كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-161515454335 %65 %
2019-09-171646515737 %63 %
2019-09-1816255755 %45 %

ارىستا ايەل ادام كورشىسىنىڭ اتىنا 3 رەت نەسيە راسىمدەگەن - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 16:20 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.



ارىس قالاسىنىڭ تۇرعىنى كورشىسىن الداپ، ونىڭ اتىنا 3 رەت نەسيە راسىمدەگەن.

وسىلايشا كۇدىكتى ايەل وعان 700 مىڭ تەڭگەدەن استام شىعىن كەلتىرگەن. بۇل جايىندا تۇركىستان وبلىستىق پوليتسيا دەپارتامەنتىنىڭ ءباسپاسوز قىزمەتى حابارلاپ وتىر. ارىس اۋداندىق ىشكى ىستەر بولىمىنە جەرگىلىكتى تۇرعىنداردىڭ ءبىرى كەلىپ، بانك كارتوچكەسىندەگى قوماقتى قارجىنىڭ جىمقىرىلعاندىعى جايلى ارىزدانعان. جەدەل جۇرگىزىلگەن جۇمىستاردىڭ ناتيجەسىندە كۇدىكتى ۇستالدى. انىقتالعانداي، ونىڭ تولەنبەگەن نەسيەسى بولعاندىقتان بانك كارتوچكاسىنداعى اقشاسىن پايدالانا الماعان. سوندىقتان ارام ويىن ىسكە اسىرۋ ءۇشىن كورشى ايەلدى پايدالانعان. ياعني الاياق كەلىنشەك كورشىسىنىڭ بانك كارتوچكاسىنا تانىسى اقشا سالاتىنىن، سوسىن ءوزى شەشىپ الاتىنىن ايتىپ وتىنگەن. وسىلايشا جالعان سىلتاۋمەن جابىرلەنۋشىنىڭ قۇپيا كودىن، دەرەكتەرىن ءبىلىپ الىپ، 3 بانكتەن 300 مىڭنان استام تەڭگەگە ونلاين-نەسيە راسىمدەگەن. سونداي-اق، جابىرلەنۋشىنىڭ شوتىندا تۇرعان جۇكتىلىك كەزىندە بەرىلەتىن ءبىر رەتتىك جاردەماقىسى، ياعني 400-مىڭنان استام اقشاسىن ۇيالى تەلەفون ارقىلى باسقارىپ، ءوز پايداسىنا جاراتقان. 

سالتانات قاراكوزوۆا، وبلىستىق پد ءباسپاسوز قىزمەتىنىڭ جەتەكشىسى:

- قازىرگى تاڭدا كۇدىكتى ازاماتشاعا بايلانىستى قر قك 190-بابىمەن الاياقتىق جاساعانى ءۇشىن سوتقا دەيىنگى تەرگەۋ امالدارى جۇرگىزىلىپ جاتىر. تەرگەۋ بارىسىندا بوعان وقيعانىڭ ءمان-جايى انىقتالادى.

قوستاناي وبلىسىندا  جەڭىل اۆتوكولىك ورتەندى. ماشينا وتقا ورانعاندا ىشىندە  جالعىز كىشكەنتاي ءسابي بولعان. اۆتوكولىك زاتوبول كەنتىندەگى ساۋدا ورتالىعىنىڭ  قاسىندا تۇرعان. وقيعا ورنىنا جەتكەن ءورت سوندىرۋشىلەر 20 مينۋتتىڭ ىشىندەقىزىل جالىندى ءوشىردى. الايدا ەكى جاستاعى ءبۇلدىرشىن  قاتتى كۇيىك الىپ ۇلگەرگەن. ءقازىر ول وبلىستىق بالالار اۋرۋحاناسىندا جاتىر. دارىگەرلەر ونىڭ جاعدايىن تۇراقتى اۋىر دەپ باعالاپ وتىر. 

ۋاليحان دوسانوۆ، وبلىستىق تجد باس مامانى:

- اۆتوكولىك جانىپ جاتقانىن ءبىر كۋاگەر كورىپ، بىردەن «101» قىزمەتىنە حابارلاعان. سول ساتىندە بالانىڭ اكەسى دە جەتىپ، كولىك ىشىنەن ءسابيدى الىپ شىعىپتى. ءورتتى وشىرۋگە 2 تەحنيكا، 7 ادام قاتىستى. باستاپقى بولجام بويىنشا، وتتىڭ تۇتانۋىنا ەلەكتر سىمدارىنىڭ تۇيىقتالۋى سەبەپ. 

