋ ماسەلەلەرى جونىندەگى القا وتىرىس ءوتتى. بۇل تۋرالى قازاقپارات مينيسترلىكتىڭ ءباسپاسوز قىزمەتىنە سىلتەمە جاساپ حابارلايدى.

ۇقساس جاڭالىقتار
5 پايىزدىق قوسىمشا زەينەتاقى سالىمى 2023 جىلعا دەيىن شەگەرىلەدى قازاقستاندىقتاردىڭ زەينەتاقى جيناقتارى 9،99 ترلن تەڭگەنى قۇرادى

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ بەينەكونفەرەنتسبايلانىس رەجيمىندە وبلىستار مەن رەسپۋبليكالىق ماڭىزى بار قالالار اكىمدەرىنىڭ ورىنباسارلارىنا، سونداي-اق جەرگىلىكتى اتقارۋشى ورگانداردىڭ وكىلدەرىنە زەينەتاقى جۇيەسىنىڭ تۇراقتىلىعىن قامتاماسىز ەتۋ ءۇشىن مينيسترلىك قانداي تەتىكتەردى ازىرلەيتىنى تۋرالى ايتتى.

مينيستر قازاقستاندا جىل سايىن ىنتىماقتى زەينەتاقى ينفلياتسيا دەڭگەيىنەن ءوسىپ كەلە جاتقانىن اتاپ ءوتتى. سونىمەن قاتار، وتكەن جىلى ەڭبەك ءوتىلىن ەسكەرە وتىرىپ، بازالىق زەينەتاقى كوبەيتىلدى.

«تيىسىنشە، جىل سايىن زەينەتاقى تولەمدەرىنە بيۋدجەتتىڭ شىعىستارى ارتىپ كەلەدى. 2019 جىلى رەسپۋبليكالىق بيۋدجەتتە وسى ماقساتتارعا 2،3 ترلن تەڭگە كوزدەلگەن، بۇل وتكەن جىلدىڭ دەڭگەيىنەن 15%-عا جوعارى. جيناقتالعان زەينەتاقىنى ەسەپتەمەگەندە، زەينەتاقى تولەمدەرىمەن كىرىستىڭ جيىنتىق كوەففيتسيەنتى بۇگىندە 52،7% قۇرايدى. سونىمەن بىرگە زەينەتاقى جۇيەسىنىڭ تۇراقتىلىعىن قامتاماسىز ەتۋ ءۇشىن شارالار قابىلداناتىن بولادى»، - دەدى ءبىرجان نۇرىمبەتوۆ.

بىرىنشىدەن، قازاقستان رەسپۋبليكاسى پرەزيدەنتىنىڭ تاپسىرمالارىنا سايكەس، بيزنەسكە جۇكتەمەنىڭ ءبىر مەزگىلدە ۇلعايۋىن بولدىرماۋ ماقساتىندا مىندەتتى مەديتسينالىق ساقتاندىرۋ جۇيەسىن ەنگىزۋمەن قاتار، جۇمىس بەرۋشىنىڭ مىندەتتى زەينەتاقى جارنالارىنىڭ 5 پايىزىن ەنگىزۋ 2023 جىلعا دەيىن كەيىنگە قالدىرىلادى.

ەكىنشىدەن، ازاماتتاردىڭ زەينەتاقى جيناقتارىنىڭ ءبىر بولىگىن تۇرعىن ءۇي نەمەسە ءبىلىم بەرۋ سياقتى باسقا دا ماڭىزدى ماقساتتارعا پايدالانۋ ماسەلەلەرى كەشەندى پىسىقتالاتىن بولادى.

«مينيسترلىك ۇزاق مەرزىمدى اكتۋارلىق ۇلگىلەردى قۇرۋ نەگىزىندە جيناقتاۋشى زەينەتاقى جۇيەسىن ودان ءارى جەتىلدىرۋ بويىنشا شارالار كەشەنىن ازىرلەۋ ءۇشىن جۇمىس توبىن قۇردى. ونىڭ قۇرامىنا ۇلتتىق بانكتىڭ، قارجى، ۇلتتىق ەكونوميكا مينيسترلىكتەرىنىڭ جانە باسقا دا مەملەكەتتىك ورگانداردىڭ، قازاقستان قارجىگەرلەرىنىڭ قاۋىمداستىعى، كاسىپوداقتار فەدەراتسياسى، «تالاپ» قولدانبالى زەرتتەۋلەر ورتالىعى، ستراتەگيالىق باستامالار ورتالىعى، ساراپشىلار مەن قوعام قايراتكەرلەرى كىردى. كەشەندى جانە جان-جاقتى قاراستىرۋ ءۇشىن، سونداي-اق بيزنەس وكىلدەرىنىڭ، بولاشاق زەينەتكەرلەر مەن مۇددەلى مەملەكەتتىك ورگانداردىڭ مۇددەلەرىن ەسكەرە وتىرىپ، سىندارلى ۇسىنىستاردى ازىرلەۋ ءۇشىن جاقىن ارادا ۇكىمەت دەڭگەيىندە وسىنداي جۇمىس توبى قۇرىلاتىن بولادى. زەينەتاقى جۇيەسىنىڭ تيىمدىلىگىن ارتتىرۋ بويىنشا ۇسىنىستاردى ۇكىمەت پەن ۇلتتىق بانك جىل سوڭىنا دەيىن ازىرلەيدى»، - دەدى مينيستر.

ۇشىنشىدەن، شىعىنداردى وڭتايلاندىرۋ جانە ينۆەستيتسيالىق باسقارۋ ساپاسىن جاقسارتۋ ماقساتىندا بيۋدجەتتەن تىس جۇيەنى شوعىرلاندىرۋ جانە ءبىر الەۋمەتتىك تولەمدى ەنگىزۋ ماسەلەسى زەردەلەنەتىن بولادى.



كەلۋ قاينارى: http://www.elarna.net/koru.php?tur=3&id=1046672

پىكىرلەر:

juz dep sifirmen jazingiz.