كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-14785288944 %56 %
2019-09-151110375335 %65 %
2019-09-1610728029 %71 %

تۇتىعۋ نەدەن تۋىندايدى؟ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمى


ءتۇرى: ماسساگەت ماقالالارى

ۋاقىتى: 15:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version. تۇتىعۋ نەدەن تۋىندايدى؟ ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


تۇتىعۋ نەدەن تۋىندايدى؟

كەكەشتىك – جۇرت اراسىندا، اسىرەسە جاڭا جەتىلىپ كەلە جاتقان جاسوسپىرىمدەر اراسىندا ءجيى كەزدەسەدى. وعان شالدىققاندار سويلەپ تۇرىپ الدە ءبىر بۋىندى نەمەسە دىبىستى ايتا الماي، ءسوزىن اياعىنا جەتكىزە الماي تۇتىعىپ تۇرىپ قالادى. سول بۋىندى نەمەسە دىبىستى الدەنەشە رەت قايتالاپ بارىپ دۇرىس جەتكىزە الادى. ال ونىڭ باستى سەبەبى نەدە؟ ەمدەلۋ جولدارى بار ما؟

زەرتتەۋشى ماماندار سويلەپ تۇرىپ كەكەشتەنىپ قالۋدى، قينالىپ تۇتىعىپ قالۋدى ماسەلەنىڭ تەك بەرگى جاعى عانا دەپ بىلەدى. ونىڭ ءتۇپ سەبەبىندە پسيحولوگيالىق جانە جۇيكە جۇيەسىنە قاتىستى كوپتەگەن جاعدايلار جاتىر دەيدى. ال، مەديتسينا تۇرعىسىنان العاندا تۇتىعۋدىڭ سەبەبى كوپ. عالىمدار ولاردى نەگىزىنەن 3 توپقا جىكتەيدى.

1. تۇقىم قۋالاۋ ارقىلى بەرىلەتىن كەكەشتىك. ەگەر اتا-اناسىنىڭ ءبىرى كەكەشتەنىپ، تۇتىعىپ سويلەيتىن بولسا نەمەسە جاقىن تۋعان-تۋىستارىنىڭ بىرىندە سونداي كەمشىلىك بولسا، بالانىڭ بۇل كەسەلگە ۇشىراۋ مۇمكىندىگى جوعارى بولادى. كەكەشتىك سىرقاتى كوبىنەسە ايەلدەرگە قاراعاندا ەرلەردىڭ اراسىندا، ەر بالالاردىڭ اراسىندا ءجيى ۇشىراسادى.

2. تۇتىعۋعا سەبەپ بولاتىن كەلەسى جاعداي – جۇيكە-جۇيەسىندەگى ەرەكشەلىك. تاڭدايدىڭ، ەرىننىڭ، ءتىلدىڭ، جۇتقىنشاقتىڭ بۇلشىق ەتتەرىنىڭ جۇمىسىندا دا كەيدە اقاۋ كەزدەسەدى. ال بۇل اتالعان مۇشەلەر ادامنىڭ دىبىستاۋىنا، سويلەۋىنە تىكەلەي قاتىسادى.

3. پسيحولوگيالىق تۇرعىداعى كەمشىلىكتەر. ونداي كەمشىلىككە ۇشىراعان ادامدا وزگە جۇرتپەن سويلەسىپ، قارىم-قاتىناس جاساۋدان قورقۋ پايدا بولادى. جۇرتشىلىقتىڭ الدىنا شىعىپ سويلەۋدەن ۇرەيلەنەدى. مۇنداي جانداردىڭ كوپشىلىگى ۇيالشاق، جوقتان وزگەگە اسەرلەنگىش، ەرىك-جىگەرى ءالسىز بولىپ كەلەدى.

كەكەش ادام سويلەي الماي تۇتىققان كەزدە قاتتى تولعانىستى، قىسىلۋدى باستان كەشەدى. ادام اسىرەسە كوپشىلىكتىڭ الدىنا شىعىپ سويلەگەندە، ءوزى تانىمايتىن ادامدارمەن سويلەسكەندە كەكەشتەنەدى. ماسەلەن، مەكتەپ وقۋشىلارى تاقتاعا شىعىپ، ءمۇعالىمنىڭ ساۋالدارىنا جاۋاپ بەرىپ تۇرىپ تۇتىعىپ قالۋى ىقتيمال. مۇنداي جاعداي ءجيى ۇشىراسادى. الايدا، سول بالالار ۇيدە وزىمەن-وزى وتىرعاندا، الدە جولداستارىنىڭ اراسىندا جۇرگەندە ەشقانداي ىركىلمەي، كەكەشتەنبەي، بوگەلىسسىز سويلەيدى. ياعني ولار كوبىنە كۇيزەلىستى، قىسىلىستى جاعدايعا تۇسكەندە كەكەشتەنەدى.

تۇتىعۋدان قالاي قۇتىلۋعا بولادى؟

بۇل كەسەل بوبەككە سويلەۋگە ەندى-ەندى قالىپتاسا باستاعان 6 جاسقا دەيىنگى كەزەڭدە جابىسادى. كەيدە ءسابي ءبىراز ۋاقىت تۇتىعىپ سويلەپ جۇرگەنمەن، كەيىن ودان ايىعىپ-ساۋىعىپ كەتكەندەي بولداى. الايدا، بۇل الدامشى كورىنىس. كوبىنە مۇنداي ايىعىپ كەتكەن كەكەشتىك جاسوسپىرىمدىك كەزەڭگە جەتكەندە قايتا اينالىپ سوعادى. سوندىقتان كەكەشتىكتى بوبەك ەر جەتىپ، ەسەيمەي تۇرىپ ەمدەتكەن دۇرىس. جۇيكە جۇيەسى جەتىلىپ، قالىپتاسپاي تۇرعان كەزدە ەمدەلسە، تۇتىعۋدان دا قۇتىلۋ جەڭىلگە سوعادى. سونىمەن قاتار كەكەشتىك كەسەلىنىڭ بالا ەسەيە كەلە ايىعىپ كەتۋى دە ءجيى كەزدەسەدى.

ناۋقاسقا قالاي كومەك بەرە الاسىز؟

كەكەش ادامدى تۇتىعۋدان قۇتقارۋدا ونىڭ ارالاساتىن ورتاسىڭ ىقپالى زور. تۇتىقپاسى بار اداممەن سويلەسكەندە كىسى ءوزىن مەيلىنشە بايسالدى، مامىراجاي قالىپتا ۇستاۋى ءتيىس. سوندا ونىڭ ءوزىن ەركىن سەزىنۋىنە، قىسىلماي سويلەۋىنە كومەكتەسەسىز. ءسوزدى مەيلىنشە اسىقپاي، باياۋ ايتۋعا تىرىسىڭىز. ەگەر اڭگىمەلەسىپ وتىرعان ادامىڭىز سوعان قاراماستان تۇتىعا باستاسا، وعاش ەشتەڭە بايقاماعانداي، ءوڭىڭىزدى، كوزقاراسىڭىزدى وزگەرتپەي، اڭگىمەنى ءارى قاراي جالعاي بەرىڭىز. مۇندايعا وعان قولداۋ بىلدىرەمىن دەپ «ايتا بەر»، «سويلەي بەر» دەپ باسالقىلىق جاساۋدىڭ ەش قاجەتى جوق. ونداي سوزىڭىزبەن ءسىز ونى ودان ءارى تىعىرىققا تىرەيسىز.

ەمدەلۋدىڭ جولدارى

كەكەشتىكتى ەمدەۋدى ەڭ اۋەلى دۇرىس تىنىس الۋدان باستاۋ قاجەت. دۇرىس تىنىس الۋ جاتتىعۋلارىن كۇندەلىكتى جاساپ، ادەتكە اينالدىرسا، ناتيجەسىن بەرەدى. كەلەسى ناقتى ەمدەۋ جولىنىڭ ءبىرى – لوگوپەدتەن ساباق الۋ جانە لوگوپەديالىق ماسساج. ساباقتىڭ كەزىندە ناۋقاس نەعۇرلىم بابىمەن سويلەۋگە، باياۋ سويلەۋگە، ءوزىنىڭ ايتۋىنا قيىندىق كەلتىرەتىن سوزدەردى، دىبىستار مەن بۋىنداردى باسقالارمەن اۋىستىرۋعا، ياعني قينالىستان جالتارىپ كەتۋگە ماشىقتانادى. ياعني كەكەش ادام ءوزىنىڭ ءسوزىن ءوزى باقىلاۋدا ۇستاۋعا ۇيرەنەدى. ال، ماسساج بۇلشىق ەتتەردىڭ جازىلۋىنا، ءتىل قىزمەتىنىڭ ەركىن بولۋىنا كومەكتەسەدى.

كەكەشتىكپەن سىرقاتتانعان ادامعا پسيحولوگ، پسيحوتەراپەۆت ماماندارىنىڭ دا بەرەر كومەگى زور. ولار ونىڭ پسيحولوگيالىق كەمشىلىكتەردەن قۇتىلۋىنا كومەكتەسەدى. بەيتانىس ادامداردىڭ ورتاسىندا ءوزىن ەركىن ۇستاۋعا قالىپتاستىرادى. مۇنداي ەمدىك شارالار ناۋقاسپەن جەكەشە دە، كوپشىلىكپەن بىرگە دە، ۇيدە دە جۇرگىزىلۋى مۇمكىن.

كەكەشتىكتى ەمدەۋدە دارى-دارمەكتىك ەم تۇرلەرى دە كەڭنەن قولدانىلادى. ناۋقاسقا جۇيكەنى تىنىشتاندىراتىن دارۋمەندەر، باسقا شيپالىق زاتتار، پرەپاراتتار بەرىلەدى. ولار ميداعى قان اينالىمىن جاقسارتىپ، جۇيكە جۇيەسىنىڭ قىزمەتىن رەتكە كەلتىرەدى. سونىمەن قاتار شيپاجايلىق ەم-دوم تۇرلەرى دە وتە پايدالى.



كەلۋ قاينارى: http://www.elarna.net/koru.php?tur=41&id=1046631

پىكىرلەر:

juz dep sifirmen jazingiz.