كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-16729217039 %61 %

ادام وتتەگىسىز قانشا ۋاقىتقا شىدايدى؟ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن ال


ءتۇرى: ماسساگەت ماقالالارى

ۋاقىتى: 16:10 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. ادام وتتەگىسىز قانشا ۋاقىتقا شىدايدى؟ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


ادام وتتەگىسىز قانشا ۋاقىتقا شىدايدى؟

وتتەگىسىز قانشا ۋاقىتقا شىداۋعا بولادى؟ ستاتيستيكاعا سەنسەك، قاراپايىم ادام اۋاسىز 2-5 مينۋت قانا شىداي الادى ەكەن. ارى قاراي ميعا وتتەگى جەتىسپەۋشىلىگىنەن ەسىنەن تانىپ، قايتىس بولادى. مىسالى، 2013 جىلى 32 جاستاعى نيكولاس مەۆولي ءبىر دەممەن 70 مەترگە سۇڭگۋگە ارەكەت ەتكەن. ءبىراق ارتى قايعىلى جاعدايمەن اياقتالدى.

ادامزات ءقازىر عارىش كەڭىستىگى مەن سۋ الەمىن زەرتتەۋدى مىقتاپ قولعا الدى. بۇل ەكى ورتادا دا وتتەگى جوق. شىن مانىندە ادام اعزاسى شىنىقسا، 5 مينۋتتان كوپ ۋاقىت شىداي الادى. قازىرگى الەمدىك رەكورد 22 مينۋت. ارينە وعان دەيىن تالاي رەكورد ورناتىلدى.

2008 جىلى يتاليالىق سۇڭگۋشى دجانلۋكا گەنوني 18 مينۋت 3،69 سەكۋند دەمالمادى. ءسويتىپ، گيننەس رەكوردتار كىتابى ەندى. دجانلۋكادان سوڭ بىرنەشە ادام ونىڭ رەكوردىن جاڭارتتى. دەگەنمەن، قازىرگى تاڭدا اۋاسىز ەڭ ۇزاق ۋاقىت سۋ استىندا تۇرا العان نەمىس درايۆەرى توم سيتاس بولىپ تۇر. 2012 جىلدىڭ 3 ماۋسىمىندا ول جاڭا رەكوردقا قول جەتكىزدى – 22 مينۋت 22 سەكۋند. ازىرگە بۇلسوڭعى رەكورد.

جوعارعى شەك

تىنىس الۋ شەگى – وتتەگىنىڭ قانشالىقتى تومەن كونتسەنتراتسياسى مەن كومىرقىشقىل گازىنىڭ مولشەرى قانشالىقتى جوعارى بولاتىنىنا بايلانىستى. ەكەۋىندە دە مەتابوليزم جىلدامدىعى ماڭىزدى. مۇحيت تۇبىنە تۇسەتىن سۇڭگۋىرلەر وتتەگىن تۇتىنادى جانە كومىرقىشقىل گازىن سۋدا قوزعالماي جاتىپ تەزىرەك شىعارادى. كاسىبي چەمپيوندار بۇل سپورتتا مەديتاتسيانىڭ ماڭىزدىلىعىن ايتادى. سۋ تۇبىندە ۇزاعىراق تۇرۋ ءۇشىن جۇرەك سوعىسىن باسەڭدەتۋ كەرەك. ول ءۇشىن باسىڭنان جامان ويلاردى شىعارىپ، سۋ استىنا سۇڭگىمەستەن بۇرىن ءجيى-جيى تەرەڭ دەم الۋ كەرەك. زات الماسۋدى باسەڭدەتۋدىڭ باسقا تاسىلدەرى بار. مىسالى، 1986 جىلى مۇزدى اعىنعا قۇلاعان ەكى جاسار امەريكالىق ءسابي – ميشەل فانك، كەيبىر مالىمەتتەر بويىنشا، 66 مينۋت سۋ استىندا دەمالماعان.

بۇل وقيعا 1986 جىلى سولت-لەيك-سيتي قالاسىندا بولعان… ءۇش جاستاعى ميشەل اعاسىمەن بىرگە مۇز بوپ قاتقان وزەندە ويناپ ءجۇرىپ، سۋعا ءتۇسىپ كەتكەن. بالاسىن شارق ۇرىپ ىزدەگەن انا تەز ارادا قۇتقارۋشىلاردى شاقىرعان. ولار ءسابيدى وزەننىڭ تومەنگى اعىسىنان 1 ساعاتتان استام ۋاقىتتان سوڭ تاپقان. كىشكەنتاي ميشەلدە ءتىرى قالۋ بەلگىلەرى بايقالماعان. دەنە تەمپەراتۋراسى 18 گرادۋسقا دەيىن ءتۇسىپ كەتكەن.

بىراق جەرگىلىكتى ەمحاناداعى ناۋقاستى تەز ارادا “جىلىتاتىن” قۇرىلعىمەن ميشەلدىڭ دەنە قىزۋىن 25 گرادۋسقا كوتەرگەندە، ومىرلىك بەلگىلەر بايقالا باستاعان. بۇل قۇرىلعى نەگىزىنەن جۇرەككە وتا جاسالعان ناۋقاستاراعا قولدانىلاتىن جاڭا قۇرىلعى بولاتىن. ارادان 2 اي ءوتىپ، ميشەل فانك ساۋىعىپ كەتكەن.

ال اۋستريالىق گەربەرت نيتستس ارنايى قۇرىلعىدا تەڭىز تۇبىنە سۇڭگىپ، 214 مەتر تەرەڭدىكتە ءتورت جارىم مينۋت وتتەگىسىز تۇرا العان. مۇندايدا اعزا وتتەگىسىز جاعدايعا قالىپتاسادى، جۇرەك سوعىسى باسەڭدەيدى.

كاسىبي فريدايۆەرلەردىڭ سۋ استىندا ۇزاق ۋاقىت دەمالماي جۇرۋىنەن اعزاسىندا وزگەرىستەر بولادى. مىسالى، وكپەسى وزگە ادامدارعا قاراعاندا ۇلكەن. ال مۇحيت تۇبىنەن مارجان تەرەتىن اتاقتى كارىس پەن جاپوننىڭ سۇڭگۋىرلەرىنىڭ قانىندا ەروتريتسيتتەر باسقالارعا قاراعاندا 10 پايىزعا كوپ ەكەن.



كەلۋ قاينارى: http://www.elarna.net/koru.php?tur=41&id=1046655

پىكىرلەر:

juz dep sifirmen jazingiz.