شىمكەتتە وقۋشىلار اراسىندا بولعان توبەلەس كەزىندە جاراقات العان 16 جاستاعى جاسوسپىرىمگە العاشقى مەديتسينالىق كومەك كورسەتىلىپ، ول ۇيىنە جىبەرىلدى. جانجالدا اتىس بولدى دەگەن اقپارات راستالعان جوق. بۇل جايىندا قالالىق پوليتسيا دەپارتامەنتىنىڭ ءباسپاسوز قىزمەتى حابارلاپ وتىر. 9 قىركۇيەك كۇنى ساعات 13:50 شاماسىندا پوليتسياعا تەرىسكەي شاعىن اۋدانىندا جاستار اراسىندا جانجال تۋىنداعانى تۋرالى حابارلاما كەلىپ تۇسكەن. بۇگىنگى كۇنى اتالعان دەرەككە قاتىستى قر قك-نىڭ 293-بابى 3-بولىگى بۇزاقىلىق بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە.

اسەل سادەنوۆا، قالالىق پد ءباسپاسوز حاتشىسى:

- قىلمىس جاسادى دەگەن كۇدىكپەن ەكى كامەلەتكە تولماعان ءجاسوسپىرىم ۋاقىتشا ۇستاۋا اباقتىسىنا قاماۋعا الىنىپ، ولاردان پىشاق، شولاق مىلتىق جانە تراۆماتيكالىق تاپانشا تاركىلەندى. سونداي-اق پوليتسيا باسقارماسىنا 17 كامەلەتكە تولماعان ءجاسوسپىرىم جەتكىزىلىپ، ولاردىڭ قۇقىقبۇزۋشىلىققا قاتىسى بار-جوقتىعى انىقتالۋدا. جاسوسپىرىمدەر اراسىنداعى قاقتىعىس ءبىر-بىرىن جاقتىرتپاۋ سالدارىنان ورىن العانى انىقتالدى.  

جامبىل وبلىسىنىڭ پوليتسەيلەرى قۇرامىندا التىنى بار كەن تاستارىن زاڭسىز قازۋمەن اينالىسقان قىلمىستىق توپتى  قولعا ءتۇسىردى. العاشىندا ءۇش ادام، ال ەكىنشىسى توپتىڭ قۇرامىندا ءتورت ازامات بولعان. ولار اقبۇلىم اۋىلىنا جاقىن ماڭداعى جامبىل اۋدانىنىڭ تاۋلى جەرلەرىندە زاڭسىز كاسىپتەرىن جۇزەگە اسىرعان. كۇدىكتىلەردىڭ ءۇش بىردەي اۆتوكولىكتەرىن ءتىنتۋ بارىسىندا جۇمىسقا قاجەتتى بارلىق قۇرال-سايماندار مەن التىنى بار كەن تاستارى بار ءتورت قاپتى تاركىلەدى. ءقازىر اتالعان فاكتىگە قاتىستى قىلمىستىق كودەكستىڭ 334 –بابى، 1-بولىگى نەگىزىندە «جەر قويناۋىن ءوز بەتىمەن پايدالانۋ» بويىنشا سوتقا دەيىنگى تەرگەۋ امالدارى باستالدى. 

ماڭعىستاۋدا ءتارتىپ بۇزعان كولىك يەسى جول ساقشىلارىن اياعىنان تىك تۇرعىزدى.  «شەتپە – سايوتەس - بەينەۋ» تراسساسىندا جول ەرەجەسىن بۇزعان «تويوتا كامري» اۆتوكولىگىنىڭ جۇرگىزۋشىسى، پوليتسەيلەردىڭ توقتا بۇيرىعىن ەلەمەي قاشىپ كەتپەك بولعان. سالدارىنان تاس جولدا قۋعىن ۇيىمداستارىلدى. سوڭىندا پوليتسەيلەر توقتاتتى. زاڭبۇزۋشىعا قاتىستى ەكى بىردەي اكىمشىلىك حاتتاما تولتىرىلدى.


كەلۋ قاينارى: http://www.elarna.net/koru.php?tur=38&id=1046661

پىكىرلەر:

juz dep sifirmen jazingiz.