كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-09-181453485241 %59 %
2019-09-191340442541 %59 %
2019-09-205411182776 %24 %

اپەللياتسيالىق سوت مۇحتار جاكىشەۆتى قاماۋدا قالدىردى


ءتۇرى: Ult.kz ۇلىت تورابى

ۋاقىتى: 15:40 - 2019/09/11

: PDF Download - Жұктеұ - Скачать - ءتۇسىرۋ

elarna.net Printed Version.

"قازاتومونەركاسىپتىڭ" بۇرىنعى باسشىسى مۇحتار جاكىشەۆتى شارتتى تۇردە مەرزىمىنەن بۇرىن بوساتۋدان باس تارتقان سەمەي قالالىق سوتىنىڭ شەشىمىنە قورعاۋشىلار شاعىم تۇسىرگەن بولاتىن.

اپەللياتسيالىق كوللەگيانىڭ وتىرىسى وسكەمەندەگى شىعىس قازاقستان وبلىستىق سوتىندا 10 قىركۇيەكتە ءوتتى.

جاكىشەۆ پەن قورعاۋشىلارىنىڭ جەكە شاعىمدارى قارالدى، دەپ حابارلايدى وبلىستىق سوتتىڭ ءباسپاسوز قىزمەتى.

"بۇل شاعىمدار سەمەيدىڭ №2 قالالىق سوتىنىڭ 2019 جىلدىڭ 24 شىلدەسىندەگى مۇحتار جاكىشەۆتى شارتتى تۇردە مەرزىمىنەن بۇرىن بوساتۋ جونىندەگى ءوتىنىشتى قاناعاتتاندىرماۋ تۋرالى قاۋلىسىنا تۇسىرىلگەن ەدى. كوللەگيا قاۋلىسىمەن ءبىرىنشى ينستانتسيانىڭ سوت اكتىسى وزگەرىسسىز قالدى، جەكە شاعىمدار قابىلدانبادى"، - دەلىنگەن حابارلامادا.

سوتتىڭ ءباسپاسوز قىزمەتى تۇسىندىرگەندەي، شاعىمداردىڭ قابىلدانباۋىنا جاكىشەۆتىڭ كەلتىرىلگەن شىعىندى (99 ملرد تەڭگەدەن استام) ءالى كۇنگە دەيىن وتەمەۋى نەگىز بولعان، ال قاپشاعاي قالالىق سوتىنىڭ شىعىندى وتەۋ تۋرالى قاۋلىسى 2014 جىلدىڭ 15 شىلدەسىندە شىققان ەدى.

"وسى سوما ءالى كۇنگە دەيىن تولەنبەگەن. سوتتالعان ازامات شىعىندى وتەۋ ماقساتىندا ەشقانداي شارا قابىلدامادى. سونداي-اق سوتتالعان ازاماتتىڭ مىنەز-قۇلقىندا وڭ وزگەرىستەر بايقالمايدى. ىنتالاندىرۋلاردان بولەك، جاكىشەۆ تۇرمەدە ءتارتىپ بۇزعانى ءۇشىن جازالانعان. سوتتالعان ازاماتتىڭ تارتىپكە باعىنعاندىعىن، مىنەز-قۇلقىنىڭ تۇزەلگەنىن كورسەتەتىن ەشقانداي بەلگى بولعان جوق"، - دەلىنگەن شىعىس قازاقستان وبلىستىق سوتىنىڭ ءباسپاسوز قىزمەتىنىڭ حابارلاماسىندا.

باسپاسوز قىزمەتى اتاپ وتكەندەي، قىلمىستىق-پروتسەستىك زاڭنامانىڭ تالاپتارى بويىنشا شارتتى تۇردە مەرزىمىنەن بۇرىن بوساتۋ ءۇشىن سوتتالعان ازاماتتىڭ مىنەز-قۇلقىنىڭ تۇزەلگەنىن بىلدىرەتىن وڭ وزگەرىستەر بولۋى ءتيىس.

ەسكە سالا كەتەيىك، مۇحتار جاكىشەۆ 2009 جىلدىڭ مامىر ايىندا ءىرى ۋران كەن ورىندارىندا مەملەكەتتىك ۇلەستى ساتتى دەگەن ايىپپەن ۇستالدى. سوت پروتسەسى جابىق رەجيمدە ءوتتى. سوت وتىرىسى كەزىندە سوتتالۋشىنىڭ دەنساۋلىعى سىر بەرۋىنە بايلانىستى تالاي رەت جەدەل جاردەم شاقىرىلعان. 2010 جىلدىڭ ناۋرىز ايىندا جاكىشەۆ ىسىراپ جاساپ، پارا العانى ءۇشىن ايىپتى دەپ تانىلىپ، 14 جىلعا باس بوستاندىعىنىن ايىرلدى.

وتكەن جىلى تۇرمەدەگى مەرزىمنىڭ جارتىسىنان كوبى ءوتتى. وسىعان بايلانىستى جاكىشەۆ شارتتى تۇردە مەرزىمىنەن بۇرىن بوساتۋعا ءوتىنىش ءبىلدىردى. الايدا سەمەي قالاسىنىڭ سوتى اتالعان ءوتىنىشتى قولداعان جوق.

بىلتىر شىلدە ايىندا جاكىشەۆتى سەمەيدەگى وۆ-156/14 كولونياسىنا اۋىستىردى. بۇعان دەيىن ول الماتى وبلىسىنداعى زارەچنىي اۋىلىندا جانە قاراعاندى وبلىسىنداعى دولينكا ەلدى مەكەنىندەگى تۇرمەدە وتىردى.

ادۆوكات نۇرلان بەيسەكەەۆتىڭ ايتۋىنشا، تۇرمەدە وتىرعان جاكىشەۆتىڭ دەنساۋلىعى ناشارلاپ كەتتى. ول بىرنەشە اۋرۋعا دۋشار بولعان. ءبىراق ءالى كۇنگە دەيىن تولىققاندى مەديتسينالىق تەكسەرىستەن وتپەپتى. بۇگىندە ول ءبىراز ءدارى ءىشىپ، ەمدەلۋگە ءماجبۇر. III توپتاعى مۇگەدەك تۋرالى انىقتاماسى بار.


كەلۋ قاينارى: http://www.elarna.net/koru.php?tur=53&id=1046629

پىكىرلەر:

juz dep sifirmen jazingiz